فين السليكون فى الصورة دى

[المهندس / محمد هشام]

هذه صورة لحل مشكلة أرجو الاهتمام فى توضيح السليكون
اين يوجد والمربع بيشاور على دايود واللى جنبه من اليمين مقاومه كربونيه فين السليكون رجاء الاهتمام

http://www.masrawysat.com/vb/attachment.php?attachmentid=184955&stc=1&d=1344488725

الرسيفر بيعطى لمبه حمرا خفيفه لحد مايفصل قيست الدائرة كلها 100% فى % كان فيها قطع بالاسفل وظبطه والفيوز مش شغال عملتله كوبرى وقيست كل الدايودات كانت تمام والمكثف الكبير سليم لايوجد به ترسيب او ترشيح او فرقعه ومازالت المشكلة كما هى ولما بحثت عن حل وجدت هذه الصورة ياريت تفيدونى الله يباركلكم

[nor25]

الدايود هو السيلكون والمقصود من الصورة هو تغيير ال2 دايود الموجودين داخل المربع

[جباره]

كلام مظبوط

[م/محمود العطفى]

الله ينور لحسن المتابعه

[مهندس محمودعبدالحميد]

تمام اخوانى وبالفعل هذه الدائره لابد من تغيير 2 سليكون بحجم اعلى فى الامبير

[المهندس / محمد هشام]

الف الف شكر يارجاله ربنا يبارك فيكم على ردودكم الطيبه
بس انا غيرت الدايودين لاتعمل ثم غيرت المكثف 1000/10 بمكثف 1000/16
لاتعمل رجعت المكثف القديم لاتعمل فما الحل أرجوكم المساعده حتى استطيع اصلاح الدائرة
patch_lov-patch_lov-patch_lov-

[مهندس محمودعبدالحميد]

تاكد يا غالى مره اخرى من السليكونات وتاكد ايضا من تركيبهم فى الاتجاه الصحيح

[المهندس / محمد هشام]

والله متركبين صح وقيستهم قبل ما اركبهم سلام وتمام مش قادر اكتشف العيب من ايه

[montaserbono]

ركب دايره بور اخرى وجرب للتاكد

[مهندس محمودعبدالحميد]

ركب دايره بور اخرى وجرب للتاكد

تمام يا غالى ويجب تجربه دائره اخرى لحصر المشكله

[المهندس / محمد هشام]

ماشى يارجاله هو ده اللى حصل بالفعل اشتريت دائرة جديده وركبتها واشتغل زى الفل وسلمته للعميل بعدها بساعتين
أفاجىء
تعالى خد الرسيفر باظ تانى بصراحه كنت متدايق جدا النهارده جبته
وقست الدايودات بس لاقيت 6 دايودات بايظين
إيه رأيكم أغيرهم ولا أجبله دائرة تانيه وهل ياترى هتضرب على طول ولا إيه الحل عشان أنا جبت أخرى ياريت تفيدونى يارجاله

[مهندس محمودعبدالحميد]

يعنى ايه 6 دايوتات بايظين يا غالى ويا ترى هما قبل الشوبر ولا بعده يا ريت التوضيح اكتر

[المهندس / محمد هشام]

يعنى ايه 6 دايوتات بايظين يا غالى ويا ترى هما قبل الشوبر ولا بعده يا ريت التوضيح اكتر
6 دايودات بايظين لما قستهم على الدايرة على وضع البزر بيدونى صفارة من الجنبين وبتبديل دراع الافوميتر وحضرتك تقصد ايه بالشوبر علشان الاسم جديد بالنسبالى وعلى فكره انا لسه قايسهم يعنى بعد كل اللى حصل ده

[abwotota]

احيانا يكون الجهل بالشئ افضل من معرفته
ومن لا يعرف يعنى ايه سليكون ويعنى ايه دايود
من الافضل الذهاب الى مركز صيانه

يرحمكم الله

[مهندس محمودعبدالحميد]

احيانا يكون الجهل بالشئ افضل من معرفته
ومن لا يعرف يعنى ايه سليكون ويعنى ايه دايود
من الافضل الذهاب الى مركز صيانه

يرحمكم الله

واحيانا اخى الكريم لابد من الرد باسلوب افضل من ذلك لاننا متخلقناش مهندسين ومش عيب ان الواحد يسال ويستشير ويعرف

[المهندس / محمد هشام]

احيانا يكون الجهل بالشئ افضل من معرفته
ومن لا يعرف يعنى ايه سليكون ويعنى ايه دايود
من الافضل الذهاب الى مركز صيانه

يرحمكم الله

ولما إنت فتك فى الصيانه أوى ومقطع نفسك هارد وير ماتقولنا يعم الفتك ايه حل المشكلة دى ولا هيا طولة لسان وخلاص وانت اصلا لو بتفهم كنت عرفت انى مش بسأل على السليكون انا بسأل على حل المشكلة اللى فى دائرة الباور بقال 3 ايام فى مشكلة فى دائرة باور مش عارفين نوصل لحل والناس كتر خيرها اللى ردو عليا الاستاذ محمود وباقى الاعضاء ربنا يكرمكهم
بيحاولوا يساعدونى لكن هى دى إرادة ربنا لحد مايحلها حلال مش ناقصاك انت كمان يعنى لا حليت المشكلة ولا قلت كلمة حلوة قل خيرا او اصمت
وان تكرر ذلك منك ستعرض نفسك للايقاف

[خالدعصر]

ياغالى بالنسبة للدائرة اللىحضرتك بتقول ان فيها 6 سلكونات بايظين

سلكونات التوحيد اللى عند الفيوز والمكثف الكبير ياغالى قيسهم وهم فى الباور

اما باقين السلكونات لازم تنزعهم من الباور لقياسهم

بس لو الباور فاصل خالص قيس سلكونات التوحيد وغير التالف اللى فيهم

واكشف على الفيوز

وشوف ايسى الباور اذا كان معطوب غيرة

لازم ياغالى الدقة والتئنى فى الموضيع دى علشان تطلع فى الاخر بنتيجة

ومن الافضل ياغالى ان تصلح دائرة الجهاز الاصلية افضل من الصينى الجديد

تحياتى لك ومتابع معاك

[shakerabood]

الله ينور عليكم على الرد والمتابعة فعلا لو السيلكونات قبل الشوبر ( اللى يشبه الترنس) لكن حجمه أصغر هما اللى ضاربين يبقى لازم الفيوز يضرب وبالتالى المشكلة فى المرحلة الاولى من دائرة البور مرحلة الدخل يعنى وتنحصر فى أيسى الدائرة والمكونات المتصلة بها أما لو السيلكونات اللى فى الخروج اللى ضاربين يبقى المشكلة فى بوردة الريسيفر وتقبل تحياتى

[خالدعصر]

الله ينور عليكم على الرد والمتابعة فعلا لو السيلكونات قبل الشوبر ( اللى يشبه الترنس) لكن حجمه أصغر هما اللى ضاربين يبقى لازم الفيوز يضرب وبالتالى المشكلة فى المرحلة الاولى من دائرة البور مرحلة الدخل يعنى وتنحصر فى أيسى الدائرة والمكونات المتصلة بها أما لو السيلكونات اللى فى الخروج اللى ضاربين يبقى المشكلة فى بوردة الريسيفر وتقبل تحياتى

الله ينور عليك ياغالى

[المهندس / محمد هشام]

والله الف الف شكر على ردودكم الطيبة ربنا يبارك فيكم بالنسبه للدائرة القديمه ركنتها واشتريت جديده واشتغل وبعد ساعه فصل الرسيفر عند العميل
ولما قست الدايودات اللى هيا الحاجه الوحيده هى والفيوز اللى بعرف اقيسهم ومش قوى كمان وجدت 6 دايودات بعد الشوبر كما قلتم كانوا تالفين ركنت الدايره الجديده وركبت القديمه ورجعت الرسيفر ودفعت الفرق واخدت واحد بداله
اصلى التاجر واحد صاحبى لو حد غيره لو عملت ايه ماكانش رجعه لكن الحمد لله اتسترت بس كان نفسى اعرف حل المشكله بس على فكره روحت لصنايعى اخر قالى هى الدوائر دى فيها مشاكل والامبير الخاص بها ضعيف
شكراً وخالص تحياتى وتقديرى واعتزازى بيكم يارجاله الف شكر