ممكن ياجماعه حد يفدنى ويقول لى على اكادميه اتعلم فيها الصيانه او

[كريم علاء]

ممكن ياجماعه حد يفدنى ويقول لى على اكادميه اتعلم فيها الصيانه او مركز صيانه يكون كويس مش مهم التكلفه المهم يكون الواحد يتعلم كويس يتعلم صيانة الريسفر ولو ممكن الكمبيوتر يبئا ماشى وبلاش اكادمية سموحه لأن انا فى ناس قالت لى مش حلوه خالص

[عزمى ابوحمادة]

كلمنى على الايميل دة

ممنوع كتابة الايميل وارقام التليفونات ياغالي

الادارة

[مهندس محمودعبدالحميد]

هذا مخالف لقوانين المنتدى

[hredy1222]

يااخوان هو طالب المساعدة فرجاء نمد ايدينا له وهو بيقول مش مهم التكلفه يبدا من الصفر ونحن مستعدين لمساعدته انا شخصيا لدى طالبان فى مدرسه مبارك كول تم تعليمهم وهم الا ن مشهورين يبدا بشراء بعض القطع مثل مفكات وجفت وماص قصدير وهوت اير وقصدير وفلاكس وبعض الاجهزه التالفه ويببدا بالفك والتركيب للقطع لاكتساب هذه المهاره ويقرا كثيرا فى موضوعات الصيانه ونحن نتابع معه ولو قريب من مدينة اسيوط يمكنه المتابعه معنا
مع تحياتى الحاج محروس هريدى

[م/محمود العطفى]

الافضل تعلم مع فنى يا غالى

لان الكلام اللى على الورق ملوش لزمه

لزم تتابع عملى فى ورشه صيانه لاكتساب الخبره

[البرنس 907]

وأنا كمان ياباشمهندس محمود عاوز دورة صيانة يعني عاوز فني على أعلى مستوى ومش مشكلة المادة عندي يعني أنا كويس نوعا ما بس عاوز أكون فني وخاصة في شحن الفلاشات
وعاوز أكلمك واوصل لموبايلك إيه الطريقة مادام الإيميل ممنوع وأرقام التليفونات ممنوعة أنا فاتح محل كمبيوتر ودش بس في بعض الريسيفرات بترجع عطلانة زي ما هي للزبون أنا مش عاوز كده عاوز أي ريسيفر حتى لو صيني وبأقل الأسعار أصلحه لأني باشعر بمتعة وسعادة عند إصلاح الريسيفر أنا أهوى هذه الشغلانة من أيام الأنالوج بس للأسف أنا من الوادي الجديد ومستعد أروح أي مكان لأتعلم الصيانة على أصولها قٌدمت من قبل في أكاديمية سموحة لكن للأسف الدورة شهر ونصف يعني مستحيل أغلق المحل شهر ونصف عاوز أتعلم وياريت على يدك يابشمهندس
والسلام عليكم ورحمة الله وبركاته

[كريم علاء]

طيب انتو كلكم بتتكلمو وخلاص مش حد يقول لى العنوان فين وفين المركز الكويس ده

[مهندس محمودعبدالحميد]

طيب انتو كلكم بتتكلمو وخلاص مش حد يقول لى العنوان فين وفين المركز الكويس ده

رجاء توخى الحذر يا غالى فى ردك لان اسلوبك هذا لا يصح

[م/محمود العطفى]

ممنوع منعا باتا ذكر اى مكان او عنوان او رقم تلفون

فــ هذا مخالف لقوانين المنتدى

وكما قلت مسبقا من ارد التعلم فاليتعلم مع اقرب فنى محترف

وسيبك من الدورات والكلام الفاضى لانه مبيأكلش عيش

بعد اذنكم الموضوع مغلق