ساعدونى فى باناسونيك

[العفريت كاسيت]

السلام عليكم
جهازى اليوم هو Panasonic موديل NODEL NO. TC-21KS30R صنع فى ماليزيا
العطل هو الجهاز طافى نهائى وعند توصيله بالتيار يعطى ليد احمر لمدة ثوانى فقط
وتجد صرخة بسيطة خلال هذا الثوانى
والخطوات التى عملتها كالتالى
نفخت الجهاز من الأتربه فوجدت بعض المكثفات تالفة وقيمهم 2200/25 و3300/16 و 220ميكرو/160فولت فقمت بتغييرهم ولكن دون جدوى المهم لاتوجد فولتيات خالص بعد الشوبر أرجو سرعة الرد وكل عام وأنتم بخير .

[حمدى البندى]

اخى الغالى طالما مافيش فولتيات بعد الشوبر
عليك بفحص دائرة الباور كويس وتأكد بوجود
300 فولت على المكثف الكبير غير str وتاكد
من جميع المكونات الموجودة بدائرة الباور
وفحص مابعد الشوبر وتأكد من سلامة باور اللاين
ومتابعين معاك
لك تحيتى

[العفريت كاسيت]

أخى العزيز الف شكر على الرد وبالكشف جميع اللى حضرتك وجهتنى اليه تم فعله ولكنى وجدت بفه على cوb ترانزستور اللآين تالفه وعامله شورت ومتفحمة وبياناتها اختفت تماما ارجو قيمتها لأن الجهاز مخرج عليه أكثر من 160 فولت وبور اللآين مفصول وأنا خايف اوصل بور اللآين لكى لا يحترق منى لأن هذا الجهد قد يكون مرتفع وغير طبيعى أرجو قيمتها ورقمها الكودى على الشاسيه =c561
أرجو السرع لو تكرمت

[engineerashraf]

بعد اذن أخى حمدى اخى الفاضل هذه ليست بفه بل هيا مكثف سيراميكى وقيمته 680j- v1600

[مهندس محمودعبدالحميد]

بعد اذن أخى حمدى اخى الفاضل هذه ليست بفه بل هيا مكثف سيراميكى وقيمته 680j- v1600

تمام اخى اشرف ما قلت وبعد اذنك ايضا هى البفه هى نفسها المكثف السيراميكى ودى كلها اقوال ومسميات على حسب الفنى وحسب المكان وكل واحد يسمى براحته هههههههههههههه وكل سنه وانت طيب اخى اشرف

[العفريت كاسيت]

لقد عثرت على رقم هذه البفه وتحمل رقم 182j,2kv ولقد وجدت مثلها بالظبط وركبتها ولكن يا إخوانى الفولت على ترانزستر اللآين =160فولت على شان كده أن مش عاوز أركب ترانزستر اللآين الآن خوفا من تلفه . هل من الممكن أن يكون هذا الجهد دة طبيعى أم لا

[engineerashraf]

تاكد من قياس الفولت أخى الفاضل لأنه لو كان كماذكرت كان مكثف ال 160فولت ضرب الموجود على كليكتور باور اللاين ومع ذلك لايمكن الحكم على الجهد الا بعد التحميل عليه ولكى تتجنب ضرب الباور مره أخرى قم برفع قيمة المكثف السيراميكى أو البفه كماذكرت أنت وعلق عليها أخى الفاضل مهندس محمودالى النسبه التى ذكرتها لك سابقا حت تتأكد من انتظام الفولت لأنه كلما تم رفع قيمتها تؤدى الى خفض الفولت على اللاين ولكنها ستعطى اتساع بسيط من الأجناب من السهل معالجته

[حمدى البندى]

انشاء الله خير ان الاخ العفريت كاسيت
تمكن من وجود البفة التالفة ومنتظرين
ردك بالاصلاح
لكم تحيتى للمتابعة

[العفريت كاسيت]

أعزائى الكرام أفيدونى .هل أركب ترانزستر الآين وأشغل الجهاز أم أن هذا الجهد عالى وممكن يضر بالجهاز ؟ علما بأن الفولت الواصل لبور اللآين =166 فولت

[مهندس محمودعبدالحميد]

يا اخى الفاضل كدا الفولت عالى جدا ولا بد من التاكد من البفه او المكثف السيراميكى الذى ذكرناه ثم التاكد بعد تركيب البفه من البور سواء مظبوط ام لا وان ظل الفولت عالى عليك التاكد من دائره البور

[hasanelawa]

