وقف حال ومشاركة بالاعمال

[طه سعيد]

قال رسول الله صلى الله عليه وسلم ( ان الله يحب اذا عمل احدكم عملاّ ان يتقنه ) وهناك فرق بين الفنى والهاوى ودى مشكله الزبون انه لازم يروح لحد فاهم فى اى مجال سواء تركيب او صيانه دة علشانه فى المقام الاول وبعدين دة ربنا اللى موزع الارزاق والحكمه تقول علمت ان رزقى لن ياخذة غيرى فاطمن قلبى

[ممدوح سموحه]

اخى الكريم الزبون بتاع الدش بيكون كداب كان زمان الزبون على حق دلواتى لا الزبون كداب لان ممكن يجى يقول انا كونت مركبه ب10 جنيه ومحدش بيركب ب10 جنيه وممكن يقول انا لسه سالك انت وقولتلى 15 جنيه من يومين ويقولك كلام انت ما قولتوش نهائى وبيحصل معايا كتير ولاكن الزبون ليه الكلام والشغل الكلام الاول علشان تقنعه انك فنى متميز مش بواب اتعلم من كتر ما بيجيب فنيين ويشفهم لازم الزبون يقتنع بيك انت الاول بالكلام قبل الشغل ولو قولتلو 40 جنيه هيقوله اوكى وهيحاول ينزل معاك شويه وانت وشطرتك وارجع واقولك الرزق على الله

[هشام جابر]

عندما تم تركيب طبق بمنزلنا كان سنة 1999 جائنا فنى التركيب من البندر 0 لابس بدله بكارفاته ( والله العظيم مابهرج وهو دا اللى حصل )ويحمل شنطة دبلوماسيه ولابس نظاره شمس ( بيه) معاه منقلة خشب كبيره قال ايه لقياس درجات الطبق ومعاه ميزان مياه ومعاه ليزر وطبعا المفاتيح ( البيت شد الطوارىء للمرحله القصوى) اه 000 نسيت اقولك ان الطبق 180 سم وطبعا ماتور وبوزيشن والديجتال الله يرحمه كان بىسات سوبر 7000 - طلع الباشا على السطوح الساعه 4ونصف بعد العصر - نزل الساعه 4 الفجر ( الله يبارك فيه ) قعد يضبط ويفك ويركب ويبوظ - المهم ربنا يخليه ركب ونيجى للقنوات - طلع مجلة الستاليت ام عشره جنيه - انا مش عارف بقت بكام دلوقتى ويضيف الترددات لكل قمر طبعا كان النايل سات والاربى والعرب سات 1و2 واسترا وترك سات 0

خلصنا والحمد لله - نزلنا - مشعايز اقول على الواجب اللى حصل معاه ( عيب طبعا اتكلم فى حاجه زى كده ) بس بالامانه هاقول خد كام

حسابك كام ياهندسه - تسلم ايدك يابرنس ؟

المهندس - خلى ياجماعه العمليه مش مستاهله

لا والله كتر الف خيرك وانت تشكر

المهندس/ علشان خاطر الناس العسل دول 200 جنيه بس
راحت فلوسك ياصابر - طيب ياعم خف شويه

مش هاينفع انا جاى من الاخر --
حسبى الله ونعم الوكيل 0 نمنا بعدها 48 ساعه لااتفرجنا ولا غيره

النهارده سواق الموتسيكل بقى فنى 0 الحلاق بقى فنى يوم الاثنين ليه مافيش شغل وكما الاجهزه الصينى بوظت الدنيا - يوم ماقول للزبون 30 او 40 جنيه للصيانه يقولك ياراجل خليه لك خورده او ارميه واروح اجيب جديد احسن ب 70 او 80 جنيه

ادى اللى جانا م الصين يخرب بيت الصين واللى يجيبو م الصين

نهارك زى العسل

[ابوosama]

اخى هذا منتدى صيانه وليس مكان لطرح المشكله
وشكرا لكم جميعا
ومغلق