موديل جديد من ترومان tm 999 option hd وكل شئ عنه!

[Mr.Mohamed Fouad]

يعنى ايه الجهاز يدعم الشيرنج عن طريق الوايرليس فقط ........ شكرا

يعنى متقدرش تركب نت عليه غير النت اللاسلكى .

[eslam_egypt]

patch_no:::

ردكم ليس له اي اساس من الصحة
الادارة

[Mr.Mohamed Fouad]

وانت الرسيفر بتاعك نوعه ايه يا همام ؟؟؟ (صينى تعبان ولا تقليد الدريم)

[mohafafo]

انا كنت ناوي اشتريه بعد ما الراجل قالي انه جهاز جامد

مش عارف كده هجيب جهاز ايه

حد يقترح عليا جهاز كويس

[AdmiRal2]

الجهاز كويس اخى ... ولكن هذا العضو مريض للاسف .... ادعى له بالشفاء .

[mohafafo]

AdmiRal2
ــــــــــــــــــــــــــــ
اولا شكراا على ردك

ثانيا انا الي عجبني فيه انه شغال نت ويرليس
بس خايف تكون اشارته ضعيفه

[eslam_egypt]

الجهاز كويس اخى ... ولكن هذا العضو مريض للاسف .... ادعى له بالشفاء .

مين دة اللى مريض يا محترم ؟!!!
حاول تقراء تعليق رقم 15 ، 17
هما كمان مرضى !
على العموم ربنا يشفى الجميع

و انت لو ذهبت لتوكيل ترومان فى باب اللوق وشوفت فى كام واحد بيشتكى من الجهاز الخربان دة سواء فى التوكيل او بالتليفون
و اللى عندهم مرة يقولك غير الروتر ( و بالفعل تم تغييرة و النتيجة صفر )
و مرة تانية يقولك شغلة اوديو وفيديو
ومرة تالتة يقولك كمان اسبوعين نازل سوفت هيعالج المشاكل

يبقى مين المريض يا محترم
وشكرا للمشرف اللى حذف التعليق a213--

[Mr.Mohamed Fouad]

eslam_egypt

مردتش على السؤال بخصوص نوع الرسيفر بتاعك ؟

[eslam_egypt]

eslam_egypt

مردتش على السؤال بخصوص نوع الرسيفر بتاعك ؟

انا اصلا فنى و بتعامل مع ترومان من زمان بس الجهاز دة قصر رقبتى عند عميل مهم عندى علشان كدة دمى محروق منة
طبعا بتكلم عن tm 999 option hd

[Mr.Mohamed Fouad]

وايه المشكله اللى كانت فيه ؟

[AdmiRal2]

يا استاذ ضع مشكلتك بأسلوب كويس وان شاء الله هنحلها لك انما اسلوبك ده غير مقبول هنا بالمره ....

[عبده غريب]

الجهاز كويس اخى ... ولكن هذا العضو مريض للاسف .... ادعى له بالشفاء .

اول مرة اشوفك ترد على عضو بهذه الطريقة patch_no:::

[AdmiRal2]

اول مرة اشوفك ترد على عضو بهذه الطريقة patch_no:::

لانه شتم ناس ميعرفهومش فى مركز الخدمه وقال عليهم زباله ..... انت لم ترى تعليقه اخى ... فكان ردى الطف من رده بكثير .

[mohamed19792006]

الجهاز بيسخن جدا وبيفصل اليو اس بى بتاعت الواى فاى ومش بيقراها وخلال اسبوع وديته التوكيل مرتين
وللامانة لو المشكلتين دول اتحلوا فى الجهاز هيبقى جهاز خرافى ومالوش حل

[eslam_egypt]

لانه شتم ناس ميعرفهومش فى مركز الخدمه وقال عليهم زباله ..... انت لم ترى تعليقه اخى ... فكان ردى الطف من رده بكثير .

