احذروا من تـى اى داتــا بمتابعة الدون لود على الروتر منفرد بدون اى شخص معاك

[يارا محمود]

ان ربك لبلمرصاد
والله يا جماعة شركة تى اى داتا نـصــــا بـيــن تصدقوا انى مشتركة 2 ميجا
وافوجاء ان السرعة نزلت الى 512 المهم اتصلت وبعد عذاب مع الانتظار
على التليفون مع تى اى داتا ردوم عليا وقالولى اسفين هانرفع الى 2 ميجا فى ثوانى
واحنا اسفين يا فاندم
المهم انهم لما يكونو عايزين منك جنيه يالهوى بيحسبوها بالورقة والقلم
زى ما قال الكتاب ويقولولك عليك فرق سرعة وعليك كذا وكذا يعنى ادفع
طيب وانا اعمل ايه وانا ليا عندهم فرق سرعة
الى نزلت من 2 ميجا الى 512 وقعدت 5 ايام على 512
المفروض اخد منهم الفرق المهم رحت فرع مصر الجديدة وطلعت عنيهم
وقولتلهم محاضرة طويلة عريضة امام الناس كلها وعملتلهم فضيحة
وقالولى احنا اسفين يا فاندم وديه غلطة رديت عليهم وقولتلهم واما انا جيت
ادفع الاشتراك حاسبتونى على فرق السرعة بالمليم انا بئه عايزة حقى
المهم عملولى تعويض

السرقة بقيت عينى عنيك وانصح كل المشتركين انهم دايما ولو نص ساعة كل يومين
انصحهم انهم يفصلوا الوصلات ويقعدوا على النت لوحدهم
ويشوفو الدون لود كام ببرنامج اى دى ام

لان السرقة بقيت عينى عينك فى تى اى داتا

تحياتى

[alngm_salam]

واللة العظيم عندك حق
عملوها معاية عندى خط 1 ميجاوالدون لود جايب 50 ك ب اتصلت19777 قعدت على التليفون ربع ساعة وبعدين رد الدعم الفنى
وقلولى شوية حورات كدة وفى الاخر قلى افصلل الروتر وشغالة تانى لقيتة
السرعة زى الصروخ فقلى اسفين يا فندمممممممممممممممممممممممممم

[kamal65_65]

بعد كلامكم دة ازاى. وكيف. ومتى! مصر بلدنا الحبيبة هاتنظف من السرقة وتعطى لكل شخص حقه ؟ سبحان الله

[م/ حامد المصرى]

هههههههههه عادى ياجماعه كل حاجه وارده بلاش نظلم الناس ربما فى أعطال فعلا فى الشركة

[الشيخ محمد رشاد]

تحياتى لك
فعلا كلامك سليم يارا جزاك الله خيرا

[باسم سمير]

هذه شركة مصرية وطنية تفتح بيوت الاف المصريين وبهذا الكلام ستدمر سمعة تلك الشركة العريقة والاعطال واردة فى اى مكان فى العالم

[abdol maher]

وشركات الاتصالات نصابين ياريت تخلى بلكوم منهم وياريت تدخل شركات جديده لاحتدام المنافسة لانه من غير المعقول ان بلد فيها 85 مليون تخدمهم 3 شركات فقط

[يارا محمود]

هذه شركة مصرية وطنية تفتح بيوت الاف المصريين وبهذا الكلام ستدمر سمعة تلك الشركة العريقة والاعطال واردة فى اى مكان فى العالم

اولا الوطنى ما يسرقش اهل بلده بل بالعكس يحافظ عليهم
ثانيا مش كفاية نصب على المصريين مقارنة بلاسعار فى
اوروبا وامريكا
ثالثا فاتحة بيوت ناس كتير من السرقة ومص دم الغلابة
ولا عشان انتا تلاقيق شغال فيها او ليك حد فيها فبتدافع عنها

يعنى ايه شركة مصرية وطنية يعنى تسرقنى واقول حاضر نعم
اتقى الله يا اخى
وبلاش تدافع عن الظلم

[باسم سمير]

اولا الوطنى ما يسرقش اهل بلده بل بالعكس يحافظ عليهم
ثانيا مش كفاية نصب على المصريين مقارنة بلاسعار فى
اوروبا وامريكا
ثالثا فاتحة بيوت ناس كتير من السرقة ومص دم الغلابة
ولا عشان انتا تلاقيق شغال فيها او ليك حد فيها فبتدافع عنها

يعنى ايه شركة مصرية وطنية يعنى تسرقنى واقول حاضر نعم
اتقى الله يا اخى
وبلاش تدافع عن الظلم

