dm800hdse وهارد ديسك

[ashraf_z]

ارجو من الاخوة المحترفين شرح كيفية تركيب هارد داخلى للدريم
وهل يوجد نوع معين يصلح او سعة محددةpatch_lov-

[mostafa]

الادوات المطلوبة

هاردسك ساتا 2.5 (هارد دسك اللاب توب )
طبعا اي حجم تفضله 250-320 -500 جيجا حتي 2 تيرا

مسامير ( غالبا تجي مع الهاردسك ) ، مفك ، اسلاك الهاردسك بتيجي مع الرسيفر ( لونه احمر ).

طريقة التركيب

اولا : حاجة نفك المسامير الخارجية لهيكل الدريم ( المسامير السوداء فقط ) اثنين جانبية وواثنين في الخلف

ثانيا : نفك الهيكل بالسحب من الامام الى الخلف

بعد كده نشوف مكان الهاردسك واضح وليه القاعدة بتاعته

وبعد كده نفك قاعدة الهاردسك عن طريق المسمارين الي في الجنب

وبعدين نركب الهاردسك على القاعدة ، ولا ننسى نركب الكيبل بالهاردسك

نثبت الهاردسك بالقاعدة عن طريق المسامير ( المسامير تجي مع الهاردسك )

ولو عايز تركب الاربع مسامير مفيش مشكلة

بعد كده نرجع القاعدة في مكانها بالرسيفر

ونرجع نثبت القاعدة بالمسمارين الي بالجنب

بعد كده نفصل سلك الساتا الموصل بالرسيفر عشان نوصله مكان الكابل بتاع الرسيفر

وبعدين نوصل كابل الهاردسك بتاع الداتا وكابل الباور اللي جنبه علي طول على القاعدة
الالكترونية للرسيفر

وفي الاخر نرجع الهيكل بنفس الطريقة اللي فكناه بيها

ملاحظة اخيرة مهمة : بعد ما تركب الهاردسك لازم تعمل فورمات للهاردسك من نفس الرسيفر .

طريقة عمل الفورمات بالنسبة للهاردسك بالنسبة لصورة الجيمني :

1- الضغط على الزر الازرق بالرموت
2- Devices Manager
3- تظهر لك معلومات الهاردسك نضغط الزر الاخضر بالريموت
4- هيجيك تحذير ان كل المعلومات ستحذف اضغط على موافق وسيبه لثواني هيتفرمت وتقدر تبدأ التسجيل على الهاردسك

طريقة بدء التسجيل من اي قناة :

1- الضغط على زر اوك
2- الضغط على الزر الاحمر من الريموت
3- اختر احد طرق التسجيل الي تفضلها

[عابدين جمعة]

لو بالصور هايكون افضل

[saber_kh2001]

لو بالصور هايكون افضل
موضوع جيد
لو ممكن صور للتوضيح او فيديو لتعم الفائده
وشكرا للاستاذ مصطفى

[ashraf_z]

شكرا جزيلا يا استاذ مصطفى على الشرح الوافى واضم صوتى الى الاخوة الاعضاء بوجود صور او فيديو للتوضيح اكثر