ارجو المساعدة العاجلة فى تليفزيون lg

[abo.abdo82]

السلام عليكم يا عمالقة مصراوى سات عندى تليفزيون lg 21 بوصة
model no :21fs6 rg -ts
عطل التليفزيون ده الاضاءة تزيد وتقل تلقائيا وبصفة مستمرة وسريعة يعنى الصورة تغمق وتفتح باستمرار وغيرت سوكت الشاشة ومازالت المشكلة مستمرة أرجو منكم الحل وجزاكم الله عنى كل خير

[مهندس محمودعبدالحميد]

اخى الفاضل عليك بتغيير مكثفات البور الموجوده بجوار اللين وبدون قياس ولا بد ان تكون جديده ومضمونه واما اذا كانت الصوره تقل تلقائيا ولاحظت ان الفتيله تصبح غير منوره او مضيئه فعليك بتاكيد اللحام على خط تغذيه الفتيله الخارج من اللين

[حمدى البندى]

[QUOTE=مهندس محمودعبدالحميد;2930040][size="7"]اخى الفاضل عليك بتغيير مكثفات البور الموجوده بجوار اللين وبدون قياس ولا بد ان تكون جديده ومضمونه واما اذا كانت الصوره تقل تلقائيا ولاحظت ان الفتيله تصبح غير منوره او مضيئه فعليك بتاكيد اللحام على خط تغذيه الفتيله الخارج من اللين [/size
متابعة رائعة أخى محمود فعلا مكثفات دائرة الباور وعليك اخى ضبط الاسكرين
اللاين ونحن متابعين معك

[abo.abdo82]

جزاك الله كل خير أخى على المتابعة والرد هغير المكثفات وارد عليك

[ابوتقى 20]

متابعة اكثر من رائعة اخوانى الكرام
وننتظر رد اخى الكريم abo.abdo82
وتقبلوا تحياتى

[abo.abdo82]

المشكلة مازالت موجودة أخى الكريم

[مهندس محمودعبدالحميد]

المشكلة مازالت موجودة أخى الكريم

طيب ممكن توضحلى اخى الفاضل ايه اللى غيرته بالظبط عشان اقدر اتابع معاك

[abo.abdo82]

اناغيرت المكثفات يا بش مهندس اللى قولت عليها على فكرة انا اشك فى اى سى الاوامر الكبير انا على فكرة عندى اى سى زى اللى موجود بالجهاز بالضبط استبدله بيه والا ايه رأيك

[مهندس محمودعبدالحميد]

يا اخى الفاضل العيب دا فى البرايت والكونتراست وانا شخصيا استبعد ايسيه الاوامر عن العيب تابع اخى الفاضل المكثفات الخاصه بدائره اللين وتاكد ان وجد مكثف منتفخ فى دائره البور قم بتغييره

[الوجيه]

السلام عليكم
تحياتى للجميع
مهندسنا الغالى abo.abdo8
واحدة واحدة
مطلوب منك قيم الفولتيات بالضبط قيمة 180 فولت بالضبط وكذلك قيمة الاسكرين كام بالضبط والتأكد جدآ من قيمة 12 فولت
أتبع خط APL الخارج من الين (عبارة عن طرف فى الين مكتوب عليه APL )
تتبع هذا الخط أذا كان متوصل معاه مقاومة مكثف أى شىء يتم التأكد من صلاحيته)
ثانيا يوجد على المتكاملة الخاصة بالعمليات المختلفة (الأم أو البروسيسور أوأو)
المهم يوجد طرف من هذة المتكاملة مكتوب عليه أيطا APL يتم تتبع هذا الطرف بكل ما
يتصل به (وسوف تجد معاه ترانزيستور نوع PNP (A1015) يتم خلعه من الشاسيه
وتجرب بدونه لو الأضائة ظهرت مستقره غيره حتى لو سليم

[abo.abdo82]

يا بش مهندسين انا عاجز عن الشكر لاهتمامكم الكبير بموضوعى وانا هقيس الفولتيات اللى ذكرتها يا بش مهندس وأرد عليك

[حمدي وادي]

شكرا لاخي ابو رامي هوا فعلا المشكله في مسار ال abl هتمشي معاه لغاية الاي سي الكبير هتلاقي طرف في الاي سي مكتوب عليه abl قم شفط اللحام من عليه هتستمر الاضائه معاك بعد كده وضع مقاومه 5 كيلو على هذا الطرف في الاي سي وعلى ال 5v في التيونر وتحياتي للجميع

[abo.abdo82]

يا بش مهندسين أنا غيرت أى سى الأوامر واشتغل الجهاز 100% بس عايز أعرف ازاى أدخل للسرفس مود الخاص بالجهاز ده علشان عايز أظبط مربع الصورة لأنها ضيقة من فوق ومتسعة من على الجوانب وجزاكم الله كل خير

[abo.abdo82]

فين الرد يا مهندسين عايز اعرف ازاى ادخل سيرفس مود الجهاز ده lg 21 بوصة model no :21fs6 rg -ts

[صديق21]

الصورة تظهر نيجاتف وبها عدة الوان الاحمر والظهرى مع وجود خط ضوئى اعلى الشاشة يختفى بعد فترة نوع التلفزيون lg 21 ما الحل

[ابوتقى 20]

الصورة تظهر نيجاتف وبها عدة الوان الاحمر والظهرى مع وجود خط ضوئى اعلى الشاشة يختفى بعد فترة نوع التلفزيون lg 21 ما الحل

اخى الكريم برجاء الالتزام بقوانين قسم التلفزيون (http://www.masrawysat.com/vb/showthread.php?t=500648)البند رقم 2

2 - يمنع كتابة مشاركات لأعطال جديده في مواضيع قديمه تناقش مشكلة اخرى ..

[الوجيه]

فين الرد يا مهندسين عايز اعرف ازاى ادخل سيرفس مود الجهاز ده lg 21 بوصة model no :21fs6 rg -ts

السلام عليكم
تحياتى لمهندسنا الغالى
اطلبه داخل قسمه
اى قسم السرفس وسوف يتم الرد عليك
شكرا لك والرجاء المتابعه

[abo.abdo82]

يا أخى الفاضل انا اسف بس العطل اللى انا ارسلته يخص الجهاز هو هو بس عايز تظبيط سيرفس مود على العموم انا متأسف جدا وجزاكم الله كل خير

[الوجيه]

يا أخى الفاضل انا اسف بس العطل اللى انا ارسلته يخص الجهاز هو هو بس عايز تظبيط سيرفس مود على العموم انا متأسف جدا وجزاكم الله كل خير

السلام عليكم
تحياتى لمهندسنا الغالى
ما الذى اغضبك ياسيدى
انا اشرت اليك ان تطلب السرفس من داخل قسمه
من قوانين الورشه وقرار ادارى
ولماذا وضع قسم السرفس مستقل
وهناك سوف نرد عليك وجميع الاخوه سوف ترد عليك
ولا نبخل باى شى على اى عضو
ولن تخسر شيى كنت كتبت المشاركه فى قسمه بدلا من هذا الرد
نحنوا هنا فى خدمة الجميع بدون تميز احد