تسجيل الدخول

مشاهدة النسخة كاملة : دعوه إلى مقطاعة قنوات النهار و on tv و CBC

الصفحات : [1] 2 3 4 5
abo3omar
2011/12/20, 12:46 AM
هذه دعوه منى للأخوه الكرام ومقطاعة هذه القنوات والقنوات الأخرى التى تمشى فى مسار هذه القنوات

فمن المعروف أن هذه القنوات تقوم بتهيج الرأى العام والشباب ضد الجيش ممثل فى المجلس العسكرى وضد الأحزاب التى إختارها الناس للبرلمان

وانا عن نفسى قمت بمسح هذه القنوات القذره من الرسيفر الخاص بى

وأتمنا من الجيش أن يغلق هذه القنوات

وإذا وافقنى أحد من الأعضاء الكرام
فأرجو منه أن يضع فى الموضوع باتشات هذه القنوات ومعلومات أكثر عنها
وعن من الذى يمولها

لأنكم أعلم من بمثل هذه الأشياء
abdol maher
2011/12/20, 08:09 AM
ان جيت للحق النايل سات كله عايز يتقاطع دي بقت رقص وغنى وقنوات فلول تعمل لهدم مصر أنا ركبت قمر بدر زى الفل محترم وكل قنواته مفيده بالاضافة الى القمر التركى اللى بيجى مع بدر على طبق واحد وفيه كل البطولات ببلاش وعملت موضوع هنا قبل كده وقلت احذورا من النيل الناس فاهمين الحرية غلط عملين يهتكوا فى عرض البلد عشان يجيبوا اعلانات وفلوس حسبى الله ونعم الوكيل
spicey tiger
2011/12/20, 10:26 AM
انا مبقتش بتفرج على التلفزيون من كتر البلاوى اللى فية
ربنا ينتقم منهم ويولعوا بجاز عايزين يخربوا مصر وكلو عشان يعملو مشاهدات عالية وتبقى اسم القناة ناجحة
وخصوصا قناة سويرس اللى عمالين يشعللوا الدنيا ليل مع نهار
احمد جمال (ابو جمال)
2011/12/20, 11:13 AM
فعلا قنوات للشهرة فقط يا اخواني
rawad3
2011/12/20, 12:47 PM
لا اعرف تقاصيل عن اقنوات المصرية .. لكن مثلما انت لك حق ان تعبر عن رايك فلغيرك الحق ... الثورة كادت ان تحرق البلد من اجل اسلطة وكذلك الموالون ... كل يرى ان للسلطة طريق ولو على حساب مصالح الناس والعباد
ahmeddija
2011/12/20, 01:14 PM
من رأيي انها قنوات تقدم ماده اعلاميه دثمه جدا
وقنوات محترمه
fady helmy
2011/12/20, 02:39 PM
خليك انت مع التلفزيون المصرى هيفيدك اكتر من سى بى سى والنهار واون تى فى هيجبلك شارع فاضى فى وقت المظاهرات والبلد كانت فى مولعة هى علشان قنوات بتجيب الحقيقة تبقى قنوات بتثير الفتنة بين الشعب والجيش ودة رائ
ماريا
2011/12/20, 03:05 PM
ليه عايزين ترجعونا لعصور التعتيم الإعلامى
نۨــٰا̍صــر ؏ــڶــۍۧ
2011/12/20, 03:29 PM
خليك انت مع التلفزيون المصرى هيفيدك اكتر من سى بى سى والنهار واون تى فى هيجبلك شارع فاضى فى وقت المظاهرات والبلد كانت فى مولعة هى علشان قنوات بتجيب الحقيقة تبقى قنوات بتثير الفتنة بين الشعب والجيش ودة رائ

كلامك سليم 100 / 100
فى ناس زى النعام بتدفن راسها فى الرمل لكى لا ترى الحقائق
القنوات التى يتحدث عنها الاخ الفاضل ويطلب مقاطعتها تعرض
الحقائق كامله ولو كان ما تعرضه كذب وافتراء ما سكت عنها المجلس العسكرى ولطالب بالتحقيق ولكنه يعلم انها الحقيقه
خليك فى قنوات كله تمام وزى الفل زى فيلم محمد هنيدى جاءنا البيان التالى
لما عمل لقاء مع راجل وقال الحقيقه تم اعاده اللقاء ودفع فلوس للراجل عشان يقول كله تمام
خليك بقى فى القنوات اللى بتعرض اللقاء التانى ....
احمددش11
2011/12/20, 03:32 PM
انا بضم صوتي لمقاطعة لقنوات الفتنة بين الجيش والشعب
الاسناوى
2011/12/20, 11:36 PM
خليك انت مع التلفزيون المصرى هيفيدك اكتر من سى بى سى والنهار واون تى فى هيجبلك شارع فاضى فى وقت المظاهرات والبلد كانت فى مولعة هى علشان قنوات بتجيب الحقيقة تبقى قنوات بتثير الفتنة بين الشعب والجيش ودة رائ

