تلفزيون توشيبا العربى 14 بوصه

[علاء الصعيدى]

لسلام وعليكم لو سمحتم انا عندى مشكله فى التليفزيون توشيبا 14 بوصه بقاله عندى ثلاثه سنوات ورحت عند واحد بتاع صيانه قال لى الشاسيه كله عاوز يتغير المهم قولت له الشاسيه ده عامل كم من الفلوس قال 170 جنيه ويكون التلفزيون احسن من الاول قولت له الشاسيه ده نوعه ايه قال صينى وانا مش عارف اعمل ايه ارجو المساعده وشكرا ؟؟؟ patch_lov-

[مهندس محمودعبدالحميد]

من الافضل يا غالى انك تاخد الجهاز وتروح بيه لفنى ماهر يكون عنده ضمير ويا ريت لو تقدر توضح مشكله جهازك وباذن الله الاخوه المشرفين واعضاء القسم هيتابعوا معاك فيه

[طه سعيد]

اخى الغالى اتصل بخدمه توشيبا العربى ومدام التلفزيون بقاله 3سنوات فقط
يبقى لسه فى الضمان لان الضمان 5 سنوات وهما يقومو بالازم
شركة العربى من الشركات المحترمه بمصر

[يارب اوعدنا بالجنه]

اخوك وائل اعمل فى توكيل توشيبا وتحت امرك ومن الافضل تصليح الجهاز وليس تغير الشاسيه لو تحب اجى لك واصلحهولك اوك ويريت لو تكتب العطل الى بتشتكى منه فى الجهاز

[مهندس محمودعبدالحميد]

شركة العربى من الشركات المحترمه بمصر

شكرا يا غالى على ثقتك العاليه فى الشركه وبالفعل كلامك مظبوط

[ابوتقى 20]

شكرا اخوانى الكرام على المتابعة الجادة

[علاء الصعيدى]

ياجماعه التلفزيون ده وقع من على المكتب وهو كان شغال المهم الشاسيه اتكسر وروحت صلحته عند واحد وقالى قيه شغل كتير سيبه اسبوع المهم رحت بعد اسبوع لقيته صلحه واخذ 80 جنيها قال لى اهم شى ان الشاشه سليمه المهم الكلام ده من ثلاثة شهور فجأة الجهاز فصل كهرباء ورحت للراجل الى قولت لكم عليه ده قال لى عاوز دائره كهرباء قولت له ماشى اتكل على الله وصلحه المهم رحت له بعد يومين قالى انا ركبت للجهاز دائره الكهرباء ب 37 والجهاز مشتغلش قولت له المطلوب قال الشاسيه كله عاوز يتغير ويكون احسن من الاول المهم قولت له يومين وهرد عليك ان تشتغل فيه ام لاء واتصلت بيه بعد يومين قال لى ابعت فلوس عشان اشترى الشاسيه قولت له كم قال 170 جنيه والشاسيه ده قال انه صينى انا استغربت انه صينى وب 170 جنيه ارجو الافاده من الاخوه المختصين ولكم جزيل الشكر ؟؟؟

[مهندس محمودعبدالحميد]

بص يا غالى طالما الشاسيه حصل فيه كل دا يبقى ركب شاسيه صينى افضل ما ترمى التليفزيون بس هو الاختلاف فى السعر لانى انا عن نفسى بركبه ب120 جنيه وطبعا فيه ناس هتستغرب من كلامى وانت حر فى الاخر

[طه سعيد]

لانى انا عن نفسى بركبه ب120 جنيه وطبعا فيه ناس هتستغرب من كلامى

البشمهندس محمود / السلام عليكم ورحمه الله وبركاته
كل عام وانت بخير اولاً .
حضرتك بتقول انا بركب الشاشيه بمبلغ 120 جنيه
مكن أعرف من حضرتك فى الاصل تمن الشاشيه كام
لان أقل شاشيه انا بشتريه من جنرال ب120 جنيه
تمنه بس ولسه فاضل قيمه تركيبه .
وهذا للعلم فقط

[علاء الصعيدى]

شكرآ على الاهتمام جزاكم الله خيرآ

[مهندس محمودعبدالحميد]

البشمهندس محمود / السلام عليكم ورحمه الله وبركاته
كل عام وانت بخير اولاً .
تمنه بس ولسه فاضل قيمه تركيبه .
وهذا للعلم فقط

وعليكم السلام اخى طه وكل عام وانت بالف خير يا غالى
اما بخصوص تمن الشاسيه فانا ببيعه قطاعى فى المحل عندى ب115 جنيه وطبعا هو اقل فى السعر ومش مهم اقول جملته كام على العموم خلاصه الكلام انا باخد 20 جنيه او اكتر تركيب للشاسيه من داخل الرقم الاصلى 120 وفوق كل دا باستفاد بالشاسيه القديم كتقطيع يعنى ما هو العقل بيقول مش هركب شاسيه لتليفزيون 14 بوصه ب170 جنيه زى حضراتكم ما قلتوا بالرغم من ان التليفزيون جديد 240 جنيه ومستعمل ب150 يا رب تكون وصلت المعلومه

[عبدونبيه]

يعنى ما هو العقل بيقول مش هركب شاسيه لتليفزيون 14 بوصه ب170 جنيه
بدون تعليق

[محمد مجدى]

بدون تعليق

وليه يا غالى بدون تعليق طيب ما تقول رايك بصراحه

[مهندس محمودعبدالحميد]

