حول التليفزيون الى طباخ

[مصطفى المصرى]

السلام عليكم عندكم استعداد فى الاول احب اسمع ارائكم وبعدها نبداء وان رفضتم يبقى خلاص اشتروا انابيب غاز وانا اسكت خالص
معلهش عنوان الموضوع مثير للجدل انا عن نفسى عملته بوتاجاز فى اقل من عشر دقائق ويعمل بكفائه وموفر للطاقه
فى انتظار ارائكم

[احمدبقله]

اخى مصطفى ممكن لو تكرمت شرح ما كتبت لان الموضوع شدنى وثائرنى الفضول

[جابر النقاش]

قول ياباشا احنا كلنا بنفيد بعضنا

[مصطفى المصرى]

اخى مصطفى ممكن لو تكرمت شرح ما كتبت لان الموضوع شدنى وثائرنى الفضول اخى انتظر حتى نستازن الاشراف لان الموضوع خارج نطاق الصيانه ونشوف رايهم

[احمدبقله]

بعد ازن الادارة الموقره السماح لاخى مصطفى بعرض موضوعه ولكم خالص التقدير والتحيه

[مصطفى المصرى]

بعد ازن الادارة الموقره السماح لاخى مصطفى بعرض موضوعه ولكم خالص التقدير والتحيه
والله الموضوع سهل ولكن عليكم بالانتظار

[حسين31]

جارالانتظاررررررررر

[احمدبقله]

جارالانتظاررررررررر

[مهندس محمودعبدالحميد]

السلام عليكم عندكم استعداد فى الاول احب اسمع ارائكم وبعدها نبداء وان رفضتم يبقى خلاص اشتروا انابيب غاز وانا اسكت خالص
معلهش عنوان الموضوع مثير للجدل انا عن نفسى عملته بوتاجاز فى اقل من عشر دقائق ويعمل بكفائه وموفر للطاقه
فى انتظار ارائكم

بص يا غالى مفيش زعل ولا حاجه طالما حضرتك هتقدم شئ مفيد يبقى توكل على الله ولكن بشرط ان يكون الموضوع خالى من المخالفات ويمكن يكون موضوعك مفيد فعلا لنا جميعا ولكن تذكر بدون اى مخالفات

[ابوosama]

اتفضل اخى نشوف ماتقدم

[احمد سمير]

بالطبع لابد وأن يفهم الجميع ويقدر مانفعله
فنحن هنا فى قسم خاص بصيانة التليفزيون
والحمد لله
وبشهادة الجميع
نؤدى دورنا على أكمل وجه ولا توجد أى إعتراضات نحونا
ولذلك وبناء على ماتقدم منك أخى * مصطفى المصرى
نحن لانقبل أى حوارات أو أى مداخلات حتى ولو كانت مربحه
بخلاف إننا نتحدث ونعمل بما يخص هذا القسم
فقط لاغير
أما موضوع التحويل لبوتاجاز والكلام دا كله
فأنا بعتبره خارج عن نطاق المسموح به للعمل بيه بداخل قسم
صيانة التليفزيون
سوف أنتظر لمده معينه من الأن
وبعدها سوف يتم غلق الموضوع
إلى أن أرى ردك وللمره الأخيره
وتجيب من الأخر

[حمدى البندى]

بص يا غالى مفيش زعل ولا حاجه طالما حضرتك هتقدم شئ مفيد يبقى توكل على الله ولكن بشرط ان يكون الموضوع خالى من المخالفات ويمكن يكون موضوعك مفيد فعلا لنا جميعا ولكن تذكر بدون اى مخالفات

تسلم اخى محمود وننتظر ما يقدمة
اخى مصطفى المصرى طالما فى نطاق
العمل والافادة
منتظرين اعمالك يا غالى

[ابوosama]

انتظر اخى احمد ونرى الراجل ماذا يقدم
اذا كان شىء مفيد سوف نوجهه الى قسمه
حتى يستفيد الجميع

[ابوعبدة1]

يااااااااااااااااا مسهل

[محمدالنوبي]

