تسجيل الدخول

مشاهدة النسخة كاملة : يا جماعة أرجوكم .. أنا تعبت

FX Powers
2012/02/22, 02:59 PM
السلام عليكم

يا جماعة أنا شاري جهاز Qmax mst-999 v2

شاريه من حوالي 11 شهر تقريباً

وللأسف لما اشتريته مكنتش أعرف إن في سنة مجاناً لفتح القنوات والكلام ده

ومحاولتش أوصله بالانترنت رغم إن عندي انترنت في البيت ولواحدي

أنا قدراً من كام يوم دخلت المنتدى هنا فوجدت إن الجهاز له إمكانيات أنا مستغليتهاش الفترة اللي فاتت

وبعدين جبت سلك الإنترنت ووصلته في مدخل الانترنت في الجهاز .. لكن معرفش إزاي أستفيد منه وإزاي يبقى الانترنت اتوصل للجهاز فعلاً وأعرف إزاي

وإزاي أستفيد من كل إمكانيات الجهاز ..

أرجوكم ساعدوني في ذلك

مع ملاحظة إني مليش أي معرفة بالجهاز سوى البحث عن القنوات

يعني لو هتشرحولي حاجة اعملوا حسابكم إنها تكون من الصفر

.....

هل في إمكانية للاستفادة من النت والاشتراك في شيرينج مدفوع مثلاً؟ وإزاي أوصله الانترنت وإزاي أستفيد من الانترنت.

بعد إذنكم السرعة في الرد
احمد دراجون
2012/02/22, 04:06 PM
نعم اخى يمكنك الاستفادة من النت وفتح القنوات المشفرة لو السنه المجانية لسة منتهتش وبعد انتهاء السنه المجانية يمكنك الاشتراك فى ***** مدفوع وفتح القنوات المشفرة عادى جدا يعنى تقدر تستفاد من امكانيات الجهاز كاملة بدون اى مشاكل
بالنسبة لتوصيل الجهاز بالانترنت انت هتجسي سلك نت عادى وتوصله ف الروتر والطرف التانى توصله ف الجهاز ف حاجة اسمها كونفرت ورا فيها فتحة اللان توصل السلك فيها عادى ثم تدخل على installation ثم network setting ثم internet setting ثم ip setting هتلاقى ********* عدت معاك او بتعد معاك تحت كدة يبقى القنوات المشفرة هتشتغل معاك لو معدتش معاك ********* يبقى تعمل اوتو اى بى تدوس على الزرار الازرق من الرموت وتقله yes الجهاز هيرستر معاك وهيفتح تانى وانشاء الله تكون ********* عدت معاك لو فى اى حاجة انا ف الخدمة اعمل كدة وانا متابع معاك :)
FX Powers
2012/02/22, 04:40 PM
فتحت menu

installation

لكن مش لاقي network settings

مش عارف ليه
FX Powers
2012/02/22, 06:21 PM
حد يرد عليا يا جماعة من فضلكم
لبلب
2012/02/22, 06:25 PM
اخى انت على سوفت كام
FX Powers
2012/02/22, 06:34 PM
مغيرتش حاجة في الجهاز من ساعة ما جبته
لبلب
2012/02/22, 06:45 PM
يا استاز علشان اقدر اساعدك لازم تعرف انت على سوفت كام وعموما حقولك حل بسيط ادخل على معلومات الجهاز واعرف السوفت بس حقولك حاجه تجربها الاول اقف على اى قناه مشفره واضغط من الريموت f1 وبعدها تلات اصفار خليها اينابل بدل من ديزابل
FX Powers
2012/02/22, 06:49 PM
من معلومات الجهاز

السوفت وير فيرجن

1.00

والريموت مفيش فيه f1
FX Powers
2012/02/22, 06:51 PM
http://t3.gstatic.com/images?q=tbn:ANd9GcQQLJ_QMDvWH9Rf2rJ-1shP64UujMaZdBtVxXCnHW2C4zSaOQXuHDVLeksJ

هوه ده شكل الجهاز وشكل الريموت
FX Powers
2012/02/22, 07:31 PM
يا جماعة في أمل ولا إيه الحكاية؟