Twinhan 1027 - كارت الدش يفصل عند تشغيل قنوات UHF

[namasy]

السلام عليكم ورحمه الله وبركاته
الاخوه الكرام خبراء كروت الستالايت
( مشكله جديده هل صادفت احد منكم )
عندي كارت : Twinhan 1027 الاحمر
شغااااال تمام الله اكبر وفجأه كل ما اشغله يعمل للجهاز ريستارت
قولت الويندوز وغيرت 3 نسخ مختلفه نفس المشكله
قولت الكارت كده بيسخن ركبت مروحة بتاعت الهارد علشان تبرد وشغلت عليه مروحة بره الجهاز وكله تمام والحمد لله الحراره مش عاليه زي اي كارت تاني
وجربت اشتغل كويس ولكن كل ما اجي على قنوات الام بي سي مثلا اللي بتشتغل على UHF اعتقد يعمل ريستارت للجهاز كله زي الاول دقيقه وريستارت جربت قنوات تانيه على نفس النظام يعمل ريستارت, جربت قنوات VHF شغاله ومبيفصلش
السلك جديد مكملش 3 شهور طوله 20 متر بس مفيش قطع مفيش اي وصلات فيه
شوفت الجاك اللي في الجهاز ده مفيش سلك ملمس ولا اي حاجه
والمجموعه اللي على الطبق شغاله تمام على الرسيفر بنفس السلك لكن على الكارت يعمل ريستارت علماً باني استخدمت اكثر من برنامج عرض MyTheatre , dvbdream وغيرهم نفس المشكله
معلومه هامه dvbdream الاصدارات الجديده لا تعمل عليها القنوات اللي بتعمل المشكله من اساس

الصورة اللي في المرفق دي هتوضح القنوات اللي بتشتغل
اللي على NOORSAT و Nilesat يعمل ما خلاف ذلك به مشكله
اللون الاحمر لا يعمل
اللون الاخضر يعمل
ولاحظ Nilesatاول حرف كابيتال "يعمل"
وNILESAT كلها كابيتال "لا يعمل"

معلش طولت علشان اشرح كل شيء عملته
ودلوقتي ده عيب ايه ؟ ممكن يكون الكارت نفسه فصل UHF زي الريسفرات كده ولا المجموعه السبب ولا ايه مش عارف

انتظر الخبراء ومن شاهد مثل هذا العيب ياريت يفيدنا بالنصيحه

[ABOZIAD@AHMAD]

هل المشكلة دى حديثة ام تكررت فى السابق

وماهى ارقام برامج العرض التى استخدمتها

[hamdy elseed]

اشارك اخي الفاضل في الموضوع عندي نفس المشكلة متكرره ودائمة علي الرغم من تجربته علي عده اجهزة مختلفة النوع

[ابوداليا]

اشارك اخي الفاضل في الموضوع عندي نفس المشكلة متكرره ودائمة علي الرغم من تجربته علي عده اجهزة مختلفة النوع اخوانى بعد تجاربى مع هذا الكارت العقيم وجدت ان برنامج البروج القديم وبرنامج الفيور هما افضل برنامجين يتعاملان مع الكارت برنامج الفيور من هنا http://www.masrawysat.com/vb/showthread.php?t=374469 البروج القديم فى المرفقات

[namasy]

اولاً برنامج الدريم اصدار رقم 1.4i القديم يشغل القنوات لكن الجهاز يعمل ريستارت
ثانياً : الدريم اصدار 1.7a مبتشتغلش عليهم القنوات اللي فيها المشكله

والـ MyTheatre على كل الاصدارات يعمل ولكن مشكله الريستارت اول ما القناه تشتغل
وهذه الحاله جديده اول مره تصادفني وغير معتاده
وللعلم هناك الكثير من الاشخاص عندهم نفس المشكله
واتفق مع اخونا اللي قال ان الكارت عقيم لانه فعلاً كذلك اطاح بسمعه الشركة والاصدارات القديمة
وجاري تجربه البرنامج واطلاعكم على النتيجه

[namasy]

نتيجة التجربة
برنامج الفيور نفس المشكله mbc وباقي القنوات اللي مبتشتغلش زي ما هي
البروج لا يعمل نهائياً مع الكارت
ومازالت المشكله مستمره

[ابوداليا]

نتيجة التجربة
برنامج الفيور نفس المشكله mbc وباقي القنوات اللي مبتشتغلش زي ما هي
البروج لا يعمل نهائياً مع الكارت
ومازالت المشكله مستمره جرب الكارت على جهاز اخر يا غالى يكون الباور بتاعه عالى

[namasy]

جربت اليوم جهاز اخر بالفعل ونفس المشكله
وجربت طبق اخر بمجموعه اخري بسلك جديد نفس المشكله
ونقطه مهمه في الموضوع ان الكارت بارد جدا ومفهوش مشكله سخونيه زي ما كتير قالولي المشكله في السخونيه والكارت مشكلته السخونيه

