ليه بدلت هدومى يابابا

[adoool]

ليه بدلت هدومى يابابا
ليه الجينز بقى كتان
هو صحيح انا مت يا بابا
وبقيت ماضى وذكرى كمان
يعنى الضحكه الحلوه بتاعتى
وصورة العيد راحوا للنسيان
طب ايه ذنبى
عملت انا ايه
انا ما اخترتش الاهمال
علشان ادفع تمن اهمالهم
وتعيش امى فى الاحزان
فين مدرستى
فين كراستى
فين الرسمه والالوان
ليه مريلتى بلونها الاصفر
غيرتوها بالاكفان
طب والواجب
عربى ودين
حساب وعلوم
كله انا عمله
مين هيصحح واجبى كمان
رد يا بابا
صحيح انا ميت
