خطيبى جاله استدعاء فى الجيش...و لو راح هيترفد من شغله ...ايه الحل بالله عليكم

[فاطمه احمد]

لو سمحتوا ممكن تفيدونى...خطيبى مدرس فى مدرسه خاصه و انهاردا اتصلوا بالتليفون الصبح بوالدته و قالولها ان فيه استدعاء...و طبعا لو راح 20 يوم المدرسه هتستغنى عنه لانها مدرسه خاصه و مينفعش تستناه 20 يوم...المفروض اننا كنا هنتجوز ان شاء الله فى شهر 6 و لو لا قدر الله المدرسه استغنت عنه هتكون النتيجه سيئه
انا عايزه اعرف ايه مدى اهميه الاستدعاء؟ و هل ممكن محدش يروحه ولا فى عقوبه ممكن توصل للسجن...ممكن تفيدونى بسرعه لو سمحتوا

[شعبانمحمود]

مفيش استدعاء بالتليفون

[ابو حبيبه]

كلام سليم اخى لايوجد استدعاء بالتليفون ابدا
وانما عن طريق جواب من مكتب التجنيد

[gemy4u]

اتولا التاحقق من موضوع الاستدعاء هذا
ثم بعد ذلك التفكير فى اى شئ غير عدم الذهاب الى الجيش
فعواقبة ومشاكلة دنيا تانية خالص
واذا كان على الشغل ممكن يقدم طلب اجازة بدون مرتب مثلا
ومحدش عارف الخير فين يمكن ربنا عايزة فى شغلانة تانية تكون احسن من الى عيها الان
وكل الاشياء تعمل معنا للخير

[فاطمه احمد]

بس هو ده اللى حصل..هل بيطلب انه يحضر لمكان عشان يستلم الجواب...طب لو هو مرحش ايه اللى يثبت انه جاله استدعاء...ومتشكرة اوووووى لردود حضراتكم جزاكم الله كل خير

[فاطمه احمد]

اتولا التاحقق من موضوع الاستدعاء هذا
ثم بعد ذلك التفكير فى اى شئ غير عدم الذهاب الى الجيش
فعواقبة ومشاكلة دنيا تانية خالص
واذا كان على الشغل ممكن يقدم طلب اجازة بدون مرتب مثلا
ومحدش عارف الخير فين يمكن ربنا عايزة فى شغلانة تانية تكون احسن من الى عيها الان
وكل الاشياء تعمل معنا للخير



متشكرة اوووى لرد حضرتك...بس فعلا حاجه تحزن و الشغل الخاص مفيهوش حاجه اسمها اجازة بدون مرتب...ربنا يعمل اللى فيه خير

[SALAH SALEM]

مفيش استدعاء بالتليفون كما تفضل بالرد الاخوة

[amir_love2]

نعم كلام سليم ما فى استدعاء بالتليفون وثانيا بيعطوله اجازه موثقه من القوات المسلحه ويقدر يرجع شغله طبيعى جدا هذا واجب وطنى ومحدش يقدر يمشيه من شغله
وايضا ممكن يروح بس اخر يومين وبيدفع مقابل مادى بسيط او حد يظبطه من الكتيبه الى معاه وهذه معلومه فقط بس غير قانونيه

[نۨــٰا̍صــر ؏ــڶــۍۧ]

عذرا للاخوه الافاضل
الاستدعاء بالتليفون موجود للتنبيه بالذهاب الى اقرب منطقة تجنيد لمعرفة
تفاصيل الاستدعاء وذلك اذا كان رقم التليفون متوفر لديهم هذا اولا
ثانيا اذا تأخر فى الذهاب بعد الاتصال بيومين سيتم ذهاب مندوب(مخبر)
الى منزله ليسلمه اخطار الاستدعاء اليه او الى اى احد من اقاربه

فيجب اخذ الامور بجديه
اما من ناحيه الشغل اذا كان مؤمن عليه او بينه وبين المدرسه عقد يغطى
مده الاستدعاء حتى ولو شهر فمستحيل رفده لأن هذا مخالف ويعاقب عليه
القانون وستجد نص ذلك فى جواب الاستدعاء
اما لو كان غير ذلك فربنا يعوض عليه ..
للأسف انا عانيت مرارا من هذا الموضوع
وكأنه عقاب على من يؤدى الخدمه ..
وانا معكم فى اى استفسار ..

