طلب من محترفين صيانة التلفزيون

[محمود العطفي]

السلام عليكم أخوانى الكرام
أن عندى مشكله جامده
كان عندى ديقوزن
اللى بيسحب البقع من الشاشه
اتســــرق
فـ انا كنت عايز اعمل واحد تانى
علشان متعطل فى الشغل والله
أرجــــــــــوكم المســـــــــــاعــده

[اسامه الحكيم]

ههههههههههههه

يعنى كل تليفزيون بيدخل الورشه بيحتاج الديجاوزن

بص يا غالى ومن الاخر

الديجاوزن هو عباره عن مغناطيس كهربائى

يعنى وببساطه

ملف يتحمل التيار 220

ملفولف على حديد غير قابل للمغنطه

حديد مطاوع يعنى

وايضا وببساطه

هات اى ترانس ( محول ) يعنى

وفكه

وخد ملف 220 منه

وهات ترانس لمبه نايلون

وفكه

وخد منه الحديد بتاعه

وجمعه على حجم قلب الملف اللى اخدناه من المحول

بحيث انه يكون مستقيم

كأنك هدخل مسطره مثلا فى قلب الملف الخاص بال 220 فولت

وبعد ما تقفل وتحاول تجمع اكبر قدر من الحديد داخل الملف

هتعمل مفتاح وعلبه شيك وتحط فيها الملف بالحديد

والفنش او التقفيل يرجع لذوقك

دى الفكره ببساطه

ولك شيخ طريقه

[ابوosama]

ياسلام عليك يا اسامه
جميل والله

[طه سعيد]

شوف اخى الغالى المسائله ابسط مما تتصور سلك الديجوزن فى نهايته طرفين هات سلك كهربا او فيشه كاست وقص نهايتها وشيل سوكت الديجوزن من التلفزيون ودخل عليه سلك الكهربا بس تكون فى السريه وانا باكد مرة اخرى انها تكون فى السريه والتلفزيون شغال عادى ضع الفبشه فى السريه لحظه وهتلاقى البقع اتشالت من مكانها وانا شغال على كدة من زمان برغم ان عندى ديجوزن

[محمود العطفي]

شكراً لكم أخوانى الكرام
لكن أنا على فكره كان عندى ديجوزن
على شكل دركسيون عربيه وكان بيشتغل على ثريا أو كهرباء 220 فولت
وألف شكر لكم أخوانى الكرام ع المساعده الجميله منكم

[الحاج عبدالله الظريف]

الله ينور يرجاله كل ادلي بدلوه والكل قال كلام في الصميم الله ينور فعلا انا شخصيا بستخدم الديجاوزن بتاع التليفزيون نفسه وبالسريا ولمدة ثواني وكله بيكون تمام بس لازم مننساش نغير الptc اونشوف ايه المشكله الي عملت المغنطه الي بالشاشه

[محمود العطفي]

الله ينور يرجاله كل ادلي بدلوه والكل قال كلام في الصميم الله ينور فعلا انا شخصيا بستخدم الديجاوزن بتاع التليفزيون نفسه وبالسريا ولمدة ثواني وكله بيكون تمام بس لازم مننساش نغير الptc اونشوف ايه المشكله الي عملت المغنطه الي بالشاشه

شكراً ياغالى لمرورك
وأكيد لازم أعرف المشكله