مين قالك انى معرفهمش انا علشان الجهاز دة ذهبت اليهم 3 مرات خلال اسبوع
بسبب ان النت بيقطع يشتغل دقيقة و بعدين يقطع
اول مرة المهندسين اللى هناك قالوا غير الروتر
وانا اقولهم طيب ما الروتر شغال زى الفل على الكمبيوتر و الموبيلات الـ wifi
يقولك المشكلة فى الروتر
تخيل نفسك مكانى اقنع العميل انة يغيير الروتر اللى شغال عندة و ينزل يشترى روتر جديد و بعدين نلاقى نفس المشكلة
ارجع لهم تانى يقولك اة اصل وصلة الـ hd بتعمل مشاكل شغلة على الاوديو و فيديو
ارجع تانى و اشغلة على الاوديو و الفيديو مع الغاء الـ hd
بردة نفس المشكلة
ارجع تانى ( كل دة وقت و مواصلات )
يقولك كمان اسبوعين فى سوفت نازل هيعالج المشاكل دى
بزمتك و دينك الناس دى يتقال عليها اية ؟!!
انا اعرف لو الشركة خايفة على سمعتها كانت سحبت الاجهزة من السوق حتى يتم معالجة الاخطاء بها ، لكن للاسف الجهاز مازال يباع و هو معيوب ( او على الاقل جزء منة به عيوب )

[data2008]

مسأله الوايرليس دى هتعمل مشاكل كتير
ليه الشركه معملتوش بسلك ووايرليس ايضا
وريحوا دماغهم

[Mr.Mohamed Fouad]

النت بيقطع يشتغل دقيقة و بعدين يقطع


على فكره ده مش عيب الرسيفر ،
لازم تحدد بث الويرلس من الروتر على 802.11b

وتختار اما WPA مع AES
او WEP

مش كل قطع الوايرلس بتدعم بث ال 802.11n ولا WPA2

هل جربت ده قبل ما تجيب العيب فى الرسيفر ؟؟؟
(انا شبه متأكد من كلامى لان المشكله دى حصلت معايا قبل كده اول مره اشتغل فيها بالوايرلس وانا بره)

[eslam_egypt]

على فكره ده مش عيب الرسيفر ،
لازم تحدد بث الويرلس من الروتر على 802.11b

وتختار اما WPA مع AES
او WEP

مش كل قطع الوايرلس بتدعم بث ال 802.11n ولا WPA2

هل جربت ده قبل ما تجيب العيب فى الرسيفر ؟؟؟
(انا شبه متأكد من كلامى لان المشكله دى حصلت معايا قبل كده اول مره اشتغل فيها بالوايرلس وانا بره)

اخى الكريم انا جربت كل اللى بتقول علية واكتر بكتير كمان بقولك انها وصلت لتغيير الروتر بالنوع اللى هما قالوا علية شغال عندهم tp link
المشكلة انة بيلقط الشبكة, ويقول ip connect و يفتح ****** و بعد دقيقة يقولك ip disconnect و يقطع لازم ريستارت يرجع يلقط وبعد دقيقة يرجع ip disconnect
و ممكن تقراء تعليق 15 ، 17 ، 34
و اضح انها مشكلة متكررة مش انا لوحدى يعنى

[AdmiRal2]

عموما حل المشكله وحتى يعمل الواير ليس بشكل ثابت : -

- وصل كبل يو اس بى بين مكان اليو اس بى فى الجهاز واليو اس بى الخاص بالواير ليس ... بمعنى انه يوجد كبل تقوم بتوصيله فى مكان اليو اس بى فى الرسيفر وفى الطرف الاخر تضع اليو اس بى الخاص بالواير ليس .

- يجب ان تكون نوع شبكة الواير ليس $WEP حتى يعمل بشكل ثابت .


تحياتى لك

patch_lov-

[ashrafdishnono]

يا جماعة أنا قمت بشراء
عشر أجهزة من هذا الموديل
والجهاز ممتاز جدا جدا
ولا يوجد به أي مشكلة
علي الاطلاق
كل الموضوع ان ******* المجاني
بتاع شركة ترومان عليه تحميل جامد
وكثيرا من الناس محملين علي *******
المجاني
لذلك قمت بحل المشكلة بوضع *****
خارجي مدفوع الاْجر للرسيفر
ويعمل بامتياز
أما استقبال الرسيفر للنت الواير ليس
ليس به مشكلة علي الاطلاق
علي أي راوتر ويعمل بكفاءة
وممتاز جدا وعن تجربة
شخصية

وتحياتي للجميع