أرجو المساعده ضروري بسرعهtevii ولا توينهان

[dragon89]

السلام عليكم

أنا عاوز أشتري كارت ستالايت وبعد بحث طويل إستقريت علي

tevii s464
وبالفعل بدأت أدور عليه في الزقازيق لكن بدون نتيجة
كل الموجود توينهان
وسألت في محل أعرفه مش لقيت إلا توينهان
AzureWave AD-SP400 s2 HD PCI
وسعره 320 جنيه
وأنا حاليا محتار أجيبه ولا لا أرجو الإفاده من عمالقة المنتدي بسرعه
ياريت اليوم لو أمكن
ولو حد يعرف أقرب مكان لميت غمر "المنصوره" ممكن أجيب ممكن الكارت tevii ياريت يبلغني

[ABOZIAD@AHMAD]

الافضل بدون مشاكل tevii 464 وومكن تشتريه من التوكيل بالقاهرة

او من الموقع ده والدفع عند الاستلام مع فاتورة وضمان

http://www.nefsak.com/S464-DVB-S2-PCI-Tevii.html

[medoo_mohamed3]

فعلا مفيش فى الزقازيق نوع tevii خالص سواء s او s2 ...انا اشتريت توينهان ...


التيفى لو لازم تجيبه انزل التوكيل بالقاهرة او شوف مول من المولات اللى فى الزقازيق

وتحجز عندهم وتوصيهم يجيبوا الكارت المطلوب وكروت التيفى كروت ممتازة ...

وممكن زى ما قال اخى ابو زياد عن طريق الموقع ويوصلك مع دفع تكلفة الشحن

بدل ما تنزل القاهرة ....

[dragon89]

متشكر علي الردود

الافضل بدون مشاكل tevii 464 وومكن تشتريه من التوكيل بالقاهرة

او من الموقع ده والدفع عند الاستلام مع فاتورة وضمان

http://www.nefsak.com/s464-dvb-s2-pci-tevii.html

أنا كنت بأفكر في موقع نفسك بس ما إتعاملتش معاه قبل كده هل هو موقع ثقه ولا إيه نظامه

[ABOZIAD@AHMAD]

نعم اخى موقع مشهور فعلا ويكفى انك لن تدفع اى مبالغ الابعد الاستلام فقط

[dragon89]

طيب بصرف النظر عن تفوق tevii رأي حضرتك إيه في كارت التوينهان
AzureWave AD-SP400 s2 HD PCI
وهل السعر بتاعه "320"مناسب ولا لا
وهل الفرق في الإمكانيات يستدعي إني أحاول إني أوصل للtevii خصوصا إن أنا مشغول جدا اليومين دول وصعب قوي إني أجيبه

[ABOZIAD@AHMAD]

انا طرحت لك الافضل اخى الكريم لن ليس به مشاكل تذكر والدعم الخاص به من موقعه الرسمى مستمر بدون توقف

[الحمادوى]

طيب بصرف النظر عن تفوق tevii رأي حضرتك إيه في كارت التوينهان
AzureWave AD-SP400 s2 HD PCI
وهل السعر بتاعه "320"مناسب ولا لا
وهل الفرق في الإمكانيات يستدعي إني أحاول إني أوصل للtevii خصوصا إن أنا مشغول جدا اليومين دول وصعب قوي إني أجيبه

هى نفس الامكانيات لكن زى الاخ ابو زياد ماوضح ان ال tevii مدعوم من موقعه أكتر من التوينهان

والسعر بيختلف من مكان لاخر انا اخر مرة من كام شهر سألت فى المنصورة كان ب300جنيه

ودى مشاركات للكارت توضح تشغيله مع برامج العرض المختلفة وده اهم مايميز الكروت عن بعض

http://www.masrawysat.com/vb/showthread.php?t=469776


http://www.masrawysat.com/vb/showthread.php?t=468024

ولك حرية الاختيار

[el_helaly]

صراحة لم أجرب التوينهان لكن بقالي 6 شهور باستخدم الـ Tevii 464 وبكل أمانة كارت ممتاز بمعنى الكلمة

كمان سرعة حاليًا 270 جنية في مول البستان في القاهرة فاعتقد كده فرق السعر كبير

[dragon89]

أعذروني يا إخواني عارف إن أسئلتي كتير بس بإذن الله يكون ده أخر سؤال

عايز أعرف عيوب كارت التوينهان المذكور وموضوع دعم الشركه له ها يأثر عليه إزاي

لأن هو الأسهل لي و ممكن أضطر إني أجيبه

وعذرا مره تانيه علي الإطاله

[الحمادوى]

