تحذير لوجة الله بخصوص رسيفر pansat 9000 hd

[محمودالطهطاوى]

اقسم بالله االعظيم اننى لا اريد سوى مصلحتكم بخصوص هذا الرسيفر الملعون اسؤا رسيفر شوفتو فى حياتى


انا شغال على المارد الصينى كيوماكس جولد ولكن الشيطان لعب بمخى
وقلت اشترى رسيفر اتش دى والسيرفر الخاص بية يكون سى سى كام
عملت بحث على افضل الرسيفرات على النت وكان ستار سات 2000
وستار سات 6000 والجوكر و pansat 9000 hd

سالت ولم اجد ستار سات 2000 والجوكر فيرجن2
ولم يتبقى امامى الا pansat 9000 hd وستار سات 6000
لقيت ستار سات 6000 بدون اى زراير فقمت بشراء اكبر مقلب فى حياتى pansat 9000 hd
اهم العيوب على السوفت 265
1-الرسيفر بالضبط بياخد دقيقة فتح عند التشغيل
2- تهنيج الرسيفر عند التسجيل او تركيب اى يو اس بى
3- عدم الاقتراب من ***** اكثترا موفيز وعند الاقتراب الجهاز بيهنج ولازم تطفية وتعيد تشغيلة
4- ريموت اسود غريب الشكل والزراير طول الريموت فى حدود 28 سنتى
ولملا تقلب قناة تلقاة بيطير ويقلب 3او 4 قنوات
5 عند البحث عن الاوروبى اقسم بالله اقسم بالله على الساعة 21 دقيقة بحث
6 فى حالة تركيب دايسك وحبيت تبحث النايل سات وتظبط القسامى تمام تلقى فى اثناء البحث النايل سات دخل مع الاوربى فى القنوات
7- ممنوع تشغيل اى فيلم على الفلاشة باى امتداد والفلاشة شغالة على الجولد 100/100 بما فيهم امتداد تى اس




صورة الجهاز ممتاذة وفوق الوصف

***** الجهاز نارى بمعنى الكلمة ولا يوجد تقطيع نهائى

الاوبشن الخاص بالجهاز ممتاز وفوق الوصف قمنا بالاتصال بالسيد المسئول
( الاستاذ طارق)
عن الجهاز فى الموقع الرسمى للجهاز رد وقال اتصلنا بالشركة المصنة فى كوريا لعمل سوفت جديد

انا دفعت 650 جنية فى جهاز علشان الجهاز يحرق دمى

وعلى الاخ امساعد الى كان بيمدح فى الجهاز وعاملة دريم بوكس التعليق وان كان يرغب فى شراء الجهاز انا على اتم استعداد انى ابيعهولو ب500 جنية ان من نفس محافظتة والجهاز لية 3 ايام جديد

وان كان محدش مصدقنى يدخل على الموقع الرسمى للجهاز ويشوف كمية الشكاوى

حسبا الله ونعم الوكيل فى الشركات التى تبيع الوهم

[SALAH SALEM]

الكلام سليم بجد
بعد التجربة جهاز سيء جدا وسيرفره به تقطيع جامد

[م محمد الجنـدى]

بارك الله فيك ... ونامل ممن يهمه الامر الاطلاع وتعميم التحذير .

[elhamyspeed]

صح والله انا اشتريت واحد لاحد اقاربى و كل ما يشوفنى يقولى جهاز زى الزفت و فعلا نفس العيوب اللى كتبها الاستاذ محمود
ده pansat 9000 hd

لكن pansat العادى ما شاء الله جهاز افضل عشان نقول الحق يا ريت السوفت بتاع العادى يجى على ال hd

[a-s-h]

ستار سات 6000 فوق الوصف

[eljooker]

جزاكم الله خيرا لتوضيح الحقيقه للجميع

[احمد علي علي]

للمستهلك خلال أربعة عشر يوما من تسلم أية سلعة الحق في استبدالها أو إعادتها مع استرداد قيمتها وذلك إذا شاب السلعة عيب أو كانت غير مطابقة للمواصفات أو الغرض الذي تم التعاقد عليها من أجله ويلتزم المورد بإبدال السلعة أو استعادتها مع رد قيمتها دون أية تكلفة إضافية .................. في البدايه عليك حل المشكله وديا مع البائع واذا لم يمتثل عليك تقديم شكوي لجهاز حمايه المستهلك وستجد مايرضيك باذن الله ........ تحياتي للجميع والله الموفق.

[محمودالطهطاوى]

الكلام سليم بجد
بعد التجربة جهاز سيء جدا وسيرفره به تقطيع جامد

بعد تاكيك لكلامى ارجو منك تثبيت الموضوع علشان الناس تاخد بالها ومتضيعش فلوسها فى جهاز فاشل وعلشان يعرف مستورد الجهاز انو الجهاز دة مقلب وسوف اقوم بعمل نسخة من نفس الموضوع فى جميع المواقع الفضائية لتحذير الناس من شراء هذا المقلب

[jok37]

للمستهلك خلال أربعة عشر يوما من تسلم أية سلعة الحق في استبدالها أو إعادتها مع استرداد قيمتها وذلك إذا شاب السلعة عيب أو كانت غير مطابقة للمواصفات أو الغرض الذي تم التعاقد عليها من أجله ويلتزم المورد بإبدال السلعة أو استعادتها مع رد قيمتها دون أية تكلفة إضافية .................. في البدايه عليك حل المشكله وديا مع البائع واذا لم يمتثل عليك تقديم شكوي لجهاز حمايه المستهلك وستجد مايرضيك باذن الله ........ تحياتي للجميع والله الموفق.

