اخوانى المشرفين ارجو سرعه الرد لان الفنى هيجننى وشكله بيتحك عليا

[ممدوح سموحه]

عندى جهاز تليفزيون صينى مكتوب عليه inec كان الصورة مديه على ازرق وفى حته من الشاشه سودا من تحت وديته للراجل قالى عيب شاشه انا هغير الشاشه قولت ماشى غير الشاشه بدل ما كانت مديه على ازرق ادت على اخضر قالى دة عيب سرفس وبردو الحته السودا من تحت موجودة قولت لا انا مليش دعوة بالى بتقوله دة انت قولت 200 جنيه وانا قولت اوكى المهم قالى تعالا بليل لقيته عمل الالوان كويس بس الحتهالسودة لسه موجودة بيقولى دة عيب سرفيس هاتلى الريموت وانا اعملهالك وانا مش لاقى الريموت بتاعه جبتلو ريموت بيشتغل على التليفزونات الصينى قالى مينفعش اعمل ايه وانا عضو فى مصراوى سات ارجو ارشادى وحل هذا العيب معى وانا دفعلو كدة كل الفلوس ومش عارف اعمل ايه الالان كدة كويسه ولاكن الحته السودا الى تحت الشاشه ديه من ايه وبيقولى انا غيرتلك اى سى الفرتكل وغيرت الدفلكشن وغير الار جى بى بردو هيه هيه ممكن اعرف بديل الريموت دة ايه او ريموته ايه او طريقه دخول السرفس ايه علشان هوا بيتلكك بالريموت ولكم الشكر اخوكم ممدوح وانا فى انتظار الرد وش كرا

[ممدوح سموحه]

معلومه لما بيركب على شاشه 14 بوصه بتروح الحته السودا من الشاشه ولما بيرجه على الشاشه ال20 بتيجى يبقا دة كدة سرفس ولا ايه ؟؟؟؟؟؟؟؟؟؟

[اسامه الحكيم]

صاحبك شكله نصاب ولا ايه

الجهاز محتاج ضبط للسيرفيس من الريموت

لان الاجهزه الحديثه مفيهاش ضبط بمفكات وخلافه

هتدخل على البرنامج وتغيير اعدادت الفرتكال من الريموت

شاشه ودفلكشن وايسى فرتكال وحنفيه

[ممدوح سموحه]

المشكله انى مش عندى ريموته ومش عارف اعمل ايه يا استاز اسامه ورقم السرفس اجيبه ازاى افدنى افادك الله

[حمدى البندى]

أخى ولايهمك المشكلة عندك بسيطة جدا
اكتب نوع الجهاز وموديلة وسوف نوافيك
بالحل انشاء الله لان الشاشة عندك سليمة

[ابوتقى 20]

المشكله انى مش عندى ريموته ومش عارف اعمل ايه يا استاز اسامه ورقم السرفس اجيبه ازاى افدنى افادك الله

فعلا المشكله بسيطه فى السيرفس اكتب رقم ايسى البروسوسور لكى ندلك على طريقة فتح السيرفس والريموت الى يمشى مع الجهاز

[حسين31]

اتفضلhttp://www.masrawysat.com/vb/showthread.php?t=385713&highlight=%C7%E1%D3%D1%DD%D2+%C8%D1%DE%E3+%C7%E1%C 7%D3%EC يا غالى

[احمد سمير]

تمام يا اخوانى

وشكرا لمواصلتك ومتابعتك الجميله

مع اخوانك بالقسم

م / حمدى البندى

عملاق التليفزيون بلامنازع

[ضاحى الاصمعى]

مع احترامى لكل الاعضاء
يا غالى العيب لا فى الشاشه ولا الدفلكشن ولا ic الفرت
المشكله فى السيرفس مود وان لم يوجد ريموت الجهاز
روح الى الراجل النصاب وخليه يفك الجهاز ويقفل رجل 5/6
فى ic المومرى24c08 بمفك او جفت ويشغل الجهاز وهوا قافل الرجول 5/6
وبعد عشر ثوانى يرفع القفله هيرجع الجهاز ضبط المصنع
وهيرجع الجهاز الى وضعه الطبيعى
وشكرا

[م:نبيل السيد]

للاسف دخلاء المهنه جعلو معظم الفنين الشرفاء نصابين بافعالهم الملتويه يجب ان تكون هناك وقفه جاده ولا يسمح بمزاولة مهنة الصيانه الا لما هو اهلا لها عن علم ودراسه مش نصب وفهلوه

[حمدى البندى]

تمام يا اخوانى

وشكرا لمواصلتك ومتابعتك الجميله

مع اخوانك بالقسم

م / حمدى البندى

عملاق التليفزيون بلامنازع
شكرا استاذنا الغالى ومهندسنا الكبير /احمد سمير
لك تحياتى وهذا واجب علينا جميعا أن نكون عند حسن
ظن الجميع وبالنسبة لاخى صاحب المشكلة برجاء عدم
الرجوع لهذا الفنى مرة أخرى وتوجة لفنى أخر يكون
عندة ضمير وأخلاق للمهنة
لكم تحيتى جميعا وألف شكر على متابعتكم الرائعة

[ممدوح سموحه]

اسف على التاخير يا اخوانى لانقطاع النت عندى وانا شاكر جدا جدا ليكم وهروح ليه واقوله على قفل الرجل 5 و6 بس ربنا يستر وميعمليش حاجه غرها ويقولى انت الى قولت اعمل كدة

[ابراهيم39]

خليه يديلك الشاشه القديمه ويشغلهالك ويوريك العيب القديم عليها وذللك للتاكد انه نصاب من عدمه اولا لا ممكن يكون عيب الشاشه لون ولكن الجزء السفلى مكثف اوى ic فيرتكال او مومرى

[حمدى البندى]

متابعة رائعة من مهندسى قسم الصيانة
ونحن جميعا نكن كل الاحترام لمنتدانا
العظيم مصراوى سات

[mazloom_101]

ههههههههههههه معلشى ياماااااااان الزبون قلبك فى الفلوس لية هوالجهاز على بعضة بكام التلفزيون الصينى14 بوصة 330ج حسبي الله ونعم الوكيل فى اللى معندوش ضمير يااخى الفاضل خلى النصاب دة يضع شاشتك القديمة وخدفلوسك وروح لصنيعى زى خبرة وصمعة طيبة وشكرا للجمييييييييييييع

[hany2010210]

كل الكلام داه مضبوط الفنى داه لا يدرى شياء فى اى شياءبلفعل اكيد نصاب

[ابراهيم39]

ههههههههههههه معلشى ياماااااااان الزبون قلبك فى الفلوس لية هوالجهاز على بعضة بكام التلفزيون الصينى14 بوصة 330ج حسبي الله ونعم الوكيل فى اللى معندوش ضمير يااخى الفاضل خلى النصاب دة يضع شاشتك القديمة وخدفلوسك وروح لصنيعى زى خبرة وصمعة طيبة وشكرا للجمييييييييييييع

التليفزيون 20 بوصه ركز شويا فى القراه هو بيقول لوركب الشاسيه على 14 بتروح الته السودا ام لوركب على 20 بتيجى يبقى الشاشه20