فريق يخزي

[ٱحےـمد اسےـماعيل]

بعد ما شوفنا طبعا مباراة الاهلي والجونة والتعادل الجميل الرائع

تعالوا ندردش شويه

الاول مين السبب في حالة الفريق الحالية

ويا تراء الاهلي هيفضل كده ولا ممكن يرجع المارد الاحمر لكيانه مرة اخرى ؟؟

الاول السبب عمنا جوزيه أفندي

مدرب من وجهة نظري قد فقد عقله ولا يستطيع إدارة المباريات

وبالدليل

لما المدرب يصمم على اللاعب محمد شوقي مباراة تلو الاخرى وهو يلعب في مركز حساس زي مركز وسط الملعب واللاعب مشتت ذهنيا وبدنيا ضعيف وعالة على الفريق

يبقى المدرب فقد عقله

لما المدرب يطلب اغلب نجوم الفرق المنافسة وادارة الاهلي اسم الله عليها تنفذ كل طلباته وفي الاخر برضو المدرب يفشل في ادارة المباريات وتوزيع النجوم

يبقى المدرب فقد عقله

لما المدرب يدخل في نظام الصفقات ويشتري لاعب للنادي بالملايين واللاعب يطلع فاشل زيه بالظبط

يبقى المدرب فقد عقله

لما المدرب ينام ويصحى وينام ويصحى وينام ويصحى ومش عارف ان هناك أكثر من خمس لاعبين في الفريق قد ذاد عمرهم ليصبح فوق السن الطبيعي للعب هذه اللعبة ويصمم ويراهن عليهم ثم يفشل

يبقى المدرب فقد عقله

ده بالنسبة للمدرب
...................

القنبلة ( جدو ) افندي كعب الغزال

المعلم جدو اول ما شوفته في التشكيل والله كان دماغي مصدع واول ما لمس الكره وابعدها عن عبدالله السعيد اللي كان واخد وضع استعداد لهدف عالمي تصدقو دماغي بدأ يخف من الصداع

ومن هنا بشكر الاخ جدو

ومع الكرة الثانية لجدو حين قام بالمراوغة داخل منطقة الجزاء ووقع على وشه وقعة تخزي دماغي خف خالص من الصداع

ومن هنا بشكر جدو مرة اخرى

اللعب جدو لا يستحق ان يلعب في الاهلي ولا في اي نادي اخر

أخ جدو ________ أقرب بلاعة

................................

المايسترو محمد ابو تريكة

أعتقد أن الوقت قد حان لإعلانك الإعتزال ومرحبا بك في إدارة الاهلي

...............

محمد شوقي كلاكيت تاني مرة

لا تستحق كل هذه الاهانات لذلك نتمنى اعلانك الاعتزال

..............

أحمد فتحي

نتمنى لك التوفيق في الاحتراف


.................

جونيور ومتعب وجدو وجوزيه

وصمة عار على الفريق

...................

وائل جمعة

نفس الكلام الموجه للمايسترو نتمنى منك الاعتزال والحفاظ على كبريائك

..............

شريف اكرامي

اركن جنب احمد عادل وياريت احمد ناجي ينزل يحرس عرين الفريق
....................
حسام غالي

ملاهي ليلية يا حسام تصدق عنيك باين عليها السهر ؟
مش دي ابدا العيون الزرقاء الجميلة بتاعت حسام قبل الاحتراف

.............

مين باقي في الفريق ؟؟؟

يعني لما نعمل احصاء للاعبين الذين يستحقون اللعب في الفريق نقول


1- حارس مرمى ؟؟ لا يوجد

2- دفاع؟؟ محمد نجيب بس

3- خط الوسط ؟؟ شهاب الدين احمد وحسام عاشور

الاطراف : احمد شديد قناوي شمال ومافيش يمين نظرا لإحتراف احمد فتحي

صانع اللعاب ؟ عبدالله السعيد ووليد سليمان

رأس الحربة ؟؟ دومنيك وبس

فين الفريق يا رجالة ؟؟؟

[السيدعبدالعزيز]

الاول حمدالله على سلامتك ابو روضة ياغالى ..

وبعدين ده انت شركت الفريق كله .

ههههههههههه

كل ده بسبب تعادل مباريتين ؟.