الله عليك هو ده الكلام و الله انا الموضوع ما يخصنيش لكن و الله كلامك ريحنى و على الاخ صاحب الموضوع ان يعمل بكلامك تقبل تحياتى

[عماد رياض]

السلام عليكم الجهاز عندى منذ اكثر من 4 شهور وشغال تمام ولا يوجد تهينج والسرفر ثابت بتحديد على النايل سات وفاتح باقة yas على قمر اموس وبيفتح معى عادى ومفيش مرة والله لقيت الجهاز هنيج او حاجة اعتقد انها مسالة سوفت وير علشان انا على صوفت 252 والجهاز صورة جيدة على نظام 1080 هذا رايى فى الجهاز واخر حاجة تم الشراء ب 590فقط و السلام عليكم

[tito985]

مع احترامى للاخ الفاضل ده ياعم الجهاز شغال زى الفل وبصراحه احلى من الجوكر بمراحل انتا بقا مش عارف تتعال عليه ده موضوعك انتا وبصراحه احلى جهاز فى مصر بس اقؤلكم انتو ملكوش الا فى الشعبى كنت خليك بقا فى الجولدعلى قدك

[محمودالطهطاوى]

مع احترامى للاخ الفاضل ده ياعم الجهاز شغال زى الفل وبصراحه احلى من الجوكر بمراحل انتا بقا مش عارف تتعال عليه ده موضوعك انتا وبصراحه احلى جهاز فى مصر بس اقؤلكم انتو ملكوش الا فى الشعبى كنت خليك بقا فى الجولدعلى قدك

مستنى رد الاستاذ صلاح سالم على كلام الاخ

[tito985]

ولا اخ ولا اخت انا واحد بعبر عن رائيى مش اكتر انا مغلطش فيك لانى محترم وعموما انا مستنى

[يوسف جمال]

الجهاذ رائع بمعنى الكلمه والسيرفر زى الصاروووووووووخ مافيهوش رمشه ايه اللى مش عاجبك فيه بس

[gemysat]

الف شكر لك على هذا الشرح

[جوهركامل]

أستأذنكم أقول كلمتين لوجه ألله أولاطريقةعمل ألسوفت ويرمش معناهاأنك تقفل ألجهازوتفتحه ولاتدوس عالريموت وتتقوله حمل أنت ألطريقه ألصحيحه أولاضبط مصنع ثانياعمل ألسوفت ويرثالثاضبط ألمصنع رابعا تنزيل ألقنوات ويفضل يدوى بأغلب ألأجهزه هى ده ألطريقه ألصحيحه بخلاف ذلك هتلاقى التهنيج (عامة)ألجهازسرفرممتازصوره ممتازه على ألHdوبيشتغل كويس بعدأعطائه ألسوفت ويربطريقه صحيحه لكن يعيبه حاجتين أولابيغيب لحظةتشغيله فى حالةأنه يكون مفصول عنه ألكهرباءوممكن تنساه وبعدشويه تقول هوأنافتحت ألريسفرولا ألكمبيوترههههههه ثانياألريموت تحس أنك ماسك فى أيدك عصايه ومهددكل ألموجودين فى ألبيت هههههه مش عارف أللى أخترعواكان يقصدأيه بالظبط أنه يخلى ألأرقام تحت ماطول عمرناألأرقام فى ألريموت فوق ولالازم تخبط على جارك وتقوله ألريموت بتاعى عندك معلش أحسن بدورعلى رقم واحدمش لاقيه ياأصدقائى لازم ناخدألدنياببساطه أوبالنيات لكم منى جميعاتحيتى وأحترامى

[hakeem]

انا عن نفسي اشتريت comix999 hd وجهاز بجد ملوش حل معايا والسيرفر بتاعة جااااااااااااااااااااااااااااااااااااااااااامد

[xx1xx2010]

السلام عليكم الجهاز عندى منذ اكثر من 4 شهور وشغال تمام ولا يوجد تهينج والسرفر ثابت بتحديد على النايل سات وفاتح باقة yas على قمر اموس وبيفتح معى عادى ومفيش مرة والله لقيت الجهاز هنيج او حاجة اعتقد انها مسالة سوفت وير علشان انا على صوفت 252 والجهاز صورة جيدة على نظام 1080 هذا رايى فى الجهاز واخر حاجة تم الشراء ب 590فقط و السلام عليكم

والله العطيم الجهاز تمام شغل عندى تمام احل من الجوكر انا كان عندى الجوكر وتعبنى جدا الجهاز بان سات 9000 100/100

[عماد رياض]

انا عن نفسي اشتريت comix999 hd وجهاز بجد ملوش حل معايا والسيرفر بتاعة جااااااااااااااااااااااااااااااااااااااااااامد

الجهاز فعلا جيد من حيث السرفر انما من حيث جودة الصورة هتجد تشقق وبزات لو عندك شاشة ال سى دى الجهاز كان عندى وبعت الجهاز بخسارة حوالى 200 جنية وتم شراء بانا سات 9000 اتش دى وشكرا

[ابن ميدان التحرير]

مع احترامى للاخ الفاضل ده ياعم الجهاز شغال زى الفل وبصراحه احلى من الجوكر بمراحل انتا بقا مش عارف تتعال عليه ده موضوعك انتا وبصراحه احلى جهاز فى مصر بس اقؤلكم انتو ملكوش الا فى الشعبى كنت خليك بقا فى الجولدعلى قدك


اتقى الله دة انتا بنفسك بتشكى من الجهاز

مش دة كلامك

ولله جهاز فاشل بكل المقايس البنا سات ده


المشاركة 5


http://www.masrawysat.com/vb/showthread.php?t=449796