تسجيل الدخول

مشاهدة النسخة كاملة : دائرة باور الصينى المتوافرة فى الاسواق

خالدعصر
2012/07/30, 12:29 AM
الدائرة بكرتونة خضره ومخرجة خط 3.3v خمسة فولت وركبتها للجهاز الجهاز نوعة ستار وان الصينى معالج ali الصينى القديم لان دائرة الباور بتاعت الجهاز الدريفر بتاعها عطلان ومش لاقى دريفر بنفس الارجول ولا الحجم الجهاز اشتغل تمام بس البروسيسور بيسخن لان الفولت عالى علية

ارجو الحل هل بأمكانى ان اخفض الفولت الذائد من الدائرة ولا ممكن اركب مبردة على البروسيسور ارجو افادتى

وياريت لو ينفع اقلل الفولت الخارج من الخط ده ياريت الشرح والتوضيح كيفية التنقيص
خالدعصر
2012/07/30, 02:41 AM
على العموم انا ركبت مبردة كبيرة من الالمنيوم والجهاز شغال تمام بس لو فية مشكلة على البروسيسور ممكن تحصل ارجو الافادة
مهندس محمودعبدالحميد
2012/07/30, 04:19 AM
على العموم انا ركبت مبردة كبيرة من الالمنيوم والجهاز شغال تمام بس لو فية مشكلة على البروسيسور ممكن تحصل ارجو الافادة

طبعا يا غالى فيه مشكله هتحصل من زياده الفولت ويجب عليك ظبط الفولت وهذا عن طريق تقليله بمقاومه او ريجوليتر او عدد 2 سليكون وتوصلهم على التوالى على الخط المراد تقليل الفولت عليه
خالدعصر
2012/07/30, 04:27 AM
طيب ياهندسة معلش وضحلى اركب مقاومة الوانها اية يعنى كام ولو السلكون اركبة رقم كام وعلى التوالى يعنى اللحم رجل السلكون الاول الموجب فى طرف الباور الرئيس والارضى اللحمة فى الاخر من الطرف الارضى والطرف الموجب التانى اللحمة فى السلك اللى رايح للبردة
مهندس محمودعبدالحميد
2012/07/30, 04:32 AM
بص يا عم خاد مفيش ضرر من انك تركب اى مقاومه مش شرط الوانها ولكن الشرط ان الفولت يطلع معاك مظبوط اما بخصوص السليكون اللى هيوصل على التوالى نفس 2 سليكون اللى بنركبهم بدل الريجوليتر بتاع الهيروشيما والكامكس ولو الفولت عالى سنه ركب كمان سليكون حتى يظبط معاك
خالدعصر
2012/07/30, 04:36 AM
بخصوص السليكون اللى هيوصل على التوالى نفس 2 سليكون اللى بنركبهم بدل الريجوليتر بتاع الهيروشيما والكامكس ولو الفولت عالى سنه ركب كمان سليكون حتى يظبط معاك

معلش وطحلى ارقامهم

وازاى اركب الطرف الموجب والسالب من الباور للبردة

علشان انا مركبتش قبل كده السلكون فى الهيورشيما ولا الكيوماكس بديل الرجليوتر

وبالنسبة للمقاومة بتقلل فى الفولت يعنى

اسف تعبتك معاى
مهندس محمودعبدالحميد
2012/07/30, 04:41 AM
بص يا غالى السليكون هيبقى واحد امبير وتوصيله هيبقى الارضى فى الكهربا وهكذا وهتخلى الارضى طبعا فى بدايه الفولت المراد تقليله وطبعا الكهربا دا هيبقى مكان خروج الفولت
خالدعصر
2012/07/30, 04:48 AM
واحد امبير بيكون رقمة herl05 او herl07 اوherl08

معلش على الصداع اللى انا عاملهولك
مهندس محمودعبدالحميد
2012/07/30, 05:03 AM
معلش على الصداع اللى انا عاملهولك

