طلب من المهندس اسامه الحكيم اتمنى الرد

[SEDEK SHEHATA]

طيب انا قرات ردك على الموضوع بتاعى وفعلا مصر تعليهما على قدها

بس انا عايز اعرف اى حاجه عن برنامج هكس ورك شوب
مش معقول هنتفرج عليهم وهما بيزلوا فينا ويا ريت تكون على اتصال معايا لانى مش هستنى اكتر من كده بصراحه مليت وان شاء الله هوصل لحل بس عايز حد خبره معايا واعتقد انك ليك خبره وكمان عايزين نعرف اسم موقع اجنبى ليهم اكيد هيساعدنا فى حل المشكله دى

اتمنى انك تساعدنى وتقف جنبى ونحاول نجرب

انا معى ايميلك الشخصى وبعتلك رساله عليه وانت مردتش عليا عايز اتكلم مع حضرتك شويه

[اسامه الحكيم]

يا غالى

البحث عن مواضييع تخص الهيكس متااااااح

والمواقع كثيره التى تعطى نبذات عن الهيكس

ولكن فى مجال السوفت وير تكون كل هذه الاسرار داخل ادراج الشركات فقط

احتكار يعنى

فمن الصعب الوصول الى معلومات جوهريه تفيد فى هذا المجال

لان كل البرامج الكبيره تخص الشركات

اوعى تكون فاكر ان فيه حد بيقعد يكتب السوفت وير بالورقه والقلم

طبعا الحكايه دى بتتم ببرامج كبيره وضخمه

تدخل لها معطيات وبيانات

تخرج لك سوفت وير مناسب للمدخلات

وييجى دور تشفير وحمايه هذه البيانات داخل السوفت

لكى لا نصل الى اسرارهم

ودمتم سالمين

[ابوياسين1]

كلا مظبوط يا أوسؤس وقريبا لنا موعد بقمبله

[اسامه الحكيم]

كلا مظبوط يا أوسؤس وقريبا لنا موعد بقمبله

بس ياريت ما تكونش قنبلة دخان

او غاز مسيل للدموع

patch_rir--patch_rir--

[ابوياسين1]

لا والله العظيم قمبله ستهز كل المنتديات وهنقول صحيح لا للإحتكار

[SEDEK SHEHATA]

طيب هنعمل ايه دلوقتى احنا هنفضل كده نتفرج ونستنى طيب هو انا عايز اعرف سوفت الميكرو بوكس هو اللى بيركب لدنجل الكيوماكس والا ايه بالظبط
وبيجىمنين فلاشه الكيوماكس انا عايز افهم

وكمان مين اللى بينزل فلاشه الكيوماكس

[اسامه الحكيم]

بص يا غالى

كل شركة بتصنع بروسيسور بيكون عندها البرنامج الخاص بيه

تمام كده

وبعد كده تروح لها شركه الهارد وير اللى هتجمع الجهاز

على البورده

وتقول لشركه البروسيسور انا عايزه البروسيسور بتاعكم يشتغل على

فلاشه رقم كذا

وتيونر نوعه كذا

ورامه كذا

وايسى صوت رقم كذا

وتديها كافة البيانات عن عتاد الجهاز

تقوم شكره البروسيسور

تدخل كل البيانات دى فى برنامجها

والبرنامج يروح مصنع السوفت المناسب للهارد وير

مع البروسيسور

تيجى بقا شركات تانيه زى عمنا عبد العال

يشوف واحد من داخل شركة البروسيسور

وواحد تانى من داخل شركة الميكروبوكس

ويدفع من تحت الترابيزه

والاتنين يتفقوا مع بعض ويعملوا السوفت اللى يشتغل على الجهاز

ويخليه دونجل مثلا

ودى تخاطيف من اللعبه الكبيره