عطل خبيث فى التوشيبا الحديث

[اشرف مروان]

توشيبا الجديد ذو الوجه الأسود21بوصة
موديل 21w12xel
بور str w5453
العطل الجهاز يعمل لمدة 5 ثوانى ثم يقف على وضع ستاندباى مع وجود عيب أخر وهو فيرتكال مع العلم أن دائرة الفرتكال سليمة وعليها إشارة ومع ذلك قمت بتغيير الأيسى ومكثفات ومقومات الفرتكال كلها سليمة حتى الطبع منها
وقمت بتغيير الأيسى الكبيرة 8891cpbng6k12
ومع ذلك الجهاز نفس الوضع يعمل لمدة ثوانى مع عيب الفرتكال ويقف على وضع أستاندباى
ولا يستجيب لزراير اللوحة الأمامية إلا بعد فترة
مع سماع صوت صفير منخفض جدا جدا لا يزول إلا بعد فصل الكهرباء بثوانى قليلة
لم يبقى أمامى سوا تغيير أيسى الميمورى لكنها طبع فى ظهر الشاسيه وهل هى موجودة الأن أو لها شحن
أفيدونى أفادكم الله عشان هتجنن من الجهاز ده

[مهندس محمودعبدالحميد]

وضح يا غالى اكتر يعنى ايه الجهاز به فيرتيكال وبيقف على وضع الاستاند باى

[اشرف مروان]

وضع استاندباى يعنى كأنك قفله من الريمود
عيب فرتكال يعنى جايب خط فى وسط الشاشة بالعرض

[مهندس محمودعبدالحميد]

طيب يا غالى كدا مشكلتك فى الفيرتيكال وعليك فحص الدائره مره اخرى واتاكد من سخونه الايسيه الكبير وجرب يوك اخر

[اشرف مروان]

مع العلم يا أستاذ محمود أننى رفعت أيسى الفرتكال ومع ذلك يعمل لمدة ثوانى ويقفل تانى (يقف على وضع أستاندباى)
لم يبقى أمامى غيير الأبروم لكنها طبع فى ظهر الشاسية رقمها 24cd8wp
لوتكرمت وارسلت شحنها أو هل هى موجودة فى السوق الأن
ملحوظة الشاسية به مربع فارغ فى مقدمة الشاسية(من الحديث)

[اشرف مروان]

أيسى الفرتكال طبيعية ومع ذلك غييرت اليوك نفس العيب
أيسى الفرتكال مخرجة إشارة
العطل ده مزدوج فرتكال وأستاندباى

[حمدى البندى]

اخى الغالى تأكد مما أشار مهندسنا
محمود عبد الحميد وعليك بتغيير
مكثفات مابع الشوبر والمكثفات
الموجودة جب str مع تغيير
المكثفات الموجودة جنب سوكت
اليوك من الشاسية

[ابوتقى 20]

السلام عليكم
اخى الكريم حضرتك بكل ماذكرت لم تراجع قياس الفولت على ايسى الفيرت ينبغى عليك مراجعة الاتى بالتتابع
المقاومة الفيوزية r333 وقيمتها 6.9 اوم (ازرق ابيض دهبى دهبى )
الموحد d302
الايسى q301 الخاص بالفيرت (la78040)
المقاومة r303 وقيمتها 1 اوم
المقاومة r305 وقيمتها 1.2 اوم
مع مراعاة التاكد من المكثفات
اما بالنسبة ان الجهاز يفتح بعد فترة من الضغط على مفتاح الاستاند باى فهذه طبيعة الجهاز
وبالنسبة للميمورى المطبوعة ممكن تركب ميمورى عادى جدا لوركزت هتلاقى مكان فتحتها على البوردة تحت المطبوعة

[اشرف مروان]

شكرا لك استاذى ابو تقى كل اللى انت قلت عليه أنا عملته قبل كدة
وغيرت دايرة الكهرباء بما فيها المكثفين 50/47 و50/10
وغيرت الأبروم بأخر عادى فى المكان الفارغ فى الجهاز بأخرمن جهاز يستخدم نفس رقم الأيسى الكبيرة موديل قبل موديل هذا الجهاز لكن للأسف لمبه مضائة ولا يعمل (واقف على أستاندباى) ولا يستجيب للريمود أو اللوحة الأمامية