لقد عثرت على رقم هذه البفه وتحمل رقم 182j,2kv ولقد وجدت مثلها بالظبط وركبتها ولكن يا إخوانى الفولت على ترانزستر اللآين =160فولت على شان كده أن مش عاوز أركب ترانزستر اللآين الآن خوفا من تلفه . هل من الممكن أن يكون هذا الجهد دة طبيعى أم لا


الف شكر اخوانى على الرد والمتابعه
اخى الحبيب هل الجهاز الا عندك هى زى الصوره ولا مختلف
http://www.iraqeon.net/uploads/13458375621.jpg (http://www.iraqeon.net/)

لو نفس الشاسى
خروج البور من 90 فولت الى 110 فولت
ومنتظرك لرد والمتابعه
وكل عام وانتم بخير

[الوجيه]

السلام عليكم
تحياتى للجميع
مهندسنا الغالى العفريت كاسيت
هذا الجهاذ اذا كان 21 بوصه تغزيته 140 فولت بحد اقصى 145 فولت
عليك التاكد من سلامه منظم الجهد ic802 ورقمه se140 ,والافضل تغيره بدون قياس هام جدا
وانتبه هذا الجهاذ عند رفع بور اللاين يعطى قرائه عاليه فى الفولت بدون تحميل ركب منظم الجهد وركب بور الاين وشغل واعطينا قرائة الفولت بعد التحميل
والله ولى التوفيق

[العفريت كاسيت]

السلام عليكم
حبيبى تم تغيير منظم الجهد 140فولت وتم تغيير المكثفات فى دايرة البور وهى /160v/10u ,47u/25v ,وتم تغيير المكثفات الأتية بعد التأكد من تلفهم وهم c2200u/16v ,3300u/25v ,10u/250v , 470u/16v ,220u/160v ومازال العطل موجود أرجو المساعدة يا أبورامى أنت والإخوه الأعضاء وكبار الشخصيات.

[مهندس محمودعبدالحميد]

خلاص يا غالى توكل على الله وجرب التليفزيون على السريا وان اشتغل تمام بدون سخونه فى البور او ارتفاع السريا شغل على الكهربا العاديه ولو وجدت ارتفاع فى السريا او سخونه احد مكونات البور فعليك التاكد من خرج البور مره اخرى

[حمدى البندى]

فعلا اخوانى شكرا للمتابعة

[العفريت كاسيت]

حبيبى الجهاز بيشتغل 20ثانيه على السيريا وبعدين بترفع عالى والجهاز بيقفل المهم أنا عاوز أعرف الجهاز ده من المفروض يوصل له كام فولت على باور اللاين؟ أنا خايف يحرق بور اللاين يا أستاذ محمود يا مهندس الصيانه يا صديقى العزيز

[مهندس محمودعبدالحميد]

بص يا غالى شغل الجهاز على الكهربا العاديه طبيعى ولكن اجعل يدك على ترانزوستر اللين وان وجدت سخونه غير طبيعيه عليك بفصل الجهاز بور حتى لا يتلف بور اللين اما اذا كان لا يوجد سخونه فتوكل على الله وشغال الجهاز ومفيش اى مشكله

[العفريت كاسيت]

يابشموهندس الفولت فجأه أصبح 175 فولت إيه رأيك ؟

[العفريت كاسيت]

السلام عليكم
تحياتى للجميع
مهندسنا الغالى العفريت كاسيت
هذا الجهاذ اذا كان 21 بوصه تغزيته 140 فولت بحد اقصى 145 فولت
عليك التاكد من سلامه منظم الجهد ic802 ورقمه se140 ,والافضل تغيره بدون قياس هام جدا
وانتبه هذا الجهاذ عند رفع بور اللاين يعطى قرائه عاليه فى الفولت بدون تحميل ركب منظم الجهد وركب بور الاين وشغل واعطينا قرائة الفولت بعد التحميل
والله ولى التوفيق

احبابى لقد غيرت منظم الجهد ic802=se140 الفولت أصبح 165 فولت ومن المفروض أن يكون 140فولت أرج توضيح ذلك؟

[engineerashraf]

حبيبى الجهاز بيشتغل 20ثانيه على السيريا وبعدين بترفع عالى والجهاز بيقفل المهم أنا عاوز أعرف الجهاز ده من المفروض يوصل له كام فولت على باور اللاين؟ أنا خايف يحرق بور اللاين يا أستاذ محمود يا مهندس الصيانه يا صديقى العزيز

الفولت الطبيعى من 103-110 فولت على الحمل وبيتم التحكم عن طريق المقاومه المتغيره للباور لذا قم بتغييرها وان شاء الله متابعين معاك