والان بنزل ويندوز جديد نسخه جديده بتحديثات جديده وهجرب الفيور من جديد وهبعت لكم النتيجه

[الحمادوى]

هل موديل الكارت من النوع المزود بمدخل باور ولا لأ ؟؟

لو عليه مدخل باور وحضرتك مش موصله ياريت توصله

[namasy]

نعم استاذ ( الحمادوى ) به مدخل باور وتم التجربه ونفس المشكله
ولكن عقب تجربه ويندوز xp sp2 اصليه محدثه باخر تحديث مع التعريف الاصلي مع برنامج الفيور في كتير من القنوات اشتغلت بدون مشاكل زي mbc وعدد كبير من القنوات اللي فيها المشكله .
والان في وضع الاختبار لحين التأكد من صلاحيته بس لو اشتغل كده ممكن نقول ان برنامج العرض هو المشكله مع العلم ان الكارت كان شغااااال من فتره طويله مع الدريم وماي ثيرتي بدون مشاكل نهائياً الا مع دخول شهر 5 الماضي
ام يمكن ان تكون المشكله متعلقه بتطوير في شركة النايل سات علماً بان الاقمار الاخري تعمل جميعها بدون مشاكل ؟
اثناء بحثي عن حل للمشكله وجد الكثير من اصحاب هذا الكارت ان لم يكن جميعهم لديهم نفس المشكله يعني مشكله عامه وهذا غريب بصراحه ما هو قولكم ؟ حتي نحاول مساعد الجميع وشكرا لكم جزيلاً

[namasy]

الوضع اختلف قنوات الحياه اختفت عند استخدام الفيور القنوات اللي كان فيها مشكله اشتغلت واللي كان شغال اختفي ( عند تشغيل القناه تظهر no hardware available )

[الحمادوى]

ياريت تجرب برنامج الكارت نفسه وتشوف نفس المشكلة معاه ام لا

ياريت توضح هل انت بتستخدم طبق ثابت بدايزك؟؟
لانه ممكن يكون السبب

[sasasabre]

انا بستخدم نفس الكرت الفيور شغال معاية كويس الدريم كان بيعمل معاية كدا لحد لما اشتريت بور جديد اشتغل كويس البروج بقة كل لما اشغله يشتغل لما اجي اغير قنا يرستر البور اللي في اي كيسة من الجداد ضعيف جرب علي بور في كيسة قديمة

[namasy]

يا جماعه انا غيرت الباور والمشكله موجوده على الدريم زي ما هي لكن كله اشتغل على الفيور دلوقتي ومفيش مشكله خالص ولله الحمد
بس فعلاً قنوات mbc HD لا تعمل مع العلم انها كانت تعمل على الدريم مسبقاً

والطبق شغال بدون دايزك مجموعه واحده وطبق ثابت 70 والاشاره 70 كويسه جدا , وعندي طبق 180 متحرك تفتكر يكون احسن للكارت ؟ مع ان التجربه الاتنين واحد ومفيش تغيير.

واعتقد ان المشكله زي ما الاخوه قالوا مشكله كهرباء ( الباور ) عندنا الكهرباء ضعيفه وممكن يكون الباور الصيني ده السبب علشان اللي عنده المشكله زي يستفاد زيي تفتكروا ايه نوع الباور الكويس ويكون كام وات ؟

اللي شغال عليه دلوقتي مكتوب عليه 500W في ايه احسن منه ؟

وهل الفيور بيدعم PIP اي تشغيل اكثر من قناه ؟
وشكراً جزيلاً لكم فهناك الكثير من المواقع الاخري لا يوجد بها مثل هذه الخبرات ويطلقون عليهم الافضل ولكن اشهد لكم يا اعضاء مصراوي سات

[ابوداليا]

بس فعلاً قنوات mbc HD لا تعمل مع العلم انها كانت تعمل على الدريم مسبقاً





اللي شغال عليه دلوقتي مكتوب عليه 500W في ايه احسن منه ؟


اولا يا غالى قنوات mbc HD لا تعمل واستحاله تعمل كمان عندك لان ترددها s2 HD وهذا التردد لا يعمل على كارتك وثانيا فى باور اعلى وافضل هو 650w

[kabapy]

فعلا كارت عقيييييييييييييييييييييييييييم
أفضل البرامج ثباتا معه علي ويندوز 7 64بت في تجربتي الشخصية هو
progdvb 6.84 64Bit

[elraiekawy]

انا لدى هذا الكارت و كنت ها أرميه
ولكن
جميع المشاكل انتهت معى بعد استخدام التعريف الموجود على المنتدى مع win 7

استخدم هذا التعريف و لا تستخدم التعريف الموجود على الاسطوانة

http://www.masrawysat.com/vb/showthread.php?t=495820

[البرنس ممدوح]

جارررررررررى التجربة

[ragee_asy]

شكرااااااااااااااااااااااا

[فهد2006]

لو سمحت اتحلت معاك ازي وياريت لينك التعريف win 7 64