عطل فريتيكال تلفزيون nec 14

[جابر النقاش]

عطل فريتكال فى nec 14 مع وجود خط 24 فولت تمام ارجو الحل

[علاء ستار]

غير tc الراسى

[جابر النقاش]

مع العلم عدم وجود فولتات خارجه من اللين

[حمدى البندى]

اخى جابر
برجاء كتابة موديل الجهاز وبيناتة من الداخل

[طه سعيد]

مع العلم عدم وجود فولتات خارجه من اللين

اخى الغالى جابر النقاش هل الفولت الخارج من اللاين يصل الى طرف تغذيه ic الفرتكل ام لا يوجد مقاومه ربط بين الفولت الخارج من اللاين وic الفرتكال
حوالى 10 أوم تاكد منها

[جابر النقاش]

مهندس طه سعيد انا عايز اقول ان الجهاز عايز اعرف فولتات خرج الشوبر كام وكمان هل لو قسنا فولتات اللين والجهاز شغال مش المفروض يقرى معايا الفولتات اللى على رجول اللين زى 180 فولت 12 فولت 25 فولت هو مش بيقرا غير 25 فولت وبيقراها 27 فولت وشكيت فى اللين ومازال العطل ارجو الايفاده موديل الجهاز
nec 1621(ds)mh

[جابر النقاش]

على فكره انا غيرت الاين وكمان اى سى الفرتيكال والجهاز بيقوم معايا بس خط فريتكال

[طه سعيد]

مهندس طه سعيد انا عايز اقول ان الجهاز عايز اعرف فولتات خرج الشوبر كام وكمان هل لو قسنا فولتات اللين والجهاز شغال مش المفروض يقرى معايا الفولتات اللى على رجول اللين زى 180 فولت 12 فولت 25 فولت هو مش بيقرا غير 25 فولت وبيقراها 27 فولت وشكيت فى اللين ومازال العطل ارجو الايفاده موديل الجهاز
nec 1621(ds)mh

على فكره انا غيرت الاين وكمان اى سى الفرتيكال والجهاز بيقوم معايا بس خط فريتكال

اخى جابر انت كدة هتدخل نفسك فى متاهه انت بتقول غيرت اللاين وic الفرت
انا سوالى واضح ic الفرت واصل له تغديه ولا الا .
ومتشغلش نفسك بخروجات الشوبر والاين ركز فى العطل اللى امامك .الجهاز
شغال صوت تمام بس صورة لا يوجد يوجد خط فى النصف عيب فرتكال
انت غيرت ic طب عليه تغديه ولا لا طب اليوك عليه تغذيه ولا لا .
نتاكد اولاً من الايسي قبل تغييرة حتى لا تكلف نفسك

[جابر النقاش]

انا جربت شاسيه تانى علشان اليوك اتاكد منه طلع شغال واى سى الفرت رجل وحد بتقرا 24 فولت فى رجل تانى عليها فولت غير ده وبعدين اسلاك اليوك بتوع الفرت المفروض يطلعوا كام فولت علشان اعرف

[جابر النقاش]

بعد تغير كل المكثفات حول الاين وحول اى سى الفرتيكال خط الفريتكال على الشاشه مش لون واحد ثلاث الوان

[احمد سمير]

تغذية الربط من اللاين لأى سى الفرتكال

مش واصله يا أخى وعليك بفحص المقاومات اللى بجوار اللاين

هتجد منهم مقاومه ( أوبن ) لو غيرتها الجهاز هيشتغل تمام

وكل الشكر للمهندس / طه سعيد

[جابر النقاش]

كل المقومات تمام وعلى العموم غيرتهم بنفس القيمه فى حاجه تانيه تعمل نفس العيب

[طه سعيد]

كل المقومات تمام وعلى العموم غيرتهم بنفس القيمه فى حاجه تانيه تعمل نفس العيب

اخى الغالى جابر النقاش ما دام غيرت ic الفرت وجربت الشاشه على شاشيه
أخر علشان تتاكد من اليوك وعملت الشاشه معاك تمام .
وقمت بعمل تست على المقاومات اللى بجوار الic كما تفضل اخى المهندس / احمد سمير وطلب منك فى رد سابق .
وتقول ان تغذيه الic تمام فانا على ما اعتقد انه يوجد عندك شرخ فى الشاشيه
الnec لم يتبقى امامك غير ذلك فارجو منك نظرة فاحصه للشاشيه لان شاشيه
الnec درياته كثيرة وممكن يكون فى شرخ بسيط انت مش واخد بالك منه
بتحصل ساعات .
الواحد ممكن يبقى الحل امامه ومش واخد باله منه .
انا بتحصل معايا بيبقى الجفت موجود فى ايدى واقعد ادور عليه هههههه

[جابر النقاش]

انا عايز اقول انى هدور اوك على شرخ فى الشاسيه بس انا عايز اقول ان دى اول مره تحصل معايا لان العطل ده مش متعب زى الهورزينتال ارجوكم دورو تانى ممكن زى ما انا هدور

[جابر النقاش]

وكمان الصوت مش موجود الا عند ضغط زر التشغيل وكمان مش بيقلب الى وضع الاديو والفيديو

[جابر النقاش]

وكمان الخط بيظهر بعد التشغيل بشويه مش علطول

[جابر النقاش]

صدقونى لايوجد شروخ ارجوكم متسيبونيش التلفزيون ده بتاع واحد صحبى وانا هعمله مجمله ومش عايز اكلفه كتير ارجوكم افيدونى بخبراتكم

[طه سعيد]

اخى جابر لا تستهين بالعطل مهما كان .
انا اتذكر جانى عطل مشابه لهذا العطل وكان العطل فى حاجه بسيطه جدا
كرستاله 503 بجوار ic الكبير فلو عندك كرستاله جربها ولو مش عندك
علشان تتاكد ان العيب منها سخن على لحمات الكرستاله والجهاز شغال
اكرر والجهاز شغال ضع سلاح المكوة على طرف من لحمات الكرستاله لمدة ثوانى
وشوف الجهاز سيعمل معاك ام لا .
ووافنى بالنتيجه

[جابر النقاش]

انا عندى كرستاله مدوره وكرستاله صفرا انهى فيهم

[طه سعيد]

كرستاله لونها أصفر زى بتاعه الريموت بس رقمها 503 مش مدورة