بقى يعنى يا خالد مش عارف السليكون الواحد امبير دا اللى بيبقى راكب فى اول دائره البور اللى قبل المكثف الكبير على الله تفهم يا عم خالد وعلى فكره ميهمكش من الصداع وانا معاك للنهايه يا غالى
خالدعصر
2012/07/30, 05:06 AM
اصل انا بقالى سنة بدور على طريقة اعرف بيها قيمة السلكون كام امبير من الكتابه اللى بتكون علية مش لاقى

بس ربنا يخليك لينا انت احسن دليل ياهندسة
محروس خميس
2012/07/30, 05:26 AM
ما يلفظ من قول إلا لديه رقيب عتيد
مهندس محمودعبدالحميد
2012/07/30, 05:26 AM
بس ربنا يخليك لينا انت احسن دليل ياهندسة

السليكون يا خالد بيتعرف من شكله ومن الكتابه اللى عليه وطبعا من المحل اللى بتشترى منه وتكون واثق فيه وعلى العموم مش هتفرق معاك انك تعرف قيمه السليكون لانى انا شخصيا بركب السليكون بالاحجام والسليكونات اللى فى اول دائره البور بتبقى 1 امبير اما سليكونات خرج الشوبر فى منها نوعين واحد غليظ والتانى رفيع بمعنى وسط يعنى الغليظ دا 3 امبير والوسط دا 2 امبير وبعد كدا طابق عليهم اللى هتشتريه جديد
مهندس محمودعبدالحميد
2012/07/30, 05:27 AM
ما يلفظ من قول إلا لديه رقيب عتيد

لا حول ولا قوه الا بالله العلى العظيم
هو حصل ايه يا اخى هوا فيه حد غلط ولا حاجه ولا انت بترد وخلاص
خالدعصر
2012/07/30, 05:34 AM
ركبت مقاومة اللونها

ذهبى
اصفر
اسود بنى
100 كيلو طربتها على برنامج عندى

ياريت تكتبلى اللوان وحدة ترفع الفولت شوية
خلت الفولت 2.2v

وطبعا الجهاز مش شغال

ممكن اركب وحدة اللونها اية علشان تديلى 3.3v
مهندس محمودعبدالحميد
2012/07/30, 05:38 AM
يا خالد المقاومه اللى هتركبها مش هتزيد عن 200 اووم اما اللى انت ركبتها دى قيمتها 10 كيلو وهتعدم معاك الفولت خالص ومن الاحسن تركب السليكونات وهى تخف معاك الفولت
وكدا بقى هقولك تصبح على خير ونكمل غدا ان شاء الله لانى بجد تعبان وعايز انام
خالدعصر
2012/07/30, 05:41 AM
وكدا بقى هقولك تصبح على خير ونكمل غدا ان شاء الله لانى بجد تعبان وعايز انام

وحضرتك بالف مليون خير وصحة وسعادة
خالدعصر
2012/07/30, 06:38 AM
الحمد لله ياهندسة تم تركيب عدد 1 سلكون 1امبير والفولت بقى زى العسل 3v
والبروسيسور عاد الى السخنية بتاعتة الطبيعية

بس ترنزوستور الاشارة انا حاسس انة ساخن شوية

ممكن اركب على خط 24 سلكون ولا مش مهم عادى مش هيضر حاجة
هو راكب علية مبردة

اية رايك ياهندسة اعمل اية

وعلى كل حال الجهاز شغال بقالو ساعة دلوقتى زى العسل

الحمد لله والفضل يرجع ليك ياباشا
مهندس محمودعبدالحميد
2012/08/02, 04:07 AM
بس ترنزوستور الاشارة انا حاسس انة ساخن شوية
ممكن اركب على خط 24 سلكون ولا مش مهم عادى مش هيضر حاجة
هو راكب علية مبردة


مش كل حاجه يا خالد تركب ليها سليكون وعلى العموم ترانزوستر الاشاره لازم يسخن ومتخافش
مهندس محمودعبدالحميد
2012/08/02, 04:08 AM
وعلى كل حال الجهاز شغال بقالو ساعة دلوقتى زى العسل
الحمد لله والفضل يرجع ليك ياباشا

الف مبروك عوده جهازك للعمل يا خالد والف شكر لتبليغك بازاله العطل