احب اطمنك انا مبشتغلش فيها وماليش فيها اصدقاء او معارف معلومة تانية صاعقة .....انا مش مشترك فيها كمان ايه رايك
لكنى ادافع عن شركة مصرية واذا كنتى بدورى على السرقة هناك شركات كتير تسرق عينى عينك مثل شركات المحمول فهل من المعقول ان اكلم اى دولة عربية ب3.70 قرش للدقيقة
ثم ان كل الشركات الاخرى تتعامل بنفس التعريفة ونفس الخدمة
وعلى فكرة انا اتعملت مع النت كتير من الشركة دى لدى اصدقائى والكل اجمع انها ممتازة وتعتبر من احسن الشركات فى مصر واذا كانت تسرق فالشركات الاخرى ايضا تسرق مثل شركتى لينك واتصالات فكان من المفروض ان يكون العنوان سرقة شركات النت للمصريين
ثم يااختاه هناك ادب الحوار يعنى ياريت تنتقى الفاظك وكلماتك وبلاش رمى الناس بالباطل وبلاش الاساليب والكلمات المستفزة

[abdol maher]

أفضل شىء ياجماعه منعا للخلاف لانى لا أحبه فيه جمعية لحماية المستهلك اللى تنصب عليه أو ما شابه ذلك يقدر ييشتكلهم ولعلمكم حايخد حقه دا طبعا بعد الرجوع للشركة اللى بيتعامل معها وطرح لهم الأمر فأن لم يستجيبوا فأليك الحل الثانى ولعلمكم معظم الشركات بعض الثورة بقت تنصب فى الخباسه لتعويض خسائرها خلال الايام الماضيه فخلى بالكم كويس بالذات فى هذه الأيام لان فى اضرابات ومشاكل فى هذه الشركات

[AMD_DSL]

فعلا وكفاية حكاية الداونلود 200 جيجا و400 ايه المسخرة الى بلدنا دى؟؟؟

انا هفضح الشركة دى لو محترمتش نفسها لانها بتعمل فعلا كده

والحمد لله ان النت المحدود فى التحميل هيتلغى خلاص فى يناير

[AMD_DSL]

وياريت يبقى فى اكتر من شركة والاتصالات فى بلدنا تبقى محترمة

[عمروسليمان]

طيب لو انت جربت لينك حتقول ايه دى شركة نصب علنى الشركه اللى انت فيها على الاقل كويسه احمد ربنا انك مش فى لينك(نصابين)

[ahmeddija]

ربنا يهديهم

[مستر يوسف]

وياريت يبقى فى اكتر من شركة والاتصالات فى بلدنا تبقى محترمة

[يارا محمود]

احب اطمنك انا مبشتغلش فيها وماليش فيها اصدقاء او معارف معلومة تانية صاعقة .....انا مش مشترك فيها كمان ايه رايك
لكنى ادافع عن شركة مصرية واذا كنتى بدورى على السرقة هناك شركات كتير تسرق عينى عينك مثل شركات المحمول فهل من المعقول ان اكلم اى دولة عربية ب3.70 قرش للدقيقة
ثم ان كل الشركات الاخرى تتعامل بنفس التعريفة ونفس الخدمة
وعلى فكرة انا اتعملت مع النت كتير من الشركة دى لدى اصدقائى والكل اجمع انها ممتازة وتعتبر من احسن الشركات فى مصر واذا كانت تسرق فالشركات الاخرى ايضا تسرق مثل شركتى لينك واتصالات فكان من المفروض ان يكون العنوان سرقة شركات النت للمصريين
ثم يااختاه هناك ادب الحوار يعنى ياريت تنتقى الفاظك وكلماتك وبلاش رمى الناس بالباطل وبلاش الاساليب والكلمات المستفزة


كل واحد ياخد حقه لانهم لما بيكون ليهم جنيه عند العميل
الدنيا بتقوم وبتقعد ده غير السرقة والنصب الى هما فيه
طيب احنا كمان ناخد حقنا بمتابعة الدون لود منفرد على الروتر
ولو السرعة مش مضبوطة نعمل زيهم ونقوم الدنيا ونقعدها
ده حقنا

وعلى العموم احذروااا من تــــى اى داتـــــــــــــا

[teacher]

حد عنده معلومات عن تخفيض اسعار اشتراكات النت؟
تى داتا عاطين توكيل لناس تانية بيوزعو باسعار اقل من الشركة الأم
بالله عليكم فهموهالى دى
ازاى واحد واخد من شركة ويعطى الزبون بسعر اقل ؟
درب من الجنون
ياريت حد يفهمنا الأسعار الجديدة امتى

[محمدmimo]

انصحكم بشركه
Link dsl
شركه جميله في اسعرها وفي عروضها الجميله جدا انصحكم بها

[shaba7]

والشركة(تي اي داتا+ لينك) دالوقتي طلعتلنا بحوار جديد وهو سياسة الاستخدام العادل
بينكشوا علي اي حاجة تضايق الناس وخلاص

[shaba7]

فعلا وكفاية حكاية الداونلود 200 جيجا و400 ايه المسخرة الى بلدنا دى؟؟؟

انا هفضح الشركة دى لو محترمتش نفسها لانها بتعمل فعلا كده

والحمد لله ان النت المحدود فى التحميل هيتلغى خلاص فى يناير

هو كلامك دا صحيح ان سياسة الاستخدام العادل هتتلغي في يناير
واية هو المصدر