يااااااااااااااااا مسهل يارب سهل

[عبدالرحمن مهدى]

ارجو من الادارة غلق الموضوع لان الراجل بستخف بعقولنا هل يعقل التليفزيون يبقى بتوجاز

[مصطفى المصرى]

السلام عليكم
اولا الموضوع بسيط جدا وانا اعرف جيدا قوانين المنتديات وكلفت باشراف فى منتديات اخرى وكان اشرافى لا يخترق قوانين المنتديات
ثانيا انا بكل فخر لم ولن ياتى على يوم اكتب رقم تلفونى ولا اسم ورشتى ولا محل عملى اطلاقا لانى ولله الحمد عندى ما يكفينى من شغل
ثالثا الموضوع هذا انا اجاهد فيه من حوالى ثلاث سنوات مضنيه بعد خسائر فادحه
ولكن مع الاصرار على تنفيذه قمت بتنفيذ الدائره يدويا دون الحاجه الى دائره التلفزيون


المهم ندخل فى الموضوع
مميزات هذا السخان او الطباخ انه موفر للطاقه ولا يسخن ولا يكهرب ولا يتاثر بسكب الماء عليه او السوائل
الدائره بكل بساطه تسمى دائره الرنين المغناطيسى وهى عباره عن دائره تقوم بتقطيع التيار المستمر الى 15 الف ذبذبه فى الثانيه الواحده تقريبا
وهذه الدائره تخلق دوامات مغناطيسيه معاكسه
وبتعريف اخر تسمى دائره الحث الكهربى او اندكشن
ولكن لتعقيد الدائره فانا طرحت لكم فكره استخدام شاسيه التلفزيون بالقيام بهذا العمل
ولكى ابسط لكم الفكره ساشرحها تدريجيا حتى لا يكون هناك خلط بالمعلومات
اولا بامكان اى واحد فنى تلفزيون ان يقوم بتنفيذ الدائره بكل بساطه
احضر شاسيه تلفزيون ايا كان نوعه
بشرط ان يكون سليم
ارفع الاين منه
احضر قطعه فرايت الخاصه بالاين
قم بلف سلك 8 دزيم حوالى 80 لفه وهذا يسمى الملف الابتدائى هيطلع معك طرفان طرف الى ال110 فولت وطرف الى c البور الخاص بالضغط العالى ولو مش عايز ترفع الاين لتثبت التجربه قم بالتجربه والتلفزيون كما هو حوالى 5 لفات من على فرايت الاين وركب عليهم المكثفات التى ساذكرها لكم
اما الملف الثانوى فهو من 4 الى 7 لفات فقط
بعدها احضر حوالى 12 مكثف 564 nf
بعدها احضر حوالى متر مواسير الخاصه بالثلاجات النحاسيه وتمسمى كابلرى
بامكانك ان تجعله حلزونى او اسطوانى كالسخان الكهربى
بعدها وصل اطراف المواسير بالملف الثانوى وركب المكثفات توازى عليه بعدها شغل شاسيه التلفزيون احضر مفك او اى قطعه حديد وادخلها داخل الملف الحلزونى ستلاحظ سخونه مرتفعه جدا تصل لدرجه الاحمرار والصهر لو تركت اكثر من ذلك فى بضع ثوانى معدوده ولكى ابسط عليكم الفكره مرفق صور وملف فيديو قمت بالتجربه بنفسى وللعم ان هذه الدائره انا ماخترعتهاش ولا حاجه ولكن فعلتها للاكتفاء الزاتى وبامكان اى شخص بان يقوم بتنفيذها الدائره تتعامل مع الحديد والاستللس
اترككم مع الصور والفيديو

جارى الرفع

[مصطفى المصرى]

اتفضلو التجربه المبسطه والصور
وفى النهايه هيه عمليه اجتهاديه لان بامكان تكبير الدائره لتصل لصهر الحديد
وعلميا موجوده على مواقع كثيره

http://arabsh.com/files/0e3f404364f5/mov0019a-rar.html

[ابوosama]

شكرا اخى مصطفى
وبعد اذنك مغلق