هو كده جمهور الاهلى اخد على الفوز على طول ومعندهوش صبر زى غيره

الدورى 36 اسبوع يا ابو روضة .

فيه ملاحظات واخفاقات من المدرب واللاعبين ؟.

اه فيه ...

ولكن بالصبر ان شاء الله ..

هو بس اللى مش نازل لى من زور الاخ بيدرو ده ..

مش عارف بيشتغل ايه وكل الاخطاء مكررة ونفس الاهداف تدخل فى الاهلى .

واعتقد ان الادارة على نار ..

ولكن لايمكن ان تسمع حسها على الفضائيات مثل غيرها من الادارات

تقبل تحياتى وكل عام وانت طيب .

[منصوراوى]

انا اتفق معاك بكل جوارحى
بس الونج اليمين هناك الاعب الصاعد الواعد حسين غنيم وايضا عبدالله عبد العظيم
اما خط النص لا يصلح شهاب ولا عاشور

اختلف فقط فى نقطة جدو

[ٱحےـمد اسےـماعيل]

الاول حمدالله على سلامتك ابو روضة ياغالى ..

وبعدين ده انت شركت الفريق كله .

ههههههههههه

كل ده بسبب تعادل مباريتين ؟.

هو كده جمهور الاهلى اخد على الفوز على طول ومعندهوش صبر زى غيره

الدورى 36 اسبوع يا ابو روضة .

فيه ملاحظات واخفاقات من المدرب واللاعبين ؟.

اه فيه ...

ولكن بالصبر ان شاء الله ..

هو بس اللى مش نازل لى من زور الاخ بيدرو ده ..

مش عارف بيشتغل ايه وكل الاخطاء مكررة ونفس الاهداف تدخل فى الاهلى .

واعتقد ان الادارة على نار ..

ولكن لايمكن ان تسمع حسها على الفضائيات مثل غيرها من الادارات

تقبل تحياتى وكل عام وانت طيب .


الله يسلمك يا عم السيد يا غالي

انا قربت اعمل زي عمرو أديب

لكن انا بس من خلال تعادلين وقربت اتجنن

فما بالك بعمرو اديب بقاله 7 سنوات ميت هههههههههههههه

لكن بجد الفريق في خطر يا عم السيد

وجوزيه واخد الفريق لتحت تحت تحت

[ٱحےـمد اسےـماعيل]

اختلف فقط فى نقطة جدو

اقنعني يا معلم

بأمارة ايه بتختلف معايه في جدو ؟؟؟

شوفتلو ايه حلو من يوم ما جه الأهلي ولا حتى من يوم ما شوفته غير بس الجونين اللي جابهم مع المنتخب بالحظ ؟؟

ولا بتختلف معايه على طريقة موكشة ؟؟

[موكشة]

وسع انت وهو الاهلى راجع بقوة
بتعادليين اتجننتوا امال اللى شافوا الاسى يعملوا اية
اصبروا فالدورى لسة طوييييييييييييييييييييييييل

[منصوراوى]

اقنعني يا معلم

بأمارة ايه بتختلف معايه في جدو ؟؟؟

شوفتلو ايه حلو من يوم ما جه الأهلي ولا حتى من يوم ما شوفته غير بس الجونين اللي جابهم مع المنتخب بالحظ ؟؟

ولا بتختلف معايه على طريقة موكشة ؟؟

مبدأ خالف تعرف لموكشه فقط patch_rir--
بس لا ننكر ان مستوى جدو فى المباراه كان سيىء بس لا يعنى الحكم عليه

[batista_cena]

فما بالك بعمرو اديب بقاله 7 سنوات ميت هههههههههههههه
ا امال اللى شافوا الاسى يعملوا اية

ههههههههههههههههههههههههههه
منورين والله

[shahat1976]

الفريق لسه فى مرحله الاعدادالنفسى نصبرعليه شويه الى شفوه فى بورسعيدميش كفايه

[ٱحےـمد اسےـماعيل]

الفريق لسه فى مرحله الاعدادالنفسى نصبرعليه شويه الى شفوه فى بورسعيدميش كفايه

أخي الكريم

الموضوع قديم جدا بتاريخ24- 10--2011

رجاء عدم رفع مواضيع قديمة