مراتى عيزه تشتكينى بالقائمه

[احمدبراهيم]

مراتى واهله عيزين يشتكونى بالقائمه ومش عارف اعمل ايه كنت عايز اطلبها فى بيت الطاعه بس مشعارف ممكن اكسب القضيه ولا لاءدى حاجه اه هى على فكره غضبانه من غير سبب وكان فى فرح بتاع صحبى هيتجوز قربتها فى منطقتى كان الفرح جت ورقصة فى الفرح وانا موجود انا دمى فار مع العلم انه واهلها كانو فى الفرح وعرفين انى ما بحبش مراتى ترقص فانا مسكتها من شعرها ولسه بكلمها اخوها جه وتخانق معايا هل اللى حصل ده ممكن يبقا فى صفى ولا ضدى لا اله الا اللهوموضع القائمه مهم جدا

[كيمو 2005]

الطاعة تكسبها لو منزل الزوجية شرعى
ثانيا ما دامت عند اهلها فهم المسئولين عن تصرفتها الخناقة ليست فى صالحك
ثالثا انصحك تماما بالحل الودى فى الرجوع او الطلاق لان يوجد لها قضايا كثيرة انت الخسران فيها منها نفقة ومتعة وقائمة وتبديد ومسكن وحضانة وخلع وغيرهما وممكن كمان تتسجن وممكن ان تقاضيك بالتعدى عليها بشهادة الشهود وتعملك تقرير طبى
فربنا يهدى الحال وحاول تكسب عقلها وتحل ودى مرارا وتكرارا

[احمدبراهيم]

الطاعة تكسبها لو منزل الزوجية شرعى
ثانيا ما دامت عند اهلها فهم المسئولين عن تصرفتها الخناقة ليست فى صالحك
ثالثا انصحك تماما بالحل الودى فى الرجوع او الطلاق لان يوجد لها قضايا كثيرة انت الخسران فيها منها نفقة ومتعة وقائمة وتبديد ومسكن وحضانة وخلع وغيرهما وممكن كمان تتسجن وممكن ان تقاضيك بالتعدى عليها بشهادة الشهود وتعملك تقرير طبى
فربنا يهدى الحال وحاول تكسب عقلها وتحل ودى مرارا وتكرارا


انا ما ضربتش مراتى بس مسكتها من شعرها وبكلمها . تعبت بجد واستحاله نتصالح بس انا مش عندى اولاد بس هى لسه على زمتى وانا مش ديوس عشان اقبل على مراتى كده انا ممكن اقبل بس لما اطلاقها هى خدت الدهب اللى كتبه فى القائمه مع انه انا اللى شريه وفى عهدتى هعمل محضر اثبات حاله هل كده انا صح ولا لاء ارجو الافاده

[احمد علي علي]

انا ما ضربتش مراتى بس مسكتها من شعرها وبكلمها . تعبت بجد واستحاله نتصالح بس انا مش عندى اولاد بس هى لسه على زمتى وانا مش ديوس عشان اقبل على مراتى كده انا ممكن اقبل بس لما اطلاقها هى خدت الدهب اللى كتبه فى القائمه مع انه انا اللى شريه وفى عهدتى هعمل محضر اثبات حاله هل كده انا صح ولا لاء ارجو الافاده

اخي الفاضل عليك التوجه الي قسم الشرطه وتحرير محضر اثبات بأن زوجتك خرجت من منزل الزوجيه وهي ترتدي مصوغاتها الذهبيه وان الزوجيه مازالت قائمه وباقي المنقولات موجوده وعليك الاحتفاظ بصوره طبق الاصل من المحضر بعد استيفائه من قبل النيابه العامه .... ويمكنك ارسال انذار بالطاعه الي زوجتك للدخول في طاعتك مادمت تسكن في مسكن
شرعي وقد تعترض عليه زوجتك خلال ثلاثون يوما ويتم تحديد جلسه من خلال اعتراضها وسوف تتداول الدعوي بالجلسات وسيتم الاحاله الي مكتب الخبراء لمعاينه المسكن والجيران وغير ذلك ويتم رفع تقرير الي المحكمه
وفي حاله ان شاء الله لو تم رفض اعتراضها سوف تكون بذلك ناشز وليس لها نفقه عليك ....... في حاله استحاله الصلح والوصول الي طريق مسدود فليس امامك سوي الطلاق وليس لها سوي مؤخر الصداق ونفقه العده والمتعه بالاضافه الي قائمه اعيان جهازها ............. امامك جميع الحلول والله الموفق

[احمدبراهيم]

بجد متشكر جدا بس قانون بيت الطاعه عشان اكسبه ايه المطلوب وايه ممكن يخلينى اخسره.........................انا عارف انى تعبكم معايا ربنا ما يكتبها عليكم

[كيمو 2005]

بص يا غالى تكسبها فى حالة ان الزوجة لم تعترض على الانذار خلال 30 يوم فقط بامانة .
اما لو اعترضت خلال هذه الفترة واتت بشاهدين فأنت خاسر الطاعة
فأذا كانت العيشة مستحيلة بينكما بأى وسيلة فأقدم على طلاقها بالود والاتفاق دون اللجوء الى المحكمة
وانوه بما قاله الاخ احمد فهو صحيح مئه بالمئه

[اسامه الاطرش]

اللهم اصلح ذات بينكم ::::::::::::::::: عليك بالتوجه الى الله بالصلاة فى الثلث الاخير من الليل والدعاء بالصلاح وسوف تحل مشكلتك باذن الله " وهذا يحدث كثيرا فى البيوت واستعين باهل الصلاح فى التوفيق بينكم .اللهم فرج هم المهمومين واقضى حاجة كل من طلب حاجه آمين.

