الحقونى بالله عليكم انا اتنصب عليا

[darkwolf2200]

الحقونى يا مصراوية انا اشتريت امبارح كيوماكس الجوكر فرجن واحد جديد وبعلبته ولما جبت مهندس يشغلهولى قالى السنة المجانية اللى عليه خلصت وقالى حلك لاتشترك فى ***** مدفوع او تشتغل بالسيرفر المجانى وانا الصراحة عايز حقى فى السنة المجانية ومش عارف اعمل ايه ارجو المساعدة من الخبراء لو فيه سوفت يقدر يجددلى السنة المجانية عشان حرام انا اشتريته ب 530 جنيه من القاهرة وانا ساكن فى الاسماعيلية وحقى يكون عندى سنة مجانية ارجو المساعدة واسف جدا على انفعالى عشان انا متعصب جدا علشان اتنصب عليا

[m.the.king]

يا معلم لا يوجد حل للسنه المجانيه
والجهاز لسه
جديد روح رجعه احسن لك
وعشان عرف التاريخ بتاع السنه المجانيه
اضغط
f1+666
وهات اخر بورت رقم 40 وشوف التاريخ كده اتاكد برده ممكن يكون فيه غلط

[darkwolf2200]

انا عملت كدة والنتيجة
(23/9/2010) (23/9/2011)
المهندس اللى جالى قالى ان السنة المجانية خلصت وانا كدة اتنصب عليا فى الجهاز وحقى يكون عندى سنة مجانية

[GAHER]

انا عملت كدة والنتيجة
(23/9/2010) (23/9/2011)
المهندس اللى جالى قالى ان السنة المجانية خلصت وانا كدة اتنصب عليا فى الجهاز وحقى يكون عندى سنة مجانية


روح لصاحب المحل ياغالى

[سامى حسبو]

اللة يعوض عليك يا ابنى

[السيد جمال]

الله يعوض عليك يا أخى غالى

[darkwolf2200]

روح لصاحب المحل ياغالى
انا اخويا هو اللى اشترالى الجهاز وبعتهولى وانا فى اسماعيلية ولما اتصلت بيه قولتله على الموضوع قالى استنى على شهر 8 عشان هو مهندس معمارى فى القاهرة ونادر لما بياخد اجازات عشان اشوفه وقالى وانا راجع اسماعيلية حاخد الجهاز منك واحاول اغيره وانا شارى الجهاز اصلا عشان اشوف نهائى دورى ابطال اوروبا و اليورو 2012 واوليمبياد لندن ولو انا استنيته حتكون البطولات دى خلصت ارجوكم عايز الحل

[darkwolf2200]

افهم من كلام الخبراء ان فلوسى ضاعت عليا وانا كدة ضاع حقى فيه ارجو لو فيه اى حل حتى لو الجهاز يشتغل معايا 3 شهور بس على الاقل اعرف اتفرج على اليورو 2012 واوليمبياد لندن حتى لو ******* حيشتغل معايا 3 شهور بس

[el_sherbiny33]

بص ياغالى الحل تروح للمحل اللى اشتريته منه وقوله انك شاريه بالسنة المجانية ولم تجدها ولازم ينزل لك فى سعره ضرورى اويشترك لك فى ***** مدفوع لمدة عام 225 جنيه ***** مصراوى سات وهو ***** ثابت ورائع

[darkwolf2200]

والله قولتلك ان انا صعب جدا اروح القاهرة واخويا هو اللى بعتهولى من القاهرة

[السيد جمال]

مشى حل حتى ألان يا أخى غالى
عليك بسيرفر مصراوى سات يا أخى غالى

[mhmdahly]

مفيش حل تاني لازم ترجعة او تشترك في ***** مدفوع
ولا يوجد حلول وسط

وخلي بالك مشكله السنة المجانية لم تحل حتى الان

[حبيبة سات]

صح كدة ممكن تعمل ***** ثلاث شهور فقط

[احمد خميس شيحة]

والله انا مشترك فى ***** ب10 ج فى الشهر ملوش حل ومريح نفسى

[sameh_sam21]

والله انا مشترك فى ***** ب10 ج فى الشهر ملوش حل ومريح نفسى


ممكن تعرفنى مكان الاشتراك

[darkwolf2200]

طب والفلوس اللى انا دفعتها على الريسيفر كدة فلوس حرام ولسا كمان اشترك فى ***** مصراوى ب 225 وانا شارى الجهاز ب 530 يعنى كله 755 ومافتحش القنوات المشفرة خالص والله انا نفسيتى سيئة جدا من اللى حصل

[m.the.king]

لا يوجد حل يا غالى فى مشكله السرفر عشان السرفر حتى الان لم يتم اختراقه يعنى يا انت تروح تغير الجهاز بواحد ثانى
يا تشترك فى سرفر مدفوع وخلاص على كده

[darkwolf2200]

لا يوجد حل يا غالى فى مشكله السرفر عشان السرفر حتى الان لم يتم اختراقه يعنى يا انت تروح تغير الجهاز بواحد ثانى
يا تشترك فى سرفر مدفوع وخلاص على كده
انا قولت لاخويا فى القاهرة يروح يقوله على المشكلة صاحب المحل قاله ان كل الكيوماكس اللى عنده عليه سنة مجانية واخويا قاله طب ازاى اللى عندنا السنة عليه مش موجودة قاله لا طبعا ماينفعش كله عليه سنة مجانية ولما قولناله نغير الجهاز قاله مش حينفع واتخانق معاه ونهاية الخناقة بان انا اتنصب عليا ياريت لو فيه حل تكتبوه

[ضياءقمصان]

انا قولت لاخويا فى القاهرة يروح يقوله على المشكلة صاحب المحل قاله ان كل الكيوماكس اللى عنده عليه سنة مجانية واخويا قاله طب ازاى اللى عندنا السنة عليه مش موجودة قاله لا طبعا ماينفعش كله عليه سنة مجانية ولما قولناله نغير الجهاز قاله مش حينفع واتخانق معاه ونهاية الخناقة بان انا اتنصب عليا ياريت لو فيه حل تكتبوه

انت شكلك بتشغلنا ولا ايه

الاخوه كلهم اجمعو ان مفيش غير حل واحد وهوا الاشتراك

ثلاث شهوراو زى ماتحب
وانت عمال تقول حل حل

يعنى هانعمل ايه بالله عليك

مفيش غير الحل ده

[غالى صبحى]

والله يا عم ضياء انت جبت من الاخر انا عمال اتابع الموضوع وجالى نفس الاحساس