طلب من الاخوه المشرفين

[عبد الله ابو يوسف]

عايز اشتري كمية قطع غيار الدش ممكن اعرف ايه المطلوب واشتري ايه من المقومات والمكسفات والايسهات والترنسستر واي حاجه لها علاقه بالدش واي حاجه مستخدمه في اصلاح الدش بالارقام

[مهندس محمودعبدالحميد]

بص يا غالى الموضوع مش سهل زى حضرتك ما فاهم لانك لو هتشترى كل قطع الغيار المطلوبه يبقى محتاج مبلغ من المال مش قليل فمن الاحسن ومن الممارسه فى الصيانه اللى تلاقى الطلب عليه كتير تشترى منه على قد الحاجه وهكذا

[عبد الله ابو يوسف]

المشكله مش في الفلوس انا عايز الحجات المستخدمه دايما علي طول المهم منها بعد ازنك

[مهندس محمودعبدالحميد]

بص يا غالى فيه مكثفات مثال 16 فولت على 1000 ميكرو وفيه 16 470 وفيه 35 220 وفيه 400فولت على 47 وفيه سليكونات 1 و2 امبير وفيه ايسيهات للترومان وللاسترا وخلافه فبجد يا غالى كتير ولو الواحد قعد يكتب للصبح مش هيخلص فانت قولى على الاجهزه المتكرره عندك وانا اقولك على قطع غيارها المطلوبه

[عبد الله ابو يوسف]

الف شكرا علي الرد
الاجهزه هي الصيني جميع الانواع
استرا
ترومان
هوماكس

[مهندس محمودعبدالحميد]

بص يا غالى انزل باب اللوق واطلب من اى صاحب محل مجموعه ايسيهات الاجهزه الصينى وعلى فكره مش كتيره ونفس الموضوع فى الهيوماكس والترومان وهتجيب من المكثفات والسليكونات اللى قلتلك عليهم وفى حاجه افضل من كل هذا انك تشترى اجهزه تقطيع او استعمال من سوق الجمعه وهتلاقى فيها كل اللى انت عايزه

[عبد الله ابو يوسف]

طيب حضرتك مش حافظ اي ارقام للاجهزه الصيني دلوقتي عشان انا هبعت حد يجيب الحجات مش انا الي هروح

[مهندس محمودعبدالحميد]

بص يا غالى الصينى فيه منه كتير واهمها thx203h و p1014 وvip 22a
وممكن تشترى دوائر بور صينى جديده وتمنها 12 جنيه وتصلح لمعظم الاجهزه الصينى وبالنسبه للمكثفات هات اللى قلتلك عليه فى الاول وزود عليه 400 فولت 22 ميكرو و33 وطبعا سليكونات 1امبير و2 امبير

[م/محمود العطفى]

تمام اخى محمود

وممكن تدخل هنا وتأخد ارقام الايسهات اللى انته عاوزها واكثر

هنااااااا (http://www.masrawysat.com/vb/showthread.php?t=339359)

[م ربيع الجادورى]

مادام معاك فلوس يبقى نقولك المكثفات اللى اشار اليها الاخ محمود
47 //400//450
33 // 400//450
22//400 //450
1000 // 16
47 // 50
1 //50
ترنزستور 8550 s تشترى منه حوالى 100
l m 317 تشترى منه عشره
ic 5l 380 لو ليك فى تعديل الباور يبقى متشتريش غيره انا بصراحه ما بنستخدمش غيره
تشترى منه 10
ب10 جنيه مقاومات 220 كيلو 47 كيلو
2 تيونر عبد العال
والباقى لما تبدا حتعرف ايه اللى ناقص عندك وتكتبه فى كشف النواقص المطلوبه
اخر حاجه ودى مهمه جداا جداا فنى متمكن يتعامل مع هذه المكونات
كاويه جميله مستقله زى بتاعة الهوت اير
هوت اير
مجموعة مفكات
قصافه
قصدير سنغافورا
راجينه
فلا كص
عدسه مكبره مضيئه
افو ميتر وياريت يكون ديجتال يابانى او المانى ياسلااااااااااااااااااام
وفيه كمان حاجه مهمه جداا جداا
مخ يستوعب كل هذا
عموما الله يعينك ويوفقك فى هذا العمل الجميل واى سؤال او استفسار انا تحت امرك
م// ربيع الجادورى

[مهندس محمودعبدالحميد]

ماشى يا عم ربيع انا عن نفسى لو معايا فلوس مش هشترى الحاجات دى كلها لانى هبقى مش محتاج اشتغل هههههههههههه الف شكر ليك يا غالى على متابعتك

[م ربيع الجادورى]

الله يجازى شطانك يامحمود امال بيقولو علينا البشوات المداريين ليه
مساء الفل ياحوده دايما مخلى للموضوع شكل جميل سلام ياحوده

[مهندس محمودعبدالحميد]

الله يجازى شطانك يامحمود امال بيقولو علينا البشوات المداريين ليه
مساء الفل ياحوده دايما مخلى للموضوع شكل جميل سلام ياحوده

مساء الفل عليك يا غالى المواضيع دائما جميله بمرورك ووجودك فيها

[ابو نداء]

وفيه كمان حاجه مهمه جداا جداا
مخ يستوعب كل هذا

[مهندس محمودعبدالحميد]

وفيه كمان حاجه مهمه جداا جداا
مخ يستوعب كل هذا

تصدق كانت تايهه عننا الفكره دى وفعلا لو مفيش مخ يستوعب يبقى مفيش رسيفر هيتصلح حلوه منك قوى دى يا غالى مع ان اخى ربيع للصيانه موضحها فى مشاركته فى اول الموضوع

[عبد الله ابو يوسف]

الف شكرا يا مصراويه

[م ربيع الجادورى]

ياعم ماتزعلش اصل بصراحه ماحدش معاه فلوس خالص تلا قينا شرقانين وانت بتقول مش مهم الفلوس ويسلام لو تكمل جميلك وتشترى كمان حاجه بجد والله دى مش تهريج حظر ايه مادام معاك فلوس يبقى بالمره اشترى لاب تول لشحن الفلاهشه

[عبد الله ابو يوسف]

ايه هو الاب تول ده انت قصدق لاب توب انا عندي كمبيوتر عادي وبعدين مش انا الي هشتري دي شركه هي الي هتجيب المكونات انا بعمل في الشركه

[عبد الله ابو يوسف]

مفيش موقع لتعليم صيانة الرسيفر او مكان اخد منه دوره بس تكون في السعر المعقول

[ابو نداء]

تصدق كانت تايهه عننا الفكره دى وفعلا لو مفيش مخ يستوعب يبقى مفيش رسيفر هيتصلح حلوه منك قوى دى يا غالى مع ان اخى ربيع للصيانه موضحها فى مشاركته فى اول الموضوع

أخى الحبيب انا واخدها كوبى من كلام اخونا ربيع

بقصد بيانها والاشارة اليها وتوضيح اهميتها ولا يغيب عنك اخى الكريم

الفرق بين الكاوية اللى نعمل بيها واى كاوية اخرى وكفاءة القصدير واليد الكفأه

اللى بتمرر القصدير على ارجل الكنترول وتلمه فى حركة لينه

يعنى تقدر تقول فيما لا يغيب عنك ان الممارسة مهمه جدا مش القراءة فقط

واقسم لك انى رأيت خطوط الفلاشة مقطعه بسبب التنظيف بسنفرة حديد

واخطاء غير المتخصصين خطيره جدا .....