[احمدبراهيم]

حسبيا الله ونعم الوكيل
لا اله الا الله

[احمدبراهيم]

مراتى كدابه جدا واهلها مشين ورا كدبها انا عايز اثبت لناس انها كدابه مشعارف اعمل ايه لدرجة انى قلتلهم نقرا عدت ياسين على الكداب فينا الناس كلها قلتلى لاء ما ينفعش قلتلهم طيب اقرا على نفسى لو انا كنت كداب وهى بلاش بردو قالو ماينفعش ممكن طريقه اثبتلهم مين الكداب فينا

[ابوشهاب]

السلام عليكم
القائمه حق للزوجه ولها ان تطالب به فى اىوقت تشاء حتى وهى فى بيت الزوجيه اما موضوع الطاعه فلا يفيدك الا اذا رفضت الحضور بناء عللى الانذار واقامت دعوى الطاعه او امتنعت فسوف تسقط نفقتها هى فقط اى ان عدم النزامها بالطاعه يسقط حقها فى النفقه النقطه الثالثه وهى قسامها بالرقص فى الفرح فقد كان من اجل استفزازك لضربها ثم يحرر لك محضر بالاعتداء عليها واكيد الشهود فى الفرح كتير

حاول اصلاح ما بينكم با لقعده العرفيه يعنى شوف ناس طيبين وحل مشكلتك

[حسن رحمه2000]

أخى الغالى
حاول الصلح هذه المره لانك مدان بالتعدى بالضرب
وبعد الصلح == أولا ===
طلقها فهى لاتصلح لك لانها لاتحترم الزوج ولاتحترم نفسها كزوجه
=== هذا رأى الخاص لو كنت مكانك == حاليا لايوجد أولاد ===

[سامى أبو محمود]

انته ياعم بص من الأخر النسوان دى ناقصات عقل
خلص طلقها وأعطيها كل حاجة وخلص نفسك طلما أن زوجتك كذابة وبعدين الزوجة الكذابة لا تصلح أن تكون زوجة صالحة والحمد الله إن مفيش عيال ( أقطع عرق وسيل دم ) بدلاً من أبتزاز المحاميين وأنته الخسران المحاكم أو بمعنى أخر القواضى دى الراجل هوة خساران خسارة بخسارة وخلص وبعدين أنته باكى على أيه إذا كان اخوة عيل مش تمام باكى أنته على أيه شوية خشب وشوية معلق سجاد وشوية حلل ومواعين خلص يا با خلص
وفقق الله عز وجل وإن شاء الله تجد زوجة مخلصه وتحبك وتحترمك إن شاء الله هذا من رأى

patch_sante--patch_sante--patch_sante--

[احمدبراهيم]

انا عايز اسبها النهرده قبل بكرا بس اهلها عيزين كده طمعنين فى الحاجه اللى فى القائمه بس لو انا شيفهم مش طمعنين انا كنت طلقتها من زماااااان ودتها كل حاجه بس انا مستعد اخسر كل حاجه بس ما يخدوش ا ى حاجه غير اللى هما جيبنها ..............بس كنت عايز اسال سؤال هل ممكن المحكمه تحكم بالطلاق ليها حتى لو اشتكتنى بالقائمه وانحبست علما بانى اعطيها حقوقها الزوجيه (الجماع)ارجو الافاده

[waleed2010]

الموضوع باختصار كما تحدث عنه المستشار احمد على وسوف اوضح اكثر
1- من حق الزوجه ان ترفع عليك جنحه تبديد منقولات زوجيه وللخروج من تلك الواقعه يجب عليك انذارها لاستلام منقولاتها او تطلب من المحكمه تسليمها المنقولات فى حاله رفع الجنحه بالفعل
2- من حقك ان تدعوها لبيت الطاعه من خلال انذار الطاعه وسوف تقوم الزوجه بالاعتراض على الانذار غالبا بدعوى الاعتراض عن انذار الطاعه وذلك على اساس انك قمت بتبديد منقولاتها الزوجيه , وتقوم بضربها واهانتها , وان منزل الطاعه غير شرعى (هذه هى اسباب الاعتراض غالبا ) وفى حاله نفى تلك الوقائع بمستندات وشهادة الشهود ممكن تكسب دعوى الاعتراض وفى تلك الحاله تكون ناشز ولا نفقه لها
3- قد تلجأ الزوجه الى رفع دعوى طلاق للضرر او لاى سبب اخر وقد ترفع عليك دعوى خلع اذا كانت ترغب فى الانفصال عنك نهائيا ولا تطمع فى حقوقها التى سوف تسقط بالخلع
هذه هى الاحوال القانونيه
وقبل ذلك عليك بالتريث

