مشكلة أريد لها حل على وجه السرعة .. تكرموا بالرد العاجل

[samehyehia08]

لو سمحتم أنا نزلت من هنا ملف السوفت بتاع ريسيفر strong 4300 لسنة 2010 وجيت عملت منه upgrade على الفلاشة للريسيفر وبعد ما انتهيت من الخطوات اللى جابها لى البرنامج .. كل حاجة راحت والسوفت وير ضاع تماما .. مش عارف اعمل ايه .. بسرعة حد يرد عليا قبل ما والدتى تصحى وتزعل منى وتكتشف الجريمة .. منتظر ردكوا على احر من الجمر

[ابوحنــين وأسيـــل]

وضح يامعلم يعني القنوات راحت ولا الجهاز مش شغال

[samehyehia08]

لأ الجهاز مش شغال لأن مفيش أصلا سوفت وير عليه .. وثابت على وضع 0000 . أرجو الإفادة الواضحة أخى الكريم خطوة خطوة وأنا معاك اهوه

[ابوحنــين وأسيـــل]

حمــــــــــل السوفت ده
هنااااااااااااااا (http://www.masrawysat.com/vb/attachment.php?attachmentid=99295&d=1320502897)

باللودر ده هناااااااااااا (http://www.masrawysat.com/vb/attachment.php?attachmentid=86101&d=1315342011)

ودي شرح التحديث
http://img607.imageshack.us/img607/8238/63260416.gif

[samehyehia08]

طب أقولك حاجة وتصدقها يا بشمهندس
بالفعل اتحمل سوفت وير على توقيعك (أبو حنين وشروق) من قبل فنى عنده محل بيصلح ريسيفرات . فياترى السوفت المرفق هنا اللى حضرتك حطه يختلف عن اللى نازل على الريسيفر عندى حاليا؟
وكمان سؤال أنا ينفع أنزله عن طريق فلاشة usb كأنى بنزل برنامج عادى؟

والنقطة الأهم النهاردة الإشارات كلها رايحة مفيش ولا قناة بتيجى خالص .. مش عارف ده عيب في ايه علما بأن التوصيل ووضع الطبق عندى تمام .. يا ريت حضرتك تخلصلى الموضوع ده ويبقى لك جزيل الشكر

[ابوحنــين وأسيـــل]

بص ياسامح السوفت اللي انا مدهولك ده للدفعه الجديده وممكن اي حد مر بمشكله زيك وقمت بأرفاق سوفت له فكتب عليه اسمي والافضل انك تحمله باللودر لان الجهاز جايب0000 يبقي هيفتح ازاي وتدخل جوه المنيو وادام انتا شغلت الجهاز
طيب الاول اعرف انتا عندك طبق وكذا قمر ولا سلك واحد وقمر واحد
وتاني حاجه لما الفني شغله جاب اشاره عنده عشان اعرف ده عيب سوفت ولا تظبيط ديزك
منتظرك

[samehyehia08]

لأ حضرتك أنا عندى سلك واحد وطبق واحد بس السوفت عليه كذا قمر، النايل سات الاساسى اسمه "أبو حنين وشروق" وأقمار تانية من ضمنها الأوربى (اسمه كدا يعنى) والطبق فى البلكونة والمدى قدامه تمام ومتركب قريب خالص وكان شغال زى الفل قبل ما كذا قناة تضعف اشارتها فى الفترة الاخيرة
والفنى لما نزله وجربته عندى فى البيت امبارح كان شغال وجايب كذا قناة مع استمرار تقطيع فى الصورة لبعض القنوات بس مش كل القنوات كانت جاية .. النهاردة بقى ما فيش ولا قناة شغالة . الإشارة مش موجودة .. انا مع حضرتك يا بشمهندس دلوقتى

[ابوحنــين وأسيـــل]

طيب راجع علي السلك تاني قبل ما تديله سوفت
ولو تجرب علي طبق تاني يكون شغال يكون احسن عشان نتأكد ان الطبق سليم وملف القنوات ده بتاعي ولو عاوز ملف نايل بس قولي
بس الاول نتأكد من الطبق وهل الجهاز ده قديم ولا شاريه جديد

[samehyehia08]

الطبق تمام والجهاز شاريه من حوالى 3 شهور .. وللأسف ما عنديش امكانية طبق تانى علشان اجرب عليه .. المهم حضرتك أنا ينفع أشغل اللودر من الفلاشة وبعد كده أعرف عن طريقه السوفت ولا أعمل ايه بالضبط ؟
وملف القنوات ده يفرق عن النايل ؟ أرجو التوضيح وأنا مع حضرتك أهوه

[samehyehia08]

حضرتك معايا يا بشمهندس .. انا منتظر ردك

[ابوحنــين وأسيـــل]

طيب الاول اعمل ضبط مصنع وبعد كده حمل ملف القنوات نايل سات من
هنااااااااااااااااااااااااااااااااا (http://www.masrawysat.com/vb/showthread.php?t=439921)
واللودر للكمبيوتر ياغالي ولازم وصله تحديث
لوانتا حاسس ان الموضوع صعب عليك شوف فني وهوا هيعمل اللازم عشان الجهاز مبيضربش منك وانا معاك في اي حاجه

[samehyehia08]

ربنا يكرمك يا بشمهندس .. سأعمل اللى قولت لى عليه وهشوف الوضع ايه وسأبلغك بالنتيجة .. وألف شكر على تعبك معايا

[samehyehia08]

السلام عليكم يا أبو حنين

أنا نزلت ملف القنوات بتاع حضرتك واشتغل تمام بس فضلت الإشارة مش موجودة تقريبا (بالكتير قنوات بتقطع فى الصورة) . المهم فكرت أنزل من الفلاشة برده ملف اسمه "حل قطع الإشارة" كنت حملته هنا من المنتدى ظنا منى انه هيحل المشكلة. بس للأسف بعد ما نزل اتمسح السوفت وبقى الجهاز فاضى وعلى وضع 0000 زى ما كان قبل ما ينزل الفنى امبارح السوفت عليه. ياريت تقولى أعمل ايه غير موضوع كابل التحديث ده. ولو ما كان فيه حل غيره ما ينفعش أحل الموضوع ده بنفسى دون اللجوء إلى فنى مختص

[ابوحنــين وأسيـــل]

ياسامح انا قولتلك علي الخطوات تشوف السلك او تجرب طبق تاني لان جهازك من الدفعه الجديده وهوا سوفت واحد اللي بيقبله اللي في الاعلي ولازم من اللودر والكابل لانهم الافضل في التحديث وكمان الجهاز لو جاب0000 هحدثه ازاي بالفلاشه لازم لودر ووصله شوف الفني وخليه يجرب الجهاز عنده وان اشتغل تمام وعمل العيب عندك يبقي العدسه او الطبق عاوز تظبيط

[samehyehia08]

مفهوم كده، ألف شكر يا أبو حنين .. وان شاء الله أظبط الفيلم ده اليوم