خلف الفنان
2012/03/20, 03:13 AM
ياللي هتبقى بكرة زعيمنا
*********
ياللي هتبقى بكرة زعيمنا
ياللي هتبقى الريس فينا
اسمعنا وافهمنا ياريس
خليك واحــد مننا فــينا
مصر أمانة كبيرة ياريس
شعبها مدبوح بالسكينه
شعبها صامد ثابت جامد
لو حتى حكمها افندينا
شعبها صحى ضميره وصوته
خلي اديك يالا في ادينا
أوعاك تنسى انك يوم مصري
وتخلي الوطــنية رهيـنة
*********
لما تحس بطعم المنصب
ونقولك يالي انتا حامينا
لما تقابل زعما العالم
ويقولو شرف أراضينا
لما فـ حفلة تقابل مطرب
وممثل متامرك فينا
لما تقابل لعيب كوره
ومصارع عامل (جون سينا)
لما تشوف في الشارع صورتك
ملياك هيبة وعملالك قيمة
لما طلاب الجامعة تقولك
بنحبك وانتا الخير فينا
لما الوزره تمشي فـ ضلك
بعدما كنت قبلها زيينا
*********
لما جرايد الدنيا بحالها
تكتب عنك أحلى كلام
تكتب انك أول ريس
بعد الثوره لشعب همام
تكتب كل جريده كلام
منه انك أول (فندام)
يحكم شعبه من الميدان
من غير دبلجه ولا أفلام
*********
لما اعـلام الدنيا يزيعــلك
وانتا لقسمك يومها بتلقي
كاميرات كل الدنيا تحاصرك
وانتا بتخطب كله بــيجري
زووم عالريس يلي تصور
واعمل توتل بدقه يا فني
كادر الكاميرا لصورة الريس
أطول مده والصوت علي
خلي الدنيا تشوفه كويس
تملى عيونها بيه وتملي
**********
اوعه فرحة انك ريس
تاخد عقلك فينا وتهيس
ويرجع فينا زمن فرعون
ونقول يسقط تاني الريس
*********
شعبك داق المر صبابة
لما ظلم الحاكم صابه
وكتير منا جات رجليه
بشرك الخونه وعملو صحابه
ضايع حقه بيجري عليه
ضيع عمره وفاته شبابه
*********
لوانتا ياريس حاسس بينا
وان احنا كتير ياما اسينا
لوانت بحق وطني اصيل
هنبنيلك مجدك بادينا
واوعاك بينا مره تغامر
وبغلطة بنارك تكوينا
كلمة ياريس اخيره هقولها
مصر امانة كبيرة ياريس
احفظها وانصر اهلينا
نفديك بالغالي ونودك
ونقدمــلك نن عـنــينا
خلف محمد
*********
ياللي هتبقى بكرة زعيمنا
ياللي هتبقى الريس فينا
اسمعنا وافهمنا ياريس
خليك واحــد مننا فــينا
مصر أمانة كبيرة ياريس
شعبها مدبوح بالسكينه
شعبها صامد ثابت جامد
لو حتى حكمها افندينا
شعبها صحى ضميره وصوته
خلي اديك يالا في ادينا
أوعاك تنسى انك يوم مصري
وتخلي الوطــنية رهيـنة
*********
لما تحس بطعم المنصب
ونقولك يالي انتا حامينا
لما تقابل زعما العالم
ويقولو شرف أراضينا
لما فـ حفلة تقابل مطرب
وممثل متامرك فينا
لما تقابل لعيب كوره
ومصارع عامل (جون سينا)
لما تشوف في الشارع صورتك
ملياك هيبة وعملالك قيمة
لما طلاب الجامعة تقولك
بنحبك وانتا الخير فينا
لما الوزره تمشي فـ ضلك
بعدما كنت قبلها زيينا
*********
لما جرايد الدنيا بحالها
تكتب عنك أحلى كلام
تكتب انك أول ريس
بعد الثوره لشعب همام
تكتب كل جريده كلام
منه انك أول (فندام)
يحكم شعبه من الميدان
من غير دبلجه ولا أفلام
*********
لما اعـلام الدنيا يزيعــلك
وانتا لقسمك يومها بتلقي
كاميرات كل الدنيا تحاصرك
وانتا بتخطب كله بــيجري
زووم عالريس يلي تصور
واعمل توتل بدقه يا فني
كادر الكاميرا لصورة الريس
أطول مده والصوت علي
خلي الدنيا تشوفه كويس
تملى عيونها بيه وتملي
**********
اوعه فرحة انك ريس
تاخد عقلك فينا وتهيس
ويرجع فينا زمن فرعون
ونقول يسقط تاني الريس
*********
شعبك داق المر صبابة
لما ظلم الحاكم صابه
وكتير منا جات رجليه
بشرك الخونه وعملو صحابه
ضايع حقه بيجري عليه
ضيع عمره وفاته شبابه
*********
لوانتا ياريس حاسس بينا
وان احنا كتير ياما اسينا
لوانت بحق وطني اصيل
هنبنيلك مجدك بادينا
واوعاك بينا مره تغامر
وبغلطة بنارك تكوينا
كلمة ياريس اخيره هقولها
مصر امانة كبيرة ياريس
احفظها وانصر اهلينا
نفديك بالغالي ونودك
ونقدمــلك نن عـنــينا
خلف محمد