اخوانى ارجو لا نعمم ففى بعض القنوات ناس محترمه كما ذكرت امثال ابراهيم حجازى فى قناه النهار وتامر امين فى قناه ltb فارجوكم اذكروا مقدمين البرامج المنافقين فقط وليست القنوات وان كانت القنوات تتحمل المسئوليه الكامله امام الله والشعب وسوف يلعنهم الله والشعب لانهم يحرضون على الفتن وانا مش فاهم هما ليه بينافقوا الثوار فى الحق والباطل على طول الخط وايه كميه الخوف دى منهم وعلى فكره احنا اللى عملنا الثوره ومش موافقين على اللى بيحصل ده لان اللى بيحصل ده يهدم دوله مش يبنيها وانا نفسى الناس اللى بيقولوا انهم ثوار ويقولوا احنا خايفين على مصر يسمعوا كلام الشيخ محمد متولى الشعراوى رحمه الله عليه عن الثائر الحق احنا سمعنا كلام شيخنا رحمه الله عليه علشان خايفين على بلدنا بجد وما لناش مصالح خاصه غير بناء اعظم بلد فى الدنيا ولكن للاسف الثوار الموجودين دلوقت ليهم مصالح خاصه امثال حركه 6 ابريل وانا بوجه لهم كلمه ارحموا مصر منكم ومصر مش تورته عاوزين تقسموها عليكم وفى النهايه لكى الله يا مصر وربنا يحميكى
داليا الاميرة
2011/12/20, 11:42 PM
اصلا قبل كل ده مين اصحاب القنوات دي
طبعا كلنا عارفين انهم فلول النظام السابق وانتظروا الموجة الثالثة للثورة وهي انقلاب الجيش علي الشعب وربنا يستر
محمد عراقيب
2011/12/20, 11:46 PM
ايوه هنخلينا مع التلفزيون المصرى وهنصدقه على الاقل مالوش اغراض تجارية واغراض مادية وبث فتنة بين الاخ واخوه كل متحزلق دلوقتى عامل نفسه ثورجى وسياسى لما نشوف لما المجلس العسكرى يسيب البلد هتعملوا ايه والله ...والله..والله لو اتعرضنا لاى عدوان خارجى ما حد هيشوف حد فيكم اللى هيدافع عن البلد ساعتها هو الجيش ده والاغلبية الصامتة وكله بيتهوه فى الزحمة
الاسناوى
2011/12/20, 11:49 PM
كلامك سليم 100 / 100
فى ناس زى النعام بتدفن راسها فى الرمل لكى لا ترى الحقائق
القنوات التى يتحدث عنها الاخ الفاضل ويطلب مقاطعتها تعرض
الحقائق كامله ولو كان ما تعرضه كذب وافتراء ما سكت عنها المجلس العسكرى ولطالب بالتحقيق ولكنه يعلم انها الحقيقه
خليك فى قنوات كله تمام وزى الفل زى فيلم محمد هنيدى جاءنا البيان التالى
لما عمل لقاء مع راجل وقال الحقيقه تم اعاده اللقاء ودفع فلوس للراجل عشان يقول كله تمام
خليك بقى فى القنوات اللى بتعرض اللقاء التانى ....
اخى الكريم هل توافق على ما يحدث فى الشارع المصرى الان وعلى فكره انا مش بدافع عن المجلس العسكرى لانهم بجد مش محتاجين دفاعى وانا لا انكر اخطاء المجلس العسكرى فى بعض التعامل مع المتظاهرين ولكن انا نفسى تحط نفسك مكان الجنود والضباط وكميه الاستفزاز اللى بيشوفوها كل يوم من طوب وملتوف وكور لهب لكل انسان طاقه وقدره على التحمل ولو رجعنا للموضوع من اوله اقدر اقولك ان المتظاهرين فعلا مستفزين يعنى ايه تعتصم امام مجلس الوزراء وتمنع دخول رئيس الوزراء من دخول مكتبه ويعنى ايه تقطع الطريق ويعنى ايه تلعب كوره بالليل امام مجلس الشعب رمز الامه كلها اليس كل ذلك نوع من الاستفزاز اخى الكريم انا بقى عاوز اعرف ليه القنوات اللى بتتكلم عنها دى وبتقول بتقول الحقيقه ما بتقولش الكلام ده وليه مش بتتكلم عن الجنود اللى بيتصابوا ولا العمليه نفاق فى نفاق وخلاص وانا اوكد لك انهم يبحثون عن مصالحهم الشخصيه وليست مصلحه مصر وليه المتظاهرين عاوزين يفرضوا رائيهم على الشعب كله وهى فين الديمقراطيه وانا اوكد لك اخى الكريم لو عملنا استفتاء هيعرفوا حجمهم الحقيقى فى الشارع وان كان هما عرفوها فى الانتخابات ولو عاوز نعمل استفتاء على مستوى المنتدى اوكد ان الناس كلها مش موافقه على اللى بيحصل ده
محمد عراقيب
2011/12/20, 11:57 PM
يا اخ اسوانى متتعبش نفسك دى فتنة وربنا يرحمنا والانسان الجاهل يقدر يفرق بين الصح والخطأ كفانا مهاترات القنوات دى معروف مصدرها كويس سواء ابن صفوت الشريف ابو قرووون او قنوات التمويل الخارجى عشان كده بتلاقيها على اعلى مستوى من الشياكة والاناقة وفلووس بالزوفة طبعا عشان الابهار وعشان الناس تتفرج وتصدق وسبحان الله ههههههههه المصرى هيفضل مصرى عارف كل حاجة ويقدر يفرق بين اللى بيشتغله واللى بيقوله الحقيقة
الاسناوى
2011/12/20, 11:59 PM
اصلا قبل كل ده مين اصحاب القنوات دي
طبعا كلنا عارفين انهم فلول النظام السابق وانتظروا الموجة الثالثة للثورة وهي انقلاب الجيش علي الشعب وربنا يستر

