مشكله في تلفزيون سامسونج الفئه الثالثه..ياريت تساعدوني بالله عليكم [الأرشيف]

مشاهدة النسخة كاملة : مشكله في تلفزيون سامسونج الفئه الثالثه..ياريت تساعدوني بالله عليكم

trix7

2010/10/10, 05:39 AM

االسلام عليكم ورحمه الله وبركاته

يا جماعه انا عندي مشكله في تلفزيون lcd

نوعه سامسونج 32 بوصه الفئه الثالثه la350

والتلفزيون بقاله شهرين وهو في الضمان

المهم المشكله التلفزيون في زنه وخروشه غريبه وبتبان جدا في السماعه اليمنى وخصوصا لما التلفزيون يكون عالي شويه
يعني الزنه بتكون موجوده اساسي لكن اما بيعلى بتبان اكتر

واتصلنا بالتوكيل وبعتولنا مهندس صيانه
المهم غيرلنا كارت السيستم وبرضه المشكله زي ما هي
وبعدين غيرلنا السماعات وبرضه المشكله زي ما هي
وفي الاخر زهق مننا وقلنا انا معنديش حلول تانيه وهو ده اللي عندي وانا هكتب في التقرير ان التلفزيون مفيهوش مشكله ...وعاوزين تتكلموا مع الشركه اتفضلوا !!
وقلنا كمان متعلوش صوت التلفزيون وخلوه مكتوم احسن !!!!!

المهم يا جماعه انا عاوزكم تساعدوني وتنصحوني اعمل ايـه
نكلم الشركه يبعتولنا مهندس تاني ولا ايه ؟

وهل المشكله اللي في الصوت دي مشكله عامه في كل شاشات الفئه التالته سامسونج ؟

وهل حد مر عليه المشكله دي وعارف سببها او مصدرها ... لان السماعات اتغيرت وبرضه المشكله موجوده ؟

وانا يا جماعه متعصب جدا ومخنوق لان التلفزيون لسه جديد وغالي بالنسبالي بجد ومش عارف اعمل ايه :((

م / احـمد سمير

2010/10/10, 05:58 AM

اخى الغالى الجهاز فى الضمان وان لم يتم تصليحه يتم استبداله من الشركه لانه داخل الضمان

trix7

2010/10/10, 06:16 AM

شكرا لردك يا باشمهندس احمد
لكن لو المشكله دي مشكله عامه في كل اجهزه الفئه الثالثه بلقى الاستبدال غير مجدي

وكمان مهندس الصيانه قالنا ان الاستبدال خلال 14 يوم فقط !!

م / احـمد سمير

2010/10/10, 06:21 AM

اخى الغالى هذا عيب جهاز
وفترة الضمان ثلاث سنوات على الاقل
والوكيل مسئول عن الجهاز طول فترة الضمان طلما عيب صناعه
ولايوجد له اصلاح لبد من التغير

مجدى (الضابط) كشك

2010/10/10, 06:28 AM

اخى الغالى الجهاز فى الضمان وان لم يتم تصليحه يتم استبداله من الشركه لانه داخل الضمان
كلام تمام
ولك ان تاخذ رقم فاتوره الاصلاح واسم مندوب الصيانة وعليك بابلاغ حقوق المستهلك وهى موجودة بشارع احمد عرابى بالمهندسين --اخى العزيز لا تسكت عن حقك ودعنا نتعلم اخذ الحقوق ببعض المجهود فالامر الان ليس مشكلتك لوحدك بل هى مشكلة عامة مستهلكين مصر فى عدم فهم حقوق المستهلك - واقسم بالله لو مندوب شركة سامسونج الكورى موجود لسحب ترخيص التوكيل من صاحبه فى مصر
وقد حدث لى موقف فى مدينة جده بالمملكة العربية السعودية بان اشتريت راديو ديجتال ماركة سامسونج وكان به عيب سرعة استهلاك حجارة لدرجه ان الحجارة لا تستمر فيه سوى ساعتين زمن فقط وذهبت لارجاعة من معرض البيع ورفض البائع وكان مدير المعرض يمنى الجنسية وحاولت اتناقش معه ولم يتفهم لافاجئ بشخص كورى الهيئة يستفسر عن مشكلتى من المدير وكان موجود بالمعرض واشار لى باعطائه الجهاز وهالنى مافعله هذا الكورى بان احضر كيس وحطم الراديو تحطيما ووضعه فى هذا الكيس وكتب على الكيس بعض الكلمات ولا حظت عليه قمة الغضب وبعد دقائق احضر لى راديو اكبر حجما واغلى من الموديل الذى اشتريته بل وفوقه هديه اخرى من منتجات شركة سامسونج واعطاهم لى مع ابسامه منه وبعض الكلمات التى فهمت منها انه يعتذر عن الامر كل هذا حدث واليمنى وانا وباقى الموجودين فى ذهول تام وفهمت انه مندوب التوكيل الكورى وكان موجود مصادفا فى المعرض فتخيلوا لو عندنا ثقافة حق المستهلك والعمل بها لتغيراسلوب البائعين والوكلاء مع المستهلك المصرى فقط العلم بالقانون -- اسف للاطالة

Iron Man

2010/10/10, 07:55 AM

اخى الكريم
انا امتلك نفس الجهاز ولكن الفئة الخامسة series 5
اول ما اشتريته لقيت فيه نفس القصة وبالذااااااات مع قنوات بانوراما دراما وفيلم
صوت لا يطاق
التلفزيون موش تقفيل مصرى لا دة كورى 100%
العيب طلع فالاخر من الرسيفر
ولا تسالنى عن العلاقة علما بان نفس الرسيفر كان شغال على جهاز اخر عادى جداااا
جرب اى منظومة خرى بلو راى او دى فى دى او رسيفر اخر يكون حديث وشوف
والله وحده اعلم

trix7

2010/10/10, 06:41 PM

انا هتصل بيهم تاني واحاول اشوف ايه نظامهم لو استمروا على الوضع ده انا هنفذ كلام الاستاذ الظابط واتعامل مع حقوق المستهلك

trix7

2010/10/10, 06:44 PM

trix7

2010/10/10, 11:03 PM

؟؟؟؟؟؟؟؟؟؟؟؟؟؟؟؟؟؟؟؟؟

almasery56

2011/05/08, 03:28 PM

السلام عليكم هى المشكله بسيطه جدا بس مش هينفعل تعملو انت علشان الضمان

عماد رياض

2011/05/08, 08:50 PM

اخى الفاضل عندما ذهبت لشراء lcd سامسونج كنت مش عارف انهى تلفزيون اجود هل الفئة الثالثة ام الرابعة لكن قال لى البائع طالما حضرتك معاك ما يكفى لشراء الفئة الرابعة من سامسونج انصحك بذلك وعندما سالت عن السبب قال ان الفئة الثالثة هى اول فئة من انتاج الشركة وبها عيوب ومشاكل فى سستم الصوت وجودة الصورة تم اصلحها فى الفئة الرابعة نصحة اخوية عليك بعمل المستحيل مع التوكيل لتبديل الجهاز بلفئة الرابعة مع دفع الفرق وانت واختيارك والسلام عليكم