عندي مشكله في Hiroshima-MOH-888[RED ارجو الرد سريعااااااا

[ايمي خان]

مش عارفه احمل ملف القنوات للجهاز
حملت الملف علي اللودر زي ماهو مشروح في الصور
ولما بدات التحميل مافيش اي بروجريس
ومش قادره احدد المشكله فين
ارجو الرد ولكم جزيل الشكر

[تامر 2000]

يرجى ضبط الودر على دون لود داتا

[ايمي خان]

الف شكررررررررررررررر............. وجاري التحميل
اتضح ان المشكله اني مكنتيش دايسه علي زرار الستاند باي علشان كده مكنش راضي يحمل
جزاك الله كل خير علي سرعه الرد وبالتوفيق دايما يارب

[تامر 2000]

تحت امرك انتى فى مصراوى

[ايمي خان]

عندي مشكله تانيه ويارب مكنش بتقل عليكم
عندي جهاز دنكل paraclips SLH-7700 v1 لفك ***** القنوات والقنوات بقالها يومين مش راضيه تشتغل
ياتري محتاج سوفت وير ؟؟؟؟؟؟؟؟؟؟؟؟؟؟؟؟؟؟
ولو فيه اجيبه منين؟؟؟؟
ارجو الافاده ولكم جزيل الشكر

[ENG.IBRAHEM]

اكيد احنا في مصراوي
دا حتي الناس في البيوت بقت بتنزل ملفات القنوات
واحنا نرد عليهم بس صراحة منتديات النت خلت الشغلانة دي ملاهاش اي لازمة

[memo sat]

اكيد احنا في مصراوي
دا حتي الناس في البيوت بقت بتنزل ملفات القنوات
واحنا نرد عليهم بس صراحة منتديات النت خلت الشغلانة دي ملاهاش اي لازمة

بجد عندك حق يا هيمة

[ايمي خان]

والله انا بحمد ربنا ان حد رد عليا في المشكله دي علشان احلها في بيتي
من غير لف علي المحلات والجهاز يفضل اسابيع وميتصلحش
وشكرا لمصراوي انه طول عمره يرد علينا وعمره متأخر في المساعده

[عادل العمدة]

بارك اللة فيك اخى الكريم

[تامر 2000]

السوفت ده للدنجل لمبه ونقطتين لو مفتحش
هيكون العيب عندك

[ايمي خان]

انتو مكبرين الحكايه كده لو حد قادر يحل المشكله وهو في بيته اي الازمه في كده
وبعدين اكيد في اعطال كتيررررررررررررررررر لازم تتصلح عند المهندس المختص
يعني هيجيلك هيجيلك

[ENG.IBRAHEM]

انتو مكبرين الحكايه كده لو حد قادر يحل المشكله وهو في بيته اي الازمه في كده
وبعدين اكيد في اعطال كتيررررررررررررررررر لازم تتصلح عند المهندس المختص
يعني هيجيلك هيجيلك

ماشي ياستي خلاص
هاناكل عيلنا وخلاص
وان عن نفسي مش متجوز ومش هابني شقتي وممكن اعرف حضرتك شغالة اية علشان هاتعلم انتي بتعملي اية وافتح قدام شغلك بالضبط

[ايمي خان]

السوفت ده للدنجل لمبه ونقطتين لو مفتحش
هيكون العيب عندك


اسفه بس مش فاهمه يعني ايه لمبه ونقطتين؟؟
اصلي لسه جديده في المجال

[تامر 2000]

يا اخت امى لكى ما طلبتى بس هيه ديه الحقيقه

[تامر 2000]

يعنى الدنجل بيكتب على الشاشه الاماميه
لمبه حمرا ونقطتين خضر

[م/احمد عطية]

والله انا بحمد ربنا ان حد رد عليا في المشكله دي علشان احلها في بيتي
من غير لف علي المحلات والجهاز يفضل اسابيع وميتصلحش
وشكرا لمصراوي انه طول عمره يرد علينا وعمره متأخر في المساعده


مين قال يغالى انك لما بتروح بجهاز لمركز سوفت او صيانة الجهاز بيلف اسبوع

ومحدش بيعمل حاجة ؟

راعى الله فى كلامك يغالى

احنا بنكسب رزقنا بشغلنا

مش بكلام وخلاص مع الزبون

يغالى الشغل عبارة عن استمرارية وخبرات متراكمة

حضرتك لو الموضوع معقد كنت روحت مركز صيانة او سوفت

بس انت بتتكلم فى ملف قنوات فقط

منتدى مصراوى سات اصلن اتعمل عشان الفنيين

[memo sat]

ماشي ياستي خلاص
هاناكل عيلنا وخلاص
وان عن نفسي مش متجوز ومش هابني شقتي وممكن اعرف حضرتك شغالة اية علشان هاتعلم انتي بتعملي اية وافتح قدام شغلك بالضبط

هههههه هنقول ايه يا هيمة غير لااله الا الله

[ايمي خان]

ليه بس قطع الارزاق ده
وربنا يكرمك وتتجوز وتبني شقتك
ويرزقك برزق اولادك
انا لسه مشتغلتيش مش لاقيه شغل

[ENG.IBRAHEM]

مين قال يغالى انك لما بتروح بجهاز لمركز سوفت او صيانة الجهاز بيلف اسبوع

ومحدش بيعمل حاجة ؟

راعى الله فى كلامك يغالى

احنا بنكسب رزقنا بشغلنا

مش بكلام وخلاص مع الزبون

يغالى الشغل عبارة عن استمرارية وخبرات متراكمة

حضرتك لو الموضوع معقد كنت روحت مركز صيانة او سوفت

بس انت بتتكلم فى ملف قنوات فقط

منتدى مصراوى سات اصلن اتعمل عشان الفنيين

بارك الله فيك استادي

[ايمي خان]

حضريتك انا كل اللي قصدته
انها حاجه كويسه ان في متنديات تقدر تساعدك في حل مشكله بسيطه من غير ما تلف كتير
وبعدين لو المنتدي معمول بس للفنيين عمل ليه قسم لاسئله والاستفسارات