ممكن اعرف سعر اشتراك الجزيرة فى مصر

[gemyking]

انا كنت عاوز اعرف سعر اشتراك قنوات الجزيرة الرياضية انا سمعت انها باقتين فى مصر بكام يا جماعة وهل يبقى مع الاشتراك كامة ولا لأ وانا كان عندى كامة كنت مشغل عليها كارت الايىرتى هل ينفع اشغل عليها كارت الجزيرة وانا اصلا عندى جهاز كيوماكس الجولد هل هو فى كامة داخلية تشغل الكارت

[saber3]

الباقه من 1 الى 8 تقريبا 345

والباقه التانيه 9 و10 وقناتين الـ hd تقريبا 320

يعنى كله 640 حاجه زى كده
لأنى مشترك بالفعل بس الوصل ضايع منى
أما الأشتراك العام الماضى كانت الباقه كلها 345
الأساسيه 300 و9 و10 والــ hd 45

[w_202055]

انا مشترك لمدة 9 شهور

من شهرين

700جنية

بس السعر كان غالى بسبب بطولة الالمبيات لندن

بس هى السنة 700

[SSGH_555]

مش فاهم اوي
انا عاوز الجزيرة من 1 الي 10 + قناتين الاتش دي فقط
ولا اريد قنوات esbn و nba و fox
بكام ؟؟؟؟؟؟؟؟؟

[حمو 2010]

الاخ العزيز هذه الايام تغيرة اسعار الجزيرة حيث اصبحت كالاتى 1الى 10 3شهور 185جنيه 6شهور 370و9شهور 555 جنيه والسنة 610 جنيه وهذه العرض لمدة محدودة مع العلم اننى جددت انا كرتى على 185 ثلاثة شهور من 1الى 10

[محمود البندراوى]

السعر من الاخر وانا كونت فى التوكيل قبل العيد بتلات تيام الباقة كلها على بعضها 750 جينه وكده كده لازم تاخد فوكس والقنوات دى لانها مجانيه مع الباقه وده شئ اساسا وده كمان عشان تمن الكارت لانك اكيد مش معاك كارت بعد كده كل سنه هتتدفع 630 جينه للباقه كلها من غير تمن الكارت

[kingegy11]

شكر يارجاله

[SSGH_555]

شكر يارجاله

[حسام الجندي]

متابعة ممتازة من الاعضاء المحترمين

[eslam_egypt]

طيب يا جماعة الاشتراك فين اقرب فرع للجزيرة او اى رقم تليفون للجزيرة فى القاهرة

[data2008]

فى فرع رئيسى فى شارع شبرا
اركب المترو اتجاه شبرا وانزل محطه روض الفرج
واطلع من المحطه واسأل عن مكتب cne بتاع اشتراكات art والجزيره

[محمد منصور محمد]

بارك الله فيك اخى الكريم

[mo7amed ua07]

نصيحة الشيرنج احسن و رخيص

[عماد رياض]

ربنا يخلى لنا الشيرنج بتاع الغلابة

[المهندس / محمد هشام]

اشتركت لصاحبى فى وقت بطولة اليورو اللى فاتت قالى ب825 علشان اول مره هشترك والتجديد كل سنه ب700 ج ومن حسن حظه ان كان هناك عرض دفعت 700ج بدل 825
دى كل الباقه وهى قنوات الجزيرة المشفرة من 1 الى 10 بالاضافه الى 2 قناة اتش دى وعرفت بعد كده ان السعر يقل عن كده فى مصر واسكندريه

[gemyking]

ألف شكر يا جماعة هل للشركة فرع فى المنصورة ولا لازم اسافر مصر ولا اية بالضبط

[عماد رياض]

ألف شكر يا جماعة هل للشركة فرع فى المنصورة ولا لازم اسافر مصر ولا اية بالضبط

يا سيدى الفاضل ما تشترى احسن رسيفر اتش دى وعلية الباقة كاملة فرى ويبقا ضربت عصفورين بحجر بانك اشتريت رسيفر اتش دى ومعاك سنة مجانا للجزيرة و art وباقل من الاشتراك الرسمى

[المهندس / محمد هشام]

ألف شكر يا جماعة هل للشركة فرع فى المنصورة ولا لازم اسافر مصر ولا اية بالضبط

اخى الكريم اشترى رسيفر بسرفر مجانى لمدة سنه مثل بان سات ب360 ج
ويفتح كل قنوات الجزيرة وبيفتح باق art وكمان باقات اخرى على جميع الاقمار واستمتع بكل المشفر ماعدا الشوتايم وال *** دى نصيحه من اخ لأخوه وبعد السنه ماتخلص ممكن تشترك بسرفر مصراوى ب75 ج فى السنه واشترى دماغك دى نصيحه من اخ لأخوه بس بان سات رسيفر عادى مش اتش دى فيه رسيفرات اتش دى زى كيوماكس الجوكر فرجن2 وده اتش دى وجميل جدا وب550 ج من باب اللوق ومن اى مكان ب575 ج وفيه رسيفرات اخرى جميله مثل ستار سات وماتريكس وسترونج وترومان كله اتش دى بس اسعارهم غاليه شويه عن الكيوماكس وبالتوفيق اخى الكريم

[المهندس / محمد هشام]

يا سيدى الفاضل ما تشترى احسن رسيفر اتش دى وعلية الباقة كاملة فرى ويبقا ضربت عصفورين بحجر بانك اشتريت رسيفر اتش دى ومعاك سنة مجانا للجزيرة و art وباقل من الاشتراك الرسمى

عمرك أطول من عمرى ياعمدة

[gemyking]

الصراحة يا جماعة انتم بتتكلموا صح وكل حاجة بس انا زهقت من موضوع ******* المدفوع او المجانى مش مضمون وساعت كتير بيجى ساعة الماتشات المهمة بيقطع واقربها كان امبارح ساعة ماتش برشلونة وجربت كام ***** مدفوع كان فى الاول كوييس وبعدين يبقى مش تمام وهل ******* بتاع المنتدى كويس والجزيرة على النايل مش بتقطع وكدة ساعة الماتشات واخبارها اية