ريسيفر سترونج 4620iix بيمسح قنوات كل 10 أو 15 يوم بالكتير

[البرنس 907]

ريسيفر سترونج 4620iix بيمسح قنوات كل 10 أو 15 يوم بالكتير عطيته البوت الخاص بالجهاز وعطيته سوفت المصنع وأحدث سوفت لكن دون جدوى عملها عند الزبون تاني بعد 10 أيام قمت بقياس البور وجدته تمام التمام يعني مافيش مشكلة في البور

[kamal65_65]

أخى الكريم
ارجو اتباع التنبيه الموجود فى المثبتات
عنوان موضوعك يشمل نوع المشكلة
تنبيه مهم جداااااااعلى جميع الاعضاء الدخول قبل عمل اى موضوع جديد (http://www.masrawysat.com/vb/showthread.php?t=531357)
ياغالى عند وجود اى مشكلة بجهازك اطرح موضوع فى القسم الذى يختص بجهازك ولاتعدد وتكررالموضوع ذاته فى قسم الصيانة وموضوعك المثيل هناااااااااااااا (http://www.masrawysat.com/vb/showthread.php?t=626851)
لأنه بالطبع بعد المحاولات فى ازالة المشكلة فى القسم إن لم تأتى بفائدة ومشكلة الجهاز تحتاج الى صيانة سوف يتم تحويل الموضوع الى قسم الصيانة لإفادتك
أكثر
أولاً ياغالى إعمل ضبط مصنع للجهاز وحمل هذا السوفت المرفق
وبعد تحميل السوفت ادخل على هذااااااااااا الموضوع (http://www.masrawysat.com/vb/showthread.php?t=621893)وحمل ملف القنوات اذا كان قمرين تجدهم فى المشاركة رقم 4
وبإذن الله المشكلة تزول

[البرنس 907]

أستاذ كمال أنا عارف قوانين المنتدى كويس أوي
بداية شكرا جزيلا على الاهتمام بالموضوع
ثانيا طبعا موضوعي أرسلته من قبل في قسم الصيانة رد المهندس محمود عبدالحميد برد أنا غير مقتنع بيه وهو شحن الفلاشة فأرسلت في قسم الاسترونج وقمت حضرتك بالرد وعلى فكرة كلامي ده من خلال خبرتي البسيطة مع أجهزة سترونج أنا بتعامل مع أجهزة سترونج من حوالي 8 سنوات عندي في المحل من 4820
، 4630 وغيره إلى الآن فانا عارف أعطال الفلاشة إلى حد كبير بس للأسف بعدي عن القاهرة هو السبب في عدم حصولي على دورات صيانة لأنني من الواحات الداخلة فياريت طريقة لأتحدث إليك وآخذ هعندك دورة بأي ثمن
ولك مني كل احترام أنت والمهندس محمود

[ابوحنــين وأسيـــل]

اولا اخي وليد يجب اتباع التنبيه المثبت ونعم كلنا نعرف القوانين ولكن هذا التنبيه لسهوله البحث عن حدوث اي مشكله لاي شخص مما يسهل الحل لاخواننا اللي عندهم نفس المشكله ثانيا
نحن بعدنا عن موضوعنا وهنقلب الموضوع لشات وده ممنوع اذا كنت حضرتك تريد التكلم مع استاذ كمال فممكن تتطلب من الاداره في قسم الشكاوي
وافيدنا بما تم لمشكلتك

[kamal65_65]

اولا اخي وليد يجب اتباع التنبيه المثبت ونعم كلنا نعرف القوانين ولكن هذا التنبيه لسهوله البحث عن حدوث اي مشكله لاي شخص مما يسهل الحل لاخواننا اللي عندهم نفس المشكله ثانيا
نحن بعدنا عن موضوعنا وهنقلب الموضوع لشات وده ممنوع اذا كنت حضرتك تريد التكلم مع استاذ كمال فممكن تتطلب من الاداره في قسم الشكاوي
وافيدنا بما تم لمشكلتك
الف شكر لك استاذى الكبير كبير المشرفين ابو حنين وشروق
وبعد اذنك ارد على أخى البرنسأستاذ كمال أنا عارف قوانين المنتدى كويس أوي
بداية شكرا جزيلا على الاهتمام بالموضوع
ثانيا طبعا موضوعي أرسلته من قبل في قسم الصيانة رد المهندس محمود عبدالحميد برد أنا غير مقتنع بيه وهو شحن الفلاشة فأرسلت في قسم الاسترونج وقمت حضرتك بالرد وعلى فكرة كلامي ده من خلال خبرتي البسيطة مع أجهزة سترونج أنا بتعامل مع أجهزة سترونج من حوالي 8 سنوات عندي في المحل من 4820
، 4630 وغيره إلى الآن فانا عارف أعطال الفلاشة إلى حد كبير بس للأسف بعدي عن القاهرة هو السبب في عدم حصولي على دورات صيانة لأنني من الواحات الداخلة فياريت طريقة لأتحدث إليك وآخذ هعندك دورة بأي ثمن
ولك مني كل احترام أنت والمهندس محمود