مش هيحصل اخى الكريم ولو كان عاوز ينقلب على الشعب كان عملها من زمان ونفسى اعرف ايه كميه عدم الثقه فى الجيش المصرى دى اقسم بالله الناس دى فى قمه الاحترام ومع احترامى للجميع احنا مش محترمين عند التحدث عن جيشنا وامطرناهم باهانات لا يتحملها بشر
heto122
2011/12/21, 12:20 AM
دعوة غبية و مرفوضة
الاسناوى
2011/12/21, 12:21 AM
دعوة غبية و مرفوضة

ما هى الدعوه الغبيه اخى الكريم
ahmedtarek2010
2011/12/21, 12:33 AM
مصر فوق كل حقودى
abo3omar
2011/12/21, 04:15 AM
ايوه هنخلينا مع التلفزيون المصرى وهنصدقه على الاقل مالوش اغراض تجارية واغراض مادية وبث فتنة بين الاخ واخوه كل متحزلق دلوقتى عامل نفسه ثورجى وسياسى لما نشوف لما المجلس العسكرى يسيب البلد هتعملوا ايه والله ...والله..والله لو اتعرضنا لاى عدوان خارجى ما حد هيشوف حد فيكم اللى هيدافع عن البلد ساعتها هو الجيش ده والاغلبية الصامتة وكله بيتهوه فى الزحمة

جزاك الله خيرآ أخى الكريم
فأنت قلت ما أردت أن أقوله
الأن
خيرى رمضان
الذى كان ضد الثوره من البدايه والذى قال على خالد سعيد أصبح من الثوار والمطالبين لحماية الثوار أقصد البلطجيه اللى حرقو المجمع العلم
وخيرى رمضان
هذا كان السبب وراء حملة غلق قنوات الحكمه والرحمه والحافظ

الأن
لميس الحديدى
المديره الإعلاميه لحملة مبارك للرئاسه فى 2005
أصبحت من الثوار بعد ما هاجمت الثوره فى البدايه على قناة النيل

وساويرس الذى إستهزء بالإسلام و وصف المصريين بالأغبياء
والذى يطلب من الغرب التدخل
نا هيك عن العلمانيين والليبيراليين من أمثال عادل حموده ومجدى الجلاد

كل هؤلاء يريدون مجد شخصى على حساب الدم المصرى
ولو هؤلاء ثوار فعلآ
فعليهم النزول فى الصفوف الأماميه و ياريت يستشهدو

ونحن لا نضع رأسنا فى الرمال كالنعام
والذى يقول ذلك ربما هو الذى يفعل هذا الأمر فلذلك يعتقد إن الجميع مثله
وهذا ليس تعتيم إعلامى
هذه قنوات تفسد مثلها مثل قنوات البورنو فهل مقاطعة قنوات البورنو تعتيم إعلامى و وضع رأسكم فى الرمال
وهناك قنوات كثيره محترمه
كالحياه
والبى بى سى وفرنسا 24 والعربيه
فهذه قنوات حياديه

هذه القنوات تتاجر بالدم المصرى
من أجل الأموال القادمه من الإعلانات
فكاما كانت الحلقه ساخنه اكثر كلما إزدادت نسبة المشاهده
وكلما زادت نسبة المشاهدة زادات الإعلانات
فمشاهدتنا لمثل هذه القنوات تتسبب فى حرق بلدنا