بدون تعليق

ما هو انا اساسا فى المشاركه قلت فيه ناس مش هتصدق وبس والله العظيم انا بركبه ب120 جنيه ومش محتاج منك انك تعلق على ردى

[طه سعيد]

ما هو انا اساسا فى المشاركه قلت فيه ناس مش هتصدق وبس والله العظيم انا بركبه ب120 جنيه ومش محتاج منك انك تعلق على ردى

حبيبى الغالى بشمهندس/ محمود عبد الحميد .
كل عام ون بخير
ان مصدق حضرتك طبعا لانى مفيش داعى من الاصل انك
تكذب حضرتك بتقول وجهه نظرك لها كل التقدير والاحترام.
انا أقصد ان حضرتك لا داع لذكر أسعار لان كل فنى بيحدد
تمن تعبه ومجهودة على حسب ما قام بعمله .
بمعنى أخر لو زبون اتى بجهاز تلفزيون قاطع بور وكان العيب فى الفيوز
وحضرتك طلبت 10 جنيه وبعد مدة قطع بور وكان العيب فى str
مثلا والزبون راح لفنى أخر وطلب 50 جنيه يقول على الفنى دة حرامى .
مقصدى
ان كل فنى بيقدر شغله بدون مبالغه
يعنى انت بتركب شاشيه ب120 وفى بيركب 150 وفى 170 عادى
الفرق هتلاقيه 50 جنيه على حساب حضرتك ان الشاشيه 120
الاختلاف هنا حسب ظروف التركيب وفنش الفنى فى الجهاز
لكن لما يكون الفرق كبيرمبالغ فيه دة بيرجع لضمير الفنى

[مهندس محمودعبدالحميد]

حبيبى الغالى بشمهندس/ محمود عبد الحميد .
كل عام ون بخير
ان مصدق حضرتك طبعا لانى مفيش داعى من الاصل انك
تكذب حضرتك بتقول وجهه نظرك لها كل التقدير والاحترام.
انا أقصد ان حضرتك لا داع لذكر أسعار لان كل فنى بيحدد
تمن تعبه ومجهودة على حسب ما قام بعمله .


وانت بالف خير اخى طه بس حضرتك انا قصدى ان تليفزيون 14 بوصه لا يصلح له تركيب شاسيه بهذا المبلغ الزهيد اما التليفزيونات من 20 بوصه وطالع فعلى الفنى ان ياخذ ما يريد ولكن بما يرضى الله عز وجل فهذا ما قصدته من ذكر تمن تركيب الشاسيه والبعدين يا اخى طه انا بجيب الشاسيه رخيص جدا وللعلم شاسيه كويس وله ضمان ايضا لانى فاتح محل قطع غيار

[عبدونبيه]

مهندس محمود عبدالحميد
انا عندما علقت بلا تعليق
لم اقصد الاساءه لشخصكم الكريم
ولاكن احتجاجا على ذكر الاسعار
لان كما قال الاخوه الزملاء
ان التكلفه دى ترجع على حسب تعب الفنى
بمى يرضى الله ولنفترض مثلا انى صرفت
على الشاسيه القديم مثلا30جنيه+الوقت ولم يعمل
ولازم يتغير الشاسيه هغيره بكام..........
تقبل تحياتى وكل سنه وانت طيب

[علاء الصعيدى]

الاخوه الافاضل انا اخذت التليفزيون من عند الراجل الى قال الشاسيه ب 170 جنيه ورحت لرجل تانى معاه توكيل توشيبا وعرضت عليه التليفزيون قال محتاج شاسيه قلت له بكم الشاسيه قال 225 جنيه قولت له نوعه ايه قال اصلى مثل الى فيه وانا مش عارف كلامه صح ام لاء وفعلآ فى شاسيه اصلى مثل الى فى التليفزيون وفعلآ 225 جنيه ارجو الافاده من الاخوه الزملاء ولكم جزيل الشكر ؟؟؟

[يارب اوعدنا بالجنه]

اسمع لو هو فلعن هيركب لك شاسيه زى الى فيه توشيبا يعنى الاصلى يبقا المفروض عشان تتاكد من كلامه انو الريموت الى هيدهولك مع التلفزيون لم يغيرله شاسيه يكون ريموت توشيبا مش اى رموات تانى والرموت بتاع جهازك الاصلى يشتغل عليه كمان غير كده يبقا هو ركبلك صينى واوع يشغلك التلفزيون وتشوف بيكتب فى الشاشه توشيبا وتقوال ايون دا توشيبا لاء لزم رموت توشيبا بس

[مهندس محمودعبدالحميد]

اسمع لو هو فلعن هيركب لك شاسيه زى الى فيه توشيبا يعنى الاصلى يبقا المفروض عشان تتاكد من كلامه انو الريموت الى هيدهولك مع التلفزيون لم يغيرله شاسيه يكون ريموت توشيبا مش اى رموات تانى والرموت بتاع جهازك الاصلى يشتغل عليه كمان غير كده يبقا هو ركبلك صينى واوع يشغلك التلفزيون وتشوف بيكتب فى الشاشه توشيبا وتقوال ايون دا توشيبا لاء لزم رموت توشيبا بس
تمام يا غالى تسلم ايدك وتسلم على ردك ولكن الجهاز 14 بوصه وحرام يدفع 225 جنيه في الشاسيه ويا عالم حاله الشاسيه عامله ازاى