اهلا بك أخى البرنس
وأولاً ياأخى العزيز لما بقول لحضرتك فى تنبيه ده لمصلحة مين أليس لمصلحتنا كلنا ولجميع الاعضاء
عند وجود مشكلة او البحث فى المنتدى عن مشكلة ما سوف نجدها أمامنا ونستفيد منها جميعا
والعبد لله ليس هو واضع القوانين والتنبيهات
انا عضو مثل اقل واحد فى المنتدى بستفيد قبل ما أفيد اى واحد
وثانياً ياغالى بالنسبة للتحدث لأخذ دورة
ياغالى انا تلميذ صغير بتعلم من أساتذتى الكبار
فى هذه المدرسة وإسمها مدرسة مصراوى سات
ولا احب ان يزعل احد منى
هذا ماتعلمناه هنا من مبادىء وقيم وإلتزام
ولاأثقل على احد
حضرتك كنت عامل عنوان موضوعك نوع الجهاز فقط ولايشمل المشكلة
صح
والأّن تم تعديل العنوان كما تراه حضرتك
ارجو ان تكون الصورة وضحت أمامك اخى الكريم
وابلغنا عن النتيجة بالجهاز والله يوفقك

[مهندس محمودعبدالحميد]

بعد اذن الاستاذ الفاضل ابو حنين والاستاذ والاخ المحترم كمال موضوع الاخ اللى فى قسم الصيانه هو موضح فيه انه عمل كل شئ من تحميل ملف بوت الى سوفت المصنع وخلافه وطبعا انا رديت عليه بعد كل هذا قلتله جرب تشحن فلاشه والاخ ما تابعش الموضوع وبيقول انه مش مقتنع بردى ودى حاجه هو حر فيها وطبعا كلنا هنا فى خدمه بعضنا البعض نحن نسعى لعمل الخير ومساعده بعضنا البعض كما ذكرت

[kamal65_65]

اخى مهندس محمود الرابط الخاص بموضوعه فى قسم الصيانة فى مشاركة ردى فوق
ولاتزعل روحك يامهندسنا نحن جميعا هنا نتعاون لنساعد الاخرين و منك نستفيد ياحج محمود يامهندسنا فى الصيانة

[مهندس محمودعبدالحميد]

اخى مهندس محمود الرابط الخاص بموضوعه فى قسم الصيانة فى مشاركة ردى فوق
ولاتزعل روحك يامهندسنا منك نستفيد ياحج محمود

patch_lov-patch_lov-patch_lov-

مفيش زعل بين الاخوات يا غالى

[البرنس 907]

بارك الله فيكم جميعا ( في صحتكم وأولادكم ومالكم .... ) طبعا أنا انتظرت رد الزبون لكن سألته بالأمس قال تمام يعني شغال وبعدين ياأساتذه ياعظام أنا ممكن أكبركم جميعاً عمراً وكل منا خبير في عمله وربنا بيقول ( واسألوا أهل الذكر إن كنتم لا تعلمون ) صدق الله العظيم أنا راجل هاوي جداً للألكترونيات والصيانة ( طبعاً مش عاوز أشرح لأن الأستاذ المبجل أبو حنين وشروق بيقول شات ) كل ده علشان قلت عاوز أتعلم الصيانة على يد فني محترم منكم والله العظيم انا مش محتاجها بس أن بحس بمتعة عند صيانة الالكترونيات عامة وبعدين الجهاز العاطل عندنا لو جاني زبون وبمجرد ما اقول له ده مش هينفع تاني بياخد جهاز جديد وأنا المستفاد بس فين الضمير ياباشمهندسين ياعظام ( أنا من الواحات الداخلة ) يعني ناس على نياتها أوي ياريت ما فيش حد يعلق ويقول شات لأن أي كلمة ولو مش مقصودة بتجرح الكرامة وهي مش مستاهلة وكفاية مجهودكم اللي ما فيش واحد هيقدر يجازيكم به إل المولى عز وجل ( شكرا لمجهودكم الوافر الذي لا ينكره أحد من الأعضاء )
والسلام عليكم ورحمة الله وبركاته

[kamal65_65]

الشكر والفضل لله عز وجل
الف مبروك ياغالى واحنا هنا جميعا فى خدمتكم
وشكرا لك لإبلاغنا بالنتيجة والف مبروك كمان مرة