ملحوظة الجهاز يعمل لمدة ثوانى ويقف ولا يستجيب للريمود أو اللوحة إلا بعد 15ضغطة على اللوحه الأمامية تقريبا ثم يعمل ثوانى مع عيب الفرتكال وهكذا فى حالة وجود الأبروم الأصلى بتاعه (الطبع)

[مصطفى المصرى]

اخى راجع الترنسسترات الفلات التى ما بعد الشوبر هتلاقى وحده تالفه
وللتاكيد ممكن تلغيها خالص الجهاز يعمل تمام
وكلنا متابعين معاك

[مهندس محمودعبدالحميد]

وبالنسبة للميمورى المطبوعة ممكن تركب ميمورى عادى جدا لوركزت هتلاقى مكان فتحتها على البوردة تحت المطبوعة

تسلم ايدك اخى سامح ومنور القسم يا غالى

[اشرف مروان]

ركبت ابروم نفس الرقم وليست طبع فى المكان الخالى للتعديل لكن العيب لسه موجود
(فرتكال + فصل الجهاز بعد ثوانى مع لمبة مضائة)

[مصطفى المصرى]

اخى عن تجربه راجع الكلام ده

اخى راجع الترنسسترات الفلات التى ما بعد الشوبر هتلاقى وحده تالفه
وللتاكيد ممكن تلغيها خالص الجهاز يعمل تمام واحده فقط وليس الكل ولكن للاسف لست متزكر رقمها ولكن لو صورت الشاسيه من الخلف اقولك فين بالضبط
وكلنا متابعين معاك

[ابراهيم امام]

دى حماية فى عندك مشكلة فى دائرة الفرتكال وممكن تلغى الحماية عن طريق فصل مقاومة اخدة من ال5فولت للايسى الكبيرة بس مش متذكر رقمها

[اشرف مروان]

الصوت ضعيف وغير واضح (به خنفة) فى الفترة التى يعمل بها الجهاز مع عيب الفرتكال والاستاندباى
قمت بفصل ترنسستور الفلات q432 فعمل الجهاز ولم ينطفئ مع وجود عيب الفرتكال و خنفة فى الصوت فقمت بتركيب الترنسستور مرة اخرى
وقمت بفصل الترنسستور الاخر q814 فحدث مثل ما سبق مع q432
لا يوجد بالجهاز ترنسستورات فلات بعد الشيبر غير ثلاثة الاثنين السابق ذكرهم والاخر بعد الفوتوكبلر وهذا يمكن استبداله ولايمكن فصله
قمت ايضا برفع 2 ايسى الصوت نفس عيب الفرتكال وفصل الجهاز بعد ثوانى
جميع ترنسستورات الفلات فى دايرة الصوت سليمة
ايضا قمت بفصل زينر البروداكت بجوار ايسى الفرتكال نفس العيب موجود
قمت بتغيير جميع المكثفات بعد الشيبر والسليكونان لكن نفس العيب

[مصطفى المصرى]

والله تشكر على المجهود المنبذول ولكن راجه مره اخرى ودقق جيدا كل حاجه وليها حل واحنا متابعينك

[اشرف مروان]

اسف على التأخير عشان النت كان فاصل بعد أخر مشاركة مباشرة
وتمت صيانة الجهاز وكان العطل فى سليكون ال 12 فولت بعد الشيبر
وأغرب حاجة هى ان هذا السليكون قمت بقياسه قبل ذلك عدة مرات ولم أجد به أى نسبه
وعند فتح الجهاز بيخرج ال12 فولت كاملين ثم بعد ثوانى يبدأ الفولت فى النقصان تدريجى من 12 إلى صفر وما جعلنى أقوم بتغيره عندما قمت بتوصيل الصوت بسماعة خارجية نظرا لوضع الشاسيه وسمعت الصوت الضعيف جدا
شكرا لكل أسرة مصراوى سات وتقبلو أعتزارى

[حمدى البندى]

الحمد لله اخى اشرف انك توصلت للعيب
ومبروك الاصلاح وتأكد أخى أشرف بأن
أى عيب stand بيكون مكثفات او دايود
بعد الشوبر على العموم نتمنى لك مذيد من
الرقى تحيتى
وشكرا لكل الاخوة المتابعين لموضوعك

[اشرف مروان]

اسعدنى مروركم الكريم أستاذى حمدى
تقبل تحياتى

[حمدى البندى]

اسعدنى مروركم الكريم أستاذى حمدى
تقبل تحياتى

ربنا يسعدك اخى أشرف
تمنياتى لك بالرقى دائما