ممكن شرح بسيط من مشرفينا الكرام

[هانى توحيد]

استاذ محمد سمير انا عايز اتاكد انك فهمتنى انا عايز اية

[م / سمير محمد]

ياغالى ما انا شرحت لك الطريقة فى المشاركة بالاعلى
فسيبك خالص من السلوك المقطوعة انا بقولك الطرف التانى من جنب وصلة الاوديو والفيديو مع الطرف رقم 2 فى وصلة التحديث
والطرف التالت من جنب وصلة الاوديو والفيديو مع الطرف التالت من وصلة التحديث
اما الطرف الرابع ودة طبعا الاول بجوار المدخل التانى لسلك الاشارة ودة اللى مش بنركب فية السلك دة هو الارضى مع رقم 5 من وصلة التحديث
والله ياغالى انا عامل وصلات تحديث للريسفرات الرخمة خالص منها سانيو سات 1050 كوم التحديث 4 بن صغيرين وكمان ترومان 250 وهيلوتك 2000 وكل دة بايدى شخصيا حتى اسال جاد وهو يقولك

[م \ محمد حمادة]

بص ياغالى انت عندك 4 اطراف فى بوردة الريسيفر هنبدا بالطرف الاول الموجود بجوار وصلة الاوديو والفيديو ودة ليس له اهمية
الطرف رقم 2 مع الطرف رقم 2 فى وصلة التحديث
الطرف رقم 3 مع الطرف رقم 3 فى وصلة التحديث
الطرف رقم 4 مع الطرف رقم 5 فى وصلة التحديث والطرف دة هو الارضى
وعلى فكرة انا شغال على كدة
واى استفسار تحت امرك

patch_lov-patch_lov-

[هانى توحيد]

اوك بس انا عملت كدة الجهاز محسش باللودر خالص

[هانى توحيد]

بس الاربع فرد اللى خارجين من البوردة كان منهم واحد ملحوم بجسم السوكت

[هانى توحيد]

حاولت معاه كتير اخى ولم يحس الجهاز باللودر

[م / سمير محمد]

بس الاربع فرد اللى خارجين من البوردة كان منهم واحد ملحوم بجسم السوكت

تمام كدة هو دة الارضى بيتوصل بالطرف رقم 5 فى كابل التحديث

[هانى توحيد]

بس دة انا فاكر كان اول سلك من جنب الاوديو والفيديو

[هانى توحيد]

طيب وال 3 اطراف الاخرين هيوصلو ولا اثنين بس وازاى

[م / سمير محمد]

بس دة انا فاكر كان اول سلك من جنب الاوديو والفيديو
تمام كدة
طيب وال 3 اطراف الاخرين هيوصلو ولا اثنين بس وازاى
فية طرف منهم ملغى وليس لة اهمية وهو الطرف الرابع
يبقى كدة اول طرف اللى انت قلت علية جنب الاوديو والفيديو
والطرف التانى دة مع الطرف التالت من كابل التحديث
والطرف التالت مع الطرف التانى من كابل التحديث
والطرف الرابع ملغى كما قلت
ولو ما اشتغلتش يبقى هتبدل الطرف التانى والتالت مع بعض
واعذرنى لو متابعتش معاك لانى امر بظروف فى الوقت الحالى

[هانى توحيد]

شكرا ليك استاذ سمير وهشوف كدة

[هانى توحيد]

استاذ سمير كنت عايز اعرف انت فاتح فى العياط ولا فى طهما عشان محتاج وصلة الترومان 250 والاونو وقلت لجاد يعملهالى وكل ما بروحله يقولى مش فاضى فياريت تعملهالى انت قلى بس على مكانك فين وهجيلك

[م / سمير محمد]

انا فاتح فى طهما

[هانى توحيد]

مستر سالم ممكن متابعة موضوعى دة ممكن يكون عندك الحل

[م / سمير محمد]

ياغالى والله انا شرحت لك الطريقة تمام بس انت ركز وكلة هيبقى تمام

[مســــتر_ســــالــم]

ممكن حد يشرحلى السوكت الانثى فى الصينى كل طرف خارج من الجهاز بيقابله طرف رقم كام فى وصلة التحديث


يا غالى الوصلة كبل الانثى لاى ريسفر صينى
هى الوصلة العدلة وانا شغاااال بيها
وعمل الوصلة كاالاتى
هو انك توصل كل طرف ما يقابلها فى الطرف الثانى
بمعنى ان
1- 1
2-2
3-3
4-4
5-5
6-6
7-7
8-8
9-9
وبكدا هذا الوصلة تصلح لاى ريسفر السوكت بتاعة يكون ذكر
وينفع كمان انك تعملها موصل من الكوم لاى وصلة تانية
واخيرا نتمنا ليكم كل خير

[احمد جمعة على]

معلش ياجماعة انا هضيف بس حاجة صغيرة جدا انا شغال بيها تمام الاستاذ صاحب الموضوع هتجيب 3قطع سلوك بطول اصبع اليد وهتدخل طرف اول قطعة من السلك برقم 2 من كابل السوفت والطرف الثانى من القطعة برقم2 بالجهاز وطرف القطعة الثانية فى رقم3 بالسوكت والطرف الثانى من القطعة برقم3 بالجهاز وهكذا رقم5 ودى انا شغال بيها الف الالف وحاجة كمان سهلة جدا تجيب كابل سوفت جديد وتقطع سوكت منة وتبين من الطرف 2-3-5وتغطى كل سلك منهم بطبقة بسيطة من القصدير علشان ميشعروش منك وانت بتوصلهم بالجهاز ودا هيفضل عندك ارجو ان اكون وفقت فى الشرح

[هانى توحيد]

استاذ سمير محمد كدا شرح مستر سالم مختلف عن شرحك اية الموضوع بالضبط وانا لسة هجرب طريقة مستر سالم وهشوف الناتج

[هانى توحيد]

اخى الغالى مستر سالم كان فيه طرف من الاربعة ملحوم فى جسم السوكت نفسة دة اوصلة برقم كام فى وصلة التحديث

[هانى توحيد]

عملت كل حاجة اخى سمير وبتيجى الرسالة دى ما معناها
http://img839.imageshack.us/img839/3473/26082012112717.png