الحاج دونجل المعدل والنصف معدل والغير معدل وسابق التعديل وتربتت تت تييت

[ياسر عرفة 2000]

بسم الله الرحمن الرحيم

يا اخوانى الكرام مهندسين وعمالقة المنتدى الغالى بالله عليكم ينفع موضوع الدونجل ده بصراحة ومن غير زعل اصحاب شركات الونجل ده لما لقونا فضيين والفاضى يعمل اى حاجة قال لك نشغلوهم بقى فكل يوم بحاجة شكل الكرستالة ال24000 ويوم ال27000 ويوم عال12 فولت ويوم على ال24 فولت ويوم من غير تعديل ويوم واقف خالص ويوم بفلاشة على وحسين ويوم بفلاشة معرفش مين ويوم بالفلاشة القديمة ويوم بالجديدة ويوم بجديدة الجديدة ويوم ليلتكوا سعيدة لحد مالناس بقت عالحديدة من كتر الريسفرات ألى بتبوظ والفلاشات ألى بتضرب والتيونرات ألى باظت وألى ضرب برسوسور بالذمة الدونجل كلفكوا كام لحد دلوقتى وكل ده عشان من غير نت دا انت ألى صرفتوا عليه كنت اشتريت خط 512 انت وواحد جارك او زميلك او نت مركزى وكنت جبت اى رسيفر زى الجولد فانتوم او فيجا او تارجيت او استارسات او اى رسيفر بالنت والسلام وتريح دماغك مش بذمتك كنت وفرت مجهودك وفلوسك ولو انت فنى كنت تبقى صادق امام الزبون ألى كل وشنا ومفكر ان احنا السبب وبنلعبوه مش كده ولا ايه
ولو كلنا سبنا الدونجل ومحدش اشتغل فيه اسبوعين فقط أؤكد لكم انه حيشتغل زى الساعة ولما نشتغل فيه تانى حيرجعوا يلعبونا تانى وطول ما انت فار انا قطة

[sky]

كلامك سليم اخى الغالى ياسر عرفه بارك الله فيك

[salahyassin]

الاخ الغالى /ياسر عرفة كلام مضبوط و سليم......بس الناس عندها الدونجل موجود ولذلك بتحاول معاه لاخره ....تقبل تحياتى http://im25.gulfup.com/2012-05-06/1336336098901.gif

[سائدالبرقاوي]

اخي الكريم لاياس وبعدين في حاجة اسمها تربت احنا بنعمل موضيع تستفاد منها الاعضاء مش تربت

[م/محمدزيان]

كلامك سليم بس انت تقدر تبعد عنة
ياعمنا دا عامل زى الادمان
ال يشمة مرة ماينساهوش
ودا المنفذ الوحيد للناس علشان يفكوا شويه من ال البلد فيه
وبعدين اخى ما الريسيفرات ال بالنت مهية كمان مكلفانا وجايبانا لورا
عايز نصيحتى بجد نيسبنا بقى من موال التلفزيون دا كله خالص
وانا واحد من الناس مبشوفش التلفزيون ال ساعة او اتنين فقط فى اليوم
وربنا يعافينا منه نهائيا
والله دا خراب بيوت من كل ناحية

[أحمد دش22]

كلامك صح ياأخى الفاضل

[ahmoood555]

كلامك سليم بس انا متأكد انك بتعمل عكسه زينا

[علاءابواحمد]

كلامك سليم اخى الغالى ياسر عرفه بارك الله فيك

[احمد سمير]

بسم الله الرحمن الرحيم

يا اخوانى الكرام مهندسين وعمالقة المنتدى الغالى بالله عليكم ينفع موضوع الدونجل ده بصراحة ومن غير زعل اصحاب شركات الونجل ده لما لقونا فضيين والفاضى يعمل اى حاجة قال لك نشغلوهم بقى فكل يوم بحاجة شكل الكرستالة ال24000 ويوم ال27000 ويوم عال12 فولت ويوم على ال24 فولت ويوم من غير تعديل ويوم واقف خالص ويوم بفلاشة على وحسين ويوم بفلاشة معرفش مين ويوم بالفلاشة القديمة ويوم بالجديدة ويوم بجديدة الجديدة ويوم ليلتكوا سعيدة لحد مالناس بقت عالحديدة من كتر الريسفرات ألى بتبوظ والفلاشات ألى بتضرب والتيونرات ألى باظت وألى ضرب برسوسور بالذمة الدونجل كلفكوا كام لحد دلوقتى وكل ده عشان من غير نت دا انت ألى صرفتوا عليه كنت اشتريت خط 512 انت وواحد جارك او زميلك او نت مركزى وكنت جبت اى رسيفر زى الجولد فانتوم او فيجا او تارجيت او استارسات او اى رسيفر بالنت والسلام وتريح دماغك مش بذمتك كنت وفرت مجهودك وفلوسك ولو انت فنى كنت تبقى صادق امام الزبون ألى كل وشنا ومفكر ان احنا السبب وبنلعبوه مش كده ولا ايه
ولو كلنا سبنا الدونجل ومحدش اشتغل فيه اسبوعين فقط أؤكد لكم انه حيشتغل زى الساعة ولما نشتغل فيه تانى حيرجعوا يلعبونا تانى وطول ما انت فار انا قطة