[احمدبراهيم]

فعلا رفعت قضية طلاق لضرر بس ايه طلاق لضرر وممكن تكسبها ازاى ورفعت عليا قضية نفقه بس احنا ما عندناش اولاد ممكن الافاده والف شكر

[elkarmooty_com]

فعلا رفعت قضية طلاق لضرر بس ايه طلاق لضرر وممكن تكسبها ازاى ورفعت عليا قضية نفقه بس احنا ما عندناش اولاد ممكن الافاده والف شكر


بص يا اخى السلام عليكم اولا : انا هاكلمك بالبلدى كدة
الموضوع بتاعك ده بيحصل زيه كتير جدا بس لازم تعرف حاجة وهى ان فى الاول والاخر الست او الزوجة هى الخسرانة الخسارة الكبرى وانت لو خسرت ممكن تخسر بس بعد وقت كبير تقدر بسنين
1- اول حاجة لازم تعملها تحاول تفكر مع نفسك هل من الممكن ان انتوا ممكن يجمعكوا بيت تانى ولا لاء ( يعنى الصلح ) حتى لو مش انت اللى هاتصالح ولاد الحلال كتير بس يكون فيه النية وده المهم دى حاجة
2- الحالة التانية ودى فى حالة استحالة الرجوع هانصحك نصيحة لله بس فى الاول لازم تروح تعمل توكيل لمحامى كويس اوى ومحترم وخفيف يعنى يروح الجلسات ومايطرمخش واشتشيروا واحكيلوا على كل حاجة
3- سيب المحامى يشتغل وعيش حياتك ولا كأن فى اى حاجة اكنك ما اتجوزتش اصلا ولو عايز تتجوز اتجوز براحتك بس النصيحة ...................................... ( اوعى تقول انا عايز اطلق ) لو رفعت عليك 1000 قضية وروحت المحكمة ووقفت قدام القاضى هايسألك قول انا مش عايز اطلق ولو عايزة تروح معايا دلوقتى انا موافق والمحامى طبعا هايفهمك كل ده
4- حاجة من اتنين هاتحصل عايزة تتطلق يبقى هى اللى عايزة يبقى تساوم الحالة التانية انها ترجع بقرار من المحكمة انت بقى واللى انت عايزه ياتسامح ( وتشد على بيتك يانجم وتنشف كدة عشان انا شايف من خلال كلامك وماتزعلش منى انك مهاود شويتين ) يا اما تشتغلها فى الازرق وكله بالزوق والادب ممكن تخلى اللى قدامك ده يولع فى نفسه من غير ماتفتح بقك والله لو بنظرة عين
حبيبى روح لمحامى واتكلم معاه واتحرك والنصيحة لله شوف يابنى الصلح حوارات زى ديه يتحصل كتير وبترجع البنت بعد كدة احسن من الاول وربنا يهدى سرك وعايزك ماتخافش كدة ماياخد الروح الا اللى خلقها

[waleed2010]

فعلا رفعت قضية طلاق لضرر بس ايه طلاق لضرر وممكن تكسبها ازاى ورفعت عليا قضية نفقه بس احنا ما عندناش اولاد ممكن الافاده والف شكر


الطلاق للضرر يعنى انها متضررة من الزواج مثلا تقوم بضربها او اهانتها او اى سبب من اسباب الضرر الذى تستند عليه فى دعواها
وممكن تكسب الدعوى اذا استطاعت ان تثبت الضرر الذى تستند عليه بالفعل سواء من خلال المستندات (كمحضر ضرب مثلا) او عن طريق الشهود ويكون لك ان تدفع هذا الضرر بنفس الطريقه وخاصه الشهود
وهى لها الحق فى رفع دعوى نفقه زوجيه لعدم الانفاق عليها حتى لو كانت مقيمه عند اهلها وهذه الدعوى حدها الاقصى سنه واحدة فقط تحصل فيها على النفقه بمعدل 12 شهر
عليك توكيل محامى لمعرفه الاجراءات لان كل حاله تختلف عن الاخرى حسب نوعيه القضايا المرفوعه وان قضايا الاسرة ترتبط بعضها البعض

[احمدبراهيم]

شكرا يا معلم على الا فاده وكلامك صح انت محامى لو محامى ممكن رقمك elkarmooty_com

[halme_88]

استعين باهل الصلاح فى التوفيق بينكم .اللهم فرج هم المهمومين واقضى حاجة كل من طلب حاجه آمين.

[احمدبراهيم]

هى لو رفعت قضية خلع هتكسبها المحامى بتاعى قال كده هتكسبها هتكسبها وهتاخد القائمه وهتتنازل على حقوقها وبكده هتخلعنى حتى لو مفيش اسباب للخلع ممكن تقول اخاف الا اقيم حد من حدود الله هل الكلام ده صح