انا مليش تجربه مع الكارت
لكن متابع المشاركات اللى بتتكلم عنه لانى بفكر اشتريه

الى وقتنا هذا لم اجد منه مشاكل مستعصيه من تجارب الاعضاء*** لكن مستخد مي الكارت اقل من مستخدمى ال Tevii

بل الكارت يتميز عن الTevii بان صناعته تيوانى مش صينى زى الTevii

وبخصوص التحديث للكارت مش مشكله انا عندى نفس الشركة من زمان وشغال بتعريف قديم وعادى
لكن مع اكس بى

والكارت المذكور اصداره جديد وموجود له تعريف مع ويندوز 7 وده اهم حاجة فى التعريف

[dragon89]

أنا محتار قوي كل الناس بتشكر في tevii بس عشان أجيبه هأتعب قوي
والتاني سهل إني أجيبه في الراحه والجايه بأعدي عليه مش عارف بقي أتوكل علي الله ولا إصبر

[ياسر عبدالرحمن]

كارت توينهان 400 كارت محترم جدا وده عن استخدام شخصى ولا اجد فيه اى مشاكل انا بستخدم dvbviewer win xp اما دعم الكارت فأنا لا ابحث عنة مطلقا لأنى لا احتاح سوى التعريف وهو موجود على السى دى والأهم هو البرنامج المستخدم ارجو ان اكون افدك

[ABOZIAD@AHMAD]

كارت توينهان اخى الكريم توقف دعمه من الشركة المنتجة وده سبب كبير لمشاكله مع بعض البرامج ولا تنسى ان هناك ويندوز اخر فى الطريق اسمه ويندوز 8 وده بيحتاج تعريف اخر وشركة tevii وفرت جزء من التعريف لكروتها بتاريخ 15/3/2012 لحين صدور النسخه الرسمية من الويندوز فى شهر اكتوبر القادم

[kito]

هل كارت Tevii 464 بيتعامل مع قنوات الاتش دى ويتعامل مع جميع برامج الشيرنج

[رسالة]

أنا عندي الكارتين .. tevii s464 و توينهان ad-sp400 الكارتين أروع من بعض ... و بيشتغلوا علي جميع برامج العرض .. و الشيرنج فيهم ممتاز ...لا مشاكل تذكر مع الكارتين أخي الفاضل ... و هناك مشاركات في المنتدي لأي مشاكل قد تطرأ علي التستيب أو التشغيل .. أو الشيرنج .. لا تقلق من أي منهما .. إذا اشتريت أي واحد منهما فهذا ممتاز و ذاك ممتاز .. فالخيار لك .. لكن ....
أنا لاحظت أن الريموت لكارت توينهان بيشتغل مع جميع برامج العرض دون أي مشاكل ..لكن ريموت tevii بيشتغل مع بعض البرامج دون الأخري ..
هذا ما أعلمه .. لأني لم أجرب البحث بعد عن تشغيل الريموت لأني اشتريت الكارت tevii من قريب حوالي أسبوعين .. ولأني مشغول جدا هذه الأيام ..
الخيارلك أخي الكريم ...أي كارت ستشتريه لن تندم عليه بإذن الله ..
أرجو أن تكون مشاركتي قد أفادتك ... وأي استفسار آخر نحن في خدمتك ..
و لا تنس أن تخبرنا باختيارك في الآخر ... موفق بإذن الله ..
دمت في أمان الله تعالي .

[dragon89]

متشكر جدا لكل من تفضل بالرد علي أسئلتي وأعتقد إن التوينهان هايكون إختياري بما إن الفرق بسيط بينهما وسيكون ميزة التوينهان بالنسبه لي سهولة الحصول عليه ولو قدر وحصل فيه مشكله هايكون سهل إني أرجعه للمحل للصيانه

[mohamedyaso]

فيه نوع جديد من كروت tevii وهو tevii s471 pcie ايه رأيكم فى الكارت ده وهل هو كارت قوى زى كارت tevii s464
وشكرا......

[ABOZIAD@AHMAD]

فيه نوع جديد من كروت tevii وهو tevii s471 pcie ايه رأيكم فى الكارت ده وهل هو كارت قوى زى كارت tevii s464
وشكرا......

نعم اخى كارت ممتاز بس المهم ان تكون البوردة بها سولت pcie

[mohamedyaso]

نعم اخى كارت ممتاز بس المهم ان تكون البوردة بها سولت pcie
شكرا اخى على سرعة ردك انا عندى ماذربورد G41-Combo فيها سوكت pcie