شــــــــاعر ياخواتى

ههههههههه

[truman korea]

فعلا كلام مدروس بالحرف الواحد وبه معاناه كثيرة للشعب الدنجلاوي
ربنا معاكم

[المهندس فريد]

http://www5.0zz0.com/2012/02/22/01/892981464.jpg

[ياسر عرفة 2000]

اخي الكريم لاياس وبعدين في حاجة اسمها تربت احنا بنعمل موضيع تستفاد منها الاعضاء مش تربت

زعلان اوى عشان بقولك تربيت اه بنعمل تربت لما نعمل للذبون السوفت والتعديل واحنا عارفين انه مش حيستمر يبقى بنعمل على الزبون تربيت والشركة بتاعة الدونجل كمان بتعمل علينا تربيت والاخ ألى بيقول على الله متكونشى بتعمل زينا لا والله انا سبت الدونجل من 5 شهور واكثر ومبشتغلش فيه و لو زبون طلبه حتى وبردوه متزعلشى ياعم انا ألى كنت بعمل لوحدى على الزبون التربيت ولكن بطلت وبشتغل فى الفلاشة ام سنة على الاقل للجولد واشباهه وبكده بطلت التربيت يا عم

[يمن سعد]

شكرا لك اخى

[سائدالبرقاوي]

انت بطلت انت حر بس خلي معنويات الاعضاء عالية وياريت تنقي الفاظك انت في منتدى محترم
تحياتي

[م/احمدعبدالفتاح]

كلامك سليم اخى الغالى ياسر عرفه بارك الله فيك

[ياسر عرفة 2000]

انت بطلت انت حر بس خلي معنويات الاعضاء عالية وياريت تنقي الفاظك انت في منتدى محترم
تحياتي

اخى الغالى انا عارف المنتدى كويس فعيب كده الكلام دهميصحش وبعدين ايه انقى الفاظى دى هو انا غلطت فى حد دانا لما لاقيت ان انت حتزعل قلت انا ياسيدى ألى بعمل التربت تيت وبعدين انت تعرف ايه هى التربتيت هو انا جرحتك بأى لفظ لسمح الله ياسيدى انا كل الحكاية بقول مش مستاهل دوخة وغرامة للزبون وبنضحك عليه كل يومين بتعديل وبعدين انت مقلتش كده ليه لاستاذ سامة الحكيم لما قال الكلام ده على الدونجل ومن زمان وبعدين يا اخى الغالىانت اخت بالكلام كان بها ولو الكلام مش عجبك برده كان بها واعمل انت الدونجل هو انا مسك ايدك يا اخى الغالى انت بتاخد كلامى ليه من الاول على ان انا ضدك هو انت الى اخترعت الدونجل والله والله يا اخى انا اول واحد معدله فى بلدى وانا اول واحد كنت بشيد بيه ولكن زمنه راح هو ده كل ألى انا قصدته وشكرا لك

[kamal65_65]

يا اخوان ماتعملوش شغلانة وتكبروا المواضيع كل واحد من الاعضاء له رأى وشايف انه بيعمل نصيحة لغيره اللى يقيبلها ماشى واللى مايقبلهاش هو حر وكل واحد ليه فى مدح النبى غرام
صح احنا نقوله ياأخى الكريم شكرا على التنويه وبارك الله فيك وجزاك الله خيرا

[صلاح منسى]

والله كلامك جميل وينفع يكون اعلان لرسيفرات الشيرينج اللى بتفتح بالنت

[ياسر عرفة 2000]

يا اخوان ماتعملوش شغلانة وتكبروا المواضيع كل واحد من الاعضاء له رأى وشايف انه بيعمل نصيحة لغيره اللى يقيبلها ماشى واللى مايقبلهاش هو حر وكل واحد ليه فى مدح النبى غرام
صح احنا نقوله ياأخى الكريم شكرا على التنويه وبارك الله فيك وجزاك الله خيرا

هو ده أللى انا قصدته بالضبط اخى كامل

[hanysaber210]

لا طبعا احنا في كل او الزبون لسنا خاسرين بالمقارنة باسعار الاشتراكات او حتى الاشتراك في الوصلة صاحبة الصورة السيئة والاكثر تواضعا
ممكن الزبون الي شغال معاك علطول تعديله سوفت اه وسوفت لا