نفسى حد يساعدنى انى القى مكان اخد فى دورات فى صيانه

[hamdy top]

نفسى حد يساعدنى انى القى مكان اخد فى دورات فى صيانه ويكون فى شهادات معتمدا فى المجال اللى انا داخلو انا حابب الالكترونيات قوى انا فى الدبلومات الفنية ودرست حاجات كتير فى الصيانة بس مخدهاش عملى كنت كل اللى باخدو نظرى فقط لا غير فلو حد يساعدنى فى العثور على مركز لتعليم الصيانة وعايز اعرف اكاديمية سموحة تمام والا اى انا من الجيزة فلو اى حد له رد على موضوعى ياريت يقولى اعمل اى

[ملاك مكرم]

انا اتعلمت الصيانه من مصرلوى لان الدورات منفعتنيش غير انها ادتنى نظرى فقط وفلوس على الفاضى وبيقولوا هانديك المعدات كله كدب ولا ادونى منديل وانا طالع ولا شهادات ولا الكلام اللى عايزة قول عليه وانا والفنيين هنساعدك

[hamdy top]

انا اتعلمت الصيانه من مصرلوى لان الدورات منفعتنيش غير انها ادتنى نظرى فقط وفلوس على الفاضى وبيقولوا هانديك المعدات كله كدب ولا ادونى منديل وانا طالع ولا شهادات ولا الكلام اللى عايزة قول عليه وانا والفنيين هنساعدك

الف شكر على حسن اخلاقك وربنا يخليك وده هو صحيح اللى انا اتجهتلو الف شكر على ردك

[مهندس محمودعبدالحميد]

تمام اخى ملاك تسلم ايدك للمتابعه يا غالى وعلى الاخ حمدى متابعه اقسام الصيانه ومتابعه المواضيع وباذن الله هيستفيد منها اكتر من الدورات لان بجد الدورات ملهاش اى لازمه ولو الاخ حمدى يقدر يتابع مع اى فنى يعرفه يكون افضل ايضا

[hamdy top]

الاول الف شكر مهندس محمود عبدالحميد هو فعلا انا متابع معا واحد وهو تمام بس الصيانه بتبقى محدودة وطالما انا الدورات مفهاش اى استفادة يبقى فعلا زى ما انته بتقول كدة مفيش غير متابعة الاقسام للاستفادة الـــــــــــــــــــــــــف شكر استاذ محمود عبدالحميد والاســـــــــتاذ ملاك مكرم الف شكر يا جماعة

[مهندس محمودعبدالحميد]

لا شكر على واجب اخى الفاضل واحنا يسعدنا تشريفك ومشاركتك معنا فى القسم

[محمدفرغلي]

تمام بارك الله فيكم احبابي

[محمد محسن خطاب]

الله ينور اخوانى

[م ربيع الجادورى]

تاكيدتا لكلام الساده الزملاء انا تعلمت فى اكادمية سموحه
10 فى ال 100 وتعلمت عند ممارس ولاكنه متمكن 80 فى ال100
وعلى فكره اللى بيديك الدوره فى الاكادميه صنايعى من خيريجى الاكادميه
ولاكنى تعلمت الكثير والكثير فى هذا المنتدى الكريم بمشرفيه واعضائه
ودى الشهادات اللى اخذتها من الاكادميه
حتى يطمئن قلبك
اخى الحبيب تابع معنا وان شاء الله تستفيد منا ونستفيد منك
ساقول لك حكمه اقرئها جيدا
ضاع العلم بين الحياء والكبر
يعنى اسال براحتك

[مهندس محمودعبدالحميد]

تمام اخى ربيع وهذا ما نود توضيحه للاخ الفاضل صاحب الموضوع