[فاطمه احمد]

لو سمحتوا ...اللى انا عرفته انهم راحوا البيت بس مكنش فيه حد و عشان كدا اتصلوا بالتليفون
طب لو متمش استلام الجواب او راحوا مرة تانيه و محدش فتح و استلم الاستدعاء ايه اللى ممكن يتم...هل كدا الاستدعاء بيعتبر لاغى؟؟؟

[فاطمه احمد]

عذرا للاخوه الافاضل
الاستدعاء بالتليفون موجود للتنبيه بالذهاب الى اقرب منطقة تجنيد لمعرفة
تفاصيل الاستدعاء وذلك اذا كان رقم التليفون متوفر لديهم هذا اولا
ثانيا اذا تأخر فى الذهاب بعد الاتصال بيومين سيتم ذهاب مندوب(مخبر)
الى منزله ليسلمه اخطار الاستدعاء اليه او الى اى احد من اقاربه

فيجب اخذ الامور بجديه
اما من ناحيه الشغل اذا كان مؤمن عليه او بينه وبين المدرسه عقد يغطى
مده الاستدعاء حتى ولو شهر فمستحيل رفده لأن هذا مخالف ويعاقب عليه
القانون وستجد نص ذلك فى جواب الاستدعاء
اما لو كان غير ذلك فربنا يعوض عليه ..
للأسف انا عانيت مرارا من هذا الموضوع
وكأنه عقاب على من يؤدى الخدمه ..
وانا معكم فى اى استفسار ..

طب و لو محدش استلم حاجه من المخبر ده...لو محدش فتح مثلا و استلم الجواب يعنى ايه اللى ممكن يتم؟؟؟؟؟؟

[ابوعبدالرحمن2]

لو سمحتوا ...اللى انا عرفته انهم راحوا البيت بس مكنش فيه حد و عشان كدا اتصلوا بالتليفون
طب لو متمش استلام الجواب او راحوا مرة تانيه و محدش فتح و استلم الاستدعاء ايه اللى ممكن يتم...هل كدا الاستدعاء بيعتبر لاغى؟؟؟

اختى الكريمة الحل الاكيد فى الموضوع هو ان يروح الى مكتب التجنيد التابع لة وياخد الجواب ويذهب بة الى المدرسة التابع ليها ويخطرهم وبكده بيعمل حاجة اسمها حفظ وظيفى لحين الرجوع من الاستداع والة سوف يكون هناك غرامة مالية بسبب عدم الذهب وده امر يتعرض لة الكثير شئ عادى جدا وهذا للعلم تحياتى للجميع

[نۨــٰا̍صــر ؏ــڶــۍۧ]

طب و لو محدش استلم حاجه من المخبر ده...لو محدش فتح مثلا و استلم الجواب يعنى ايه اللى ممكن يتم؟؟؟؟؟؟

هيعتبر تهرب من الاستدعاء
حتى ولو نقل سكنه الى بلد اخرى فلابد من اخطارهم بالمكان الجديد
حتى لا يعتبر تهربا
لى سؤال بسيط هل كان مجند عسكرى ام ضابط احتياط ؟؟

[نۨــٰا̍صــر ؏ــڶــۍۧ]

عذرا هل بينه وبين المدرسه عقد ام لا ؟؟؟

[فاطمه احمد]

هيعتبر تهرب من الاستدعاء
حتى ولو نقل سكنه الى بلد اخرى فلابد من اخطارهم بالمكان الجديد
حتى لا يعتبر تهربا
لى سؤال بسيط هل كان مجند عسكرى ام ضابط احتياط ؟؟

كان مجند عسكرى!!!

[فاطمه احمد]

عذرا هل بينه وبين المدرسه عقد ام لا ؟؟؟

ايوا فيه عقد طبعا تقريبا العقد السنوى اللى يجدد

[فاطمه احمد]

جزاكم الله كل خيييير و اسعدكم....انا عاجزه عن شكر حضراتكم

[نۨــٰا̍صــر ؏ــڶــۍۧ]

ايوا فيه عقد طبعا تقريبا العقد السنوى اللى يجدد

طالما هناك عقد فلا يستطيع صاحب العمل فصله بسبب الاستدعاء
كما قلت من قبل والا سيعرض نفسه للمسائله القانونيه
اما انه كان عسكرى مجند فهو يستطيع ان يزهب الاستدعاء بعد موعده بأسبوع
وبكده تقل المده لأسبوعين فقط وليس هناك اى ضرر
لأنه لو كان ضابط احتياط فالمده القانونيه لأستقباله ثلاثه ايام فقط

[فاطمه احمد]

لو محدش استلم جواب الاستدعاء او حصل امضاء...ايه اللى يثبت انه عرف بالموضوع و مفيش ورق يثبت؟؟؟

[هاني العدل]

بيعمل حاجة اسمها حفظ وظيفى لحين الرجوع من الاستداع