ارجو المساعده من: م / اسامه الحكيم

[محمد ماهر]

باركليبس فرجن 1 فاصل بور نهائى ومفيش خرج للبور خالص غيرت المكثف الكبير وبرضه نفس المشكله مفيش خرج للبور خالص ارجو مساعدتى لكى اصل للجزء التالف لتغيره واعادت تشغيل الجهاز وشكرا

[احمد سمير]

بعد تغيير السيلكونات اللى فى مدخل البور
فيجب تغيير اى سى البور
+
المقاومه الفيوزيه ال 10 من 100 اوم على واحد واط

[محمد ماهر]

طيب ممكن لو سمحت انا عايز اقيس المكثف الكبير
فهل اقيس هذا المكثف على وضع التيار المتردد على الافو
واضع المجس الموجب على الطرف الموجب للمكثف والسالب على السالب للمكثف ولا لا؟
وهل الموحدات اللى فى اول البور قبل الشوبر والكهرباء واصله للريسيفر ايضا بتتقاس بنفس الطريقه ام لا ؟؟؟

[محمدالنوبي]

بعد تغيير السيلكونات اللى فى مدخل البور
فيجب تغيير اى سى البور
+
المقاومه الفيوزيه ال 10 من 100 اوم على واحد واط


الله ينور عليك اخي الحبيب / مهند سنا الغالي احمد سميرpatch_lov-patch_lov-

وضف بصيط

اخى الحبيب تتبع دخول الفلت الى بورده البورره شوف الفولت وقف فين وابدا
من النقطه دى تتاكد ان 220 واصلين عند البور

[احمد سمير]

طيب ممكن لو سمحت انا عايز اقيس المكثف الكبير
فهل اقيس هذا المكثف على وضع التيار المتردد على الافو
واضع المجس الموجب على الطرف الموجب للمكثف والسالب على السالب للمكثف ولا لا؟
وهل الموحدات اللى فى اول البور قبل الشوبر والكهرباء واصله للريسيفر ايضا بتتقاس بنفس الطريقه ام لا ؟؟؟



إياك تفحص المكثف الكبير بالافو وعلى وضع الأوم

الأفوميتر هيطير منك لو كان الفولت مكتوم والمكثف به شحنه منه
كل اللى عليك يا غالى هتخلى الأفوميتر على وضع DC 300v
أو اكتر من 500 فولت وهتفحص الفولت
وانته موصل كارتة البور بالتيار
بس تتوخى الحظر وتبعد كارتة البور عن ارضى الريسيفر
او عن بودى الجهاز
المهم يكون موجود على المكثف من 280 فولى الى 300 فولت
لو كانوا موجودين فعليك بتغيير اى سى البور
+ المقاومه اللى قولتلك عليها
بس ياريت تقولى كارت البور بتاع جهازك
شغال بأى سى بور واحده
ولا شغال بإتنين أى سى
ومتابع معاك
كل التحيه والشكر لأخى الشقيق
وحبيب قلبى
أ / محمـــــــــــد النوبى

[محمد ماهر]

كارتة البور بايسى واحد فقط والمكثف الكبير قيمته 33 ميكرو 450 فولت
انا عايز اعرف اما اجى اقيس المكثف الكبير ده اضع المجس الموجب على الطرف الموجب للمكثف والمجس السالب على الطرف السالب للمكثف وانا ظابط الافو على 750 فولت( تيار متردد ولا مستمر ) وانا موصل الكارته بالكهرباء صح كده ام لا ؟

[احمد سمير]

تمام يا اخى
كده انته ماشى تمام
اهم شىء الافو ميتر يكون على
وضع dc

[محمد ماهر]

هل dc تيار متردد ام مستمر اصل الافو اللى عندى ديجتال ومش مكتوب عليه الرمز يعنى هل هذا الوضع هو نفس الوضع اللى ممكن اقيس بيه الكهربا الموجوده بالمنزل

[محمدالنوبي]

تمام يا اخى
كده انته ماشى تمام
اهم شىء الافو ميتر يكون على
وضع dc

والله والله قول يوم بتعلم منك الكتير ربنه يكرمك اعاز اناس علي قلبيه

الله ينور عليك M-Dgpatch_lov-patch_lov-

[احمد سمير]

وضع قياس التيار المتردد او اللى ( داخل المنزل زى مبتقول )
بيكون الأفو ميتر على وضع ac
أما التيار المستمر يعنى بيكون له بدايه ونهايه
يعنى ايضا بيكون ليه سالب وموجب بيقاس
على وضع ال dc
وإخلص بأه علشان نشغل البور بتاعك
متابع معاك

[محمد ماهر]

ههههه ماشى يا باشا انا بطمن بس علشان معملش حاجه غلط فى الجهاز

[احمد سمير]

حتى ولو عملت الغلط متقلقش يا اخى
نحن معاك
يعنى اخيك سمير هانى معاك
خلص على الريسيفر وولع فيه
وبعد كده اديهولى وقولى مش عاوزه
هههههههههه

[احمد سمير]

والله والله قول يوم بتعلم منك الكتير ربنه يكرمك اعاز اناس علي قلبيه


الله ينور عليك m-dgpatch_lov-patch_lov-



أنت أستاذ وعملاق كبير
اخى محمد
ومتقولش الكلام ده
تسلم ياغالى وربنا يبارك فيك

[محمد ماهر]

انا لقيت على المكثف الكبير 298 فولت اعمل ايه تانى بقى علشان احدد العطل علما بان مفيش ولا خرج من البور

[احمد سمير]

إنته هتقعد كل شويه تقولى علما بان مفيش خرج للبور
هههههه مهو انا عارف ان مفيش خرج للبور يا اخى
انته الان هتغير الاى سى بتاع البور وهتغير المقاومه
اللى بين الاى سى والمكثف الكبير
رقمها على البورده r7 وقيمتها 10 من 100 أوم على 1 واط
غير الاى سى الاول وبص على المقاومه هتلاقيها
فيها نقطه سوداء من الجمب يعنى مفرقعه
يلله يا اخى علشان اشوف الجهاز وهو بيفرقع ويلم عليك الدنيا
ههههههههه
متابع معاك يا اخى

[محمد ماهر]

اوكى جارى العمل ولو انا مقدرتش ارد عليك تانى دلوقتى هبقى اكمل معاك بكره ان شاء الله فى نفس المشاركه اوعى تسيبنى الا لما نبقى نصلح الجهاز

[احمد سمير]

ياعم لو عندك الاى سى
اخلع القديم وركب الجديد ومتقلقش
اخلص فى خمس دقايق وقولى الجهاز اشتغل
يلله متكسلش
هههههه
متابع معاك واياك تقفل

[محمد ماهر]

المشكله ان معنديش ايسى والله انا مش خايف والله بكره هنزل اشترى الايسى ده والمقاومه وهركبهم وان شاء الله هيشتغل بس يريت تقولى الايسى والمقاومه دى سعرهم كام؟؟

[احمد سمير]

المقاومه من المفروض ان ملهاش سعر يعنى ممكن يقولك 50 قرش
أما الاى سى تقريبا من 5 إلى 6 جنيه

[محمد ماهر]

الف شكر يا اخى على متابعتك معى انا رفعت الايسى وخلعت المقاومه وهغيرهم بكره ان شاء الله ويا رب الجهاز بقى يشتغل بعد تغييرهم