ثورة اسمها مليون حظ!

[خلف الفنان]

http://www10.0zz0.com/2012/07/14/23/916602366.gif
http://www13.0zz0.com/2012/06/28/00/394041357.gif
ثورة اسمها مليون حظ
*********

لما شافوا فـ شعبنا قوة
حبوا يدمروا فينا النخوه
قالوا نعمل ايه يااعدئها
قالوا هدوا الثورة بثورة

*********
وقامت ثورة شديدة اللفظ
ثورة غريبه وطبعا فظ
وعلشان لاجل مطامع قامت
سموها ثورة مليون حظ

**********
لحظة ياثورة مليون شخص
مين فــ المليون بيها اختص
شرط المليون فيها كراسي
ومليون كرسي عايز يترص

**********
ثورتنا دي كانت للحرية
ونحمي بلدنا من الحراميه
مش مفتوحه لينا عالبحري
بلدنا تضيع ونقول سلمية

**********
ولما اطباء فيها يعاندوا
وكان من الواجب ليها يساندوا
لاجل زياده تملى طمعهم
سابوا المرضى فيها يناشدوا

***********
يا عيني علينا بعد ما ثورنا
كل شوية يقولو جه دورنا
يالا بسم الثورة نخالف
نخلي الشهره بيها تزرنا

***********
الاعلام اهو مستنينا
منه بدايه وسلم لينا
نسمع كل الناس صرختنا
هدفنا الشهره ومال يغنينا

************
منهم شفنا ابن ام عماشه
طايح في الكل وشوفه طشاشه
عايز يقعد بعد خرابها
فوق التل وهيَّ هشاشه

**********
ومنهم شفنا ابو المحاسد
نفسه يقولوا عليه داهو جامد
لكنه خروف ضحكوا عليه
يدوه مايدوا ومهوش حامد

***********
واللي يغيظك لو عرفوك
مصري بجد هيحاربوك
ليهم طريقة خبيثة مريبة
بيجندوا ضدك فيها اخوك

**********
يامصر خايفه ليه من ولادك
وشك اصفر وبان استهاد
يا غاليه حايره وملهوفه ليه
داحنا لعزك فينا حصادك

**********
ثورتنا دي كانت بالرجالة
شبيبه وشيبه وعمه وخاله
بيها فرحنا وزال الغم
وزال الظلم وزال عماله

*********
ثورتهم بانت فيها النية
ثورة ضد الثورة غبية
بينبحوا فيها ضد بلدنا
وخايفين يظهروا فيها علانية

************
مش هتقضوا فيها كتير
وبعد التغيير ايه تغيير
غير تغيير لاسوا نية
ياشلة غربان فيها هتطير

خلف محمد
http://www7.0zz0.com/2012/06/13/12/111729182.jpg

[refine1]

حفظك الله وحفظ شعب مصر ام الدنيا

شكرا لك

[خلف الفنان]

حفظك الله وحفظ شعب مصر ام الدنيا

شكرا لك

اشكرك اخي الكريم على مروركم الطيب وعباراتكم الرقيقة الرنانة
تسلم وبارك الله فيك
http://www14.0zz0.com/2012/06/16/00/706232085.gifhttp://www9.0zz0.com/2012/06/15/02/855381433.gif

[الجعفرى_105]

حفظك الله وحفظ شعب مصر ام الدنيا