التليفزيون هاينقل مباراة نهائى كاس اوروبا على القناة الثالثة

[osamasaad]

قرر التليفزيون المصرى نقل مباراة نهائى كاس اوروبا بين بايرن ميونيخ و تشيلسى على الهواء مباشرة على القناة الثالثة يوم السبت 5 مايو الساعة تسعة الا ربع ليلا و فى حالة انشغال القناة الثالثة بحدث اخر سيتم تسجيل المباراة و اذاعتها فى وقت لاحق لكن مش هاتتذاع على القناة التانية او النيل للرياضة سواء الارضية او الفضائية
معلوم ان المباراة دى بالذات لا يدفع فيها التليفزيون مليم واحد بل يستقبلها باعتباره عضوا مؤسسا فى اتحاد الاذاعات الاوروبية " يوروفيزيون "

[gamalaa]

مين قال لك ان المباراه 5مايو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ علي فكره يا استاذ اسامه مواضيعك كلها في المنتدي غييييييييييييييييير معقوله مش عارف هايسبو الاعضاء اللي بتفبرك اكلام من عندها لغايه امتي اهههههههههههه و فى حالة انشغال القناة الثالثة بحدث اخر سيتم تسجيل المباراة و اذاعتها فى وقت لاحق؟اه لغايه ما نفقد المصداقيه في نفسنا اضحك انا بقي!!!!!!!!!

[osamasaad]

معذرة خطأ فى التواريخ 19 مايو المقبل مش 5 مايو بملعب اليانز ارينا بميونيخ و بعدين عايز تفقد المصداقية فى موضوعاتى افقدها يا سيدى و لا تزعل نفسك قوى المهم تستمتع بالنهائى فقط و بعدين تليفزيون مصر اذاع نهائى العام الماضى من ويمبلى على القناة التالتة الارضية برضه مش فاكر ؟

[gamalaa]

مين قالك ان المباراه اتذاعت علي القناه الثالثه لا طبعا بقولك ايه ياكابتن هوانتا عمال تقول حسام الدين والناس اتعاقدت معاي انتا شغال ايه بالضبط عشان نتشرف بحضرتك طالما المشرفين مش واخدين بالهم من موضوعاتك وبعدين اللي بتعاقد علي بث مباريت وبيتفق علي ملايين الدولارات؟ هايهتم ببالرد علي اعضاء وهايفضل جالس امام المنتدي 24 ساعه انتا مين ياكابتن خلي بالك احنا اعضاء فاهمين كل شئ مش هاتييجي حضرتك تشتغلنا سلام يا عم يا بتاع الدوري الانجليذي ومتنساش تتعاقد علي دوري ابطال افريقيا تذيعه علي الاريال!!!!!!!!!

[hima1985zz]

مش هقولك وجادلك وي المرة اللي فاتت يا كبير
بس طلب صغير قوي
ادينا رابط المصدر
عشان نتاكد من صحة الخبر
وعدم فبركته

[عماد رياض]

فعلا يا جماعة المبارة مذاعة على القناة التالتة لعام 2030 على اعتبار ان التلفزيون المصرى هياخد حق مباريات الدورى الاوربى وابطال اوربا والدورى الانجليزى ولا عزاء لباقة اوربت شو تايم والجزيرة وابو ظبى اهو كلو بهيس

[احمد خميس شيحة]

طب الاخ المذكور بالخبر بيستفاد ايه من الاخبار الفاشلة دى نفسى يرد عليا واه فى حاجة تانية ما احنا طول عمرنا فى اتحاد الاذاعات يا باشا

[demo3]

وهو فى قناه تالته

[totophone]

وبعدين يا باشا دة مش نهائى كاس اوروبادة نهائى دورى ابطال اوروبا

[osamasaad]

خلاص بدون تعليق نهائيا و المصدر اسمه هشام رشاد مدير البرامج الرياضية بالقناة الاولى اتصلوا بيه يا ريت