ولا كده عاجب ولا كده عاجب..!!

[koka2006]

السلام عليكم..

ماالذى تجدونه فى المواقف التاليه::.

-----------------

شاب كان بايظ وطايش وفيه كل الصفات الوحشه

نسمع الناس كانت بتقول عليه ايه..

دول حزب(ايه الواد ده ده مش متربى اهله مش عرفو يربوه)

حزب تانى (من الشباب الروش)(وااااااو ايه والواد ده ده فى الجون ده مخلص ومقطع السمكه وديلها)

------------------------

وبعد ما التزم وبقى شيخ قالو..

الحزب الاول(شوفو الواد من كتر الانحراف بقى متطرف وارهابى)

حزب الروشين (يااااى ايه الواد بقى بيئه كده ليه وايه الدقن دى شكله بيئه اوى)

-------------------------

راقصه فى ملهى ليلى..الناس بيقولو عليها ايه..

(يا سلااااام البت حلو وقلبها طيب بس لو تلتزم تبقى فى الجون)

الراقصه اللتزمت نسمع قالو ايه..

(ايه البت دى هى نسيت كانت ايه ولا ايه هتعمل علينا شريفه وست الشيخه الله يرحم)

------------------------------

امام ماسك مسجد فكان بيطول فى الصلاة والدعاء فى الفجر الناس كانت بتقول..

(ايه الشيخ ده مش بيرحم لو فيه حد كبير بيصلى ولا حاجه ده حرام والله اعوذ بالله ربنا ينتقم منه)

الشيخ بعدها سمع كلامهم وبقى يصلى الفجر فى 5 دقايق..قالو..

(ايه الشيخ ده هو وراه ميعاد ولا ايه ده حتى حرام المفروض الخشوع فى الصلاة ربنا ينتقم منه)

-------------------------------

شاب مش بيحب ينزل من البيت ابداً كانو بيقولو..

(هو الواد ده ايه مش بيزهق عامل زى الحريم ع طول فى البيت)

ولما بقى بيخرج كل يوم قالو..

(ايه الواد البايظ ده هو ع طول مش فى البيت كده طب افرض فى ضيف جاه مين يقعد معاه..)

---------------------------------

مدرس فى مدرسه كان عامل مقاطعه للدروس الخصوصيه قالو عليه..

(ده ايه الراجل ده مفترى مش عايز يدى العيال دروس علشان يسقطهم)

وبعد ما بقى بيدى دروس قالو..

(اعوذ بالله المدرس ده من يوم ما بقى بيدى دروس ونفسه كبرت وبقى ع قلبه الفلوس قد كده)

-------------------------------

عضو فى منتدى كان كل ما يدخل موضوع ولا حاجه يضحك قالو عليه..

(ده ايه الواد الهايف ده حاجه تجيب شلل اطفال)

وبعد ما اخد باله وبطل العاده دى قالو..

(يااااااباى ايه الواد الرخم ده بقى دمه تقيل اوى اعوذ بالله)

---------------------------------

شاب كان شعره طويل شويتين قالو عليه..

(ايه الواد اللى عامل نفسه مايكل جاكسن ده حرام يا ابنى كده الشعر ده للبنات بس)

ولما حلق شعره بطاطس قالو..

(يالهوى شوفو الواد ده بقى عامل ازى بقى قفاه زى وشه كركركركر)

------------------------------------

بعض الناس بيحبو الصيف والبعض الاخر بيحب الشتاء

انما فى ناس بقى ...تعالو شوفو

(يااااااه ع الحر ايه ده امتى بقى الشتاء يجى اعوذ بالله الصيف ده مقرف)

يجيى الشتاء يقولو..

(درررررر ايه السقعه دى فين ايام الصيف بلا شتاء بلا نيله )

[أم رانا]

هههههههههههههههههههههه
صح لسانك والله الناس ولا عجبها كدة ولا كدة
موضوع جميل جداااااااا سلمت الايادى اخى الفاضل

[koka2006]

الرائع مرور سيادتكم العطر

[الجعفرى_105]

موضوع جميل جداااااااا سلمت الايادى اخى الفاضل

[koka2006]

الرائع مرور سيادتكم العطر