فيه حد من طنطا هنا

[hamada_mohamed]

السلام عليكم

ممكن حد يقولى اذا كان فيه اطباق 180 بتتباع فى طنطا ولا لا..و لو بتتباع هناك..حد يقولى اسم المنطقة بالظبط الى بيتباع فيها..مش عايز اسم محل بعينه

بس ياريت الى متأكد انه بيتباع يقولى عشان ما اروحش مشوار على الفاضى

عشان المحلات الى فى كفر الشيخ..ماطلعتش تمام..و انا عايز اجيب الطبق على عربية بنفسى...

[محمود البندراوى]

انت هتروح شارع ******فى طنطا فى اى حاجه بخصوص الدش انت عايزه وفى اطباق لحد 240 وسعرهم كويس انا من طنطا واى خدمه انا تحت امرك

[hamada_mohamed]

الله يكرمك...بس انت متأكد ان الحاجة موجودة اليومين دول ولا لا...و ااجر عربية منين فى طنطا؟؟ و ماتعرفش هتكون بكام او اى معلومات عن الاسعار ..اصل انا اعرف اسعار القاهرة و اسكندرية..معرفش اى حاجة عن طنطا ...انا من كفر الشيخ.... معلش لو كنت زودتها عليك

[eslamkapo]

شارع سعد الدين

[hamada_mohamed]

هو المشرف ابو منة ..حذف اسم الشارع ليه..هو ده فيه مخالفة للقوانين ؟؟؟

[محمود البندراوى]

شوف يا استاذ احمد اولا انت هتنزل طنطا وبعدين هتسال على شارع سعد الدين تمام هتنزل تجيب الحاجه اللى انت عايزها وكله موجود انا كونت هناك من تلات تيام اما الاسعار على ما اعتقد هيكون اللى 180 ممكن يعمل 300 جينه والافضل ان يكون نوعه بريفكس وعموما انا هسال على الاسعار بكره وهقولك وانا تحت امرك وبلاش كلمة زودتها لان انت على راسى من فوق وانا تحت امرك فى اى شئ وانا فعلا مش عارف ابو منه حذف اسم الشارع ليه لو ده مخالف للقوانين يبق اسف لانى ما كونتش اعرف

[hamada_mohamed]

الف شكر ليك و الله...المشكلة انى كنت موصى واحد هنا يجيبهولى بالطلب و قالى هجيبهولك قبل العيد و مش عارف ايه يوم الجمعة الى هيا امبارح و جيت اتصل بيه اساله عن الطبق بيقولى انه سافر و لقى المحلات قافلة...طبعا كلام مايدخلش عقل عيل صغير..و انا من ساعتها و انا دمى محروق لانى كنت مسستم نفسى انى اركب الطبق قبل العيد...فا انا كنت عايز اشتريه من طنطا و اجيب عربية من هناك و اجيبه على هنا...بس طبعا حضرتك على ما تروح و تيجى تكتب الاخبار هنا على المنتدى هيكون الوقت اتاخر..فا خلاص بقى هروح بعد العيد او تالت يوم العيد حسب ما هما بيفتحوا ان شاء الله...و انا مش عارف اشكرك ازاى لحد دلوقتى والله

[hamada_mohamed]

هى المحلات فاتحة تالت يوم العيد؟؟؟؟

[محمود البندراوى]

مش عارف هم هيفتحو ولا لا بكره بس الافضل خليك يوم الاربعاء كمان عشان طبعا اول تلات تيام العيد بتبق الشوارع زحمه موت ان شاء الله هتركيبوه وتسمع كمان الكلاسيكو بين برشلونه وريال مدريد يوم الخميس باذن الرحمن

[nashat04]

حبيبى المحلات كثيرة شارع سعد الدين وشارع عبد الحليم من اول تقطع الشارع مع عزيز فهمى لحد شارع سعد الدين

[massodez]

كيوماكس مني h2 القديم موجود في طنطا ؟؟؟؟؟؟؟؟؟؟

[عماد رياض]

انا من طنطا من كفر سليمان بس عايش فى القاهرة والنبى سلملى على كل الى عندك

[م/محمدزيان]

والله ال بيحصل دة مهزلة كبيرة ولابد من تدخل المشرفين
اولا الاخ الكريم massodez رفع موضوع قديم بقالة اكتر من سنة
والاخ التانى عماد رياض بيهزر
نفسى نقلب المنتدى من فضائى لفكاهى
وشكرا للمشرفين الكرام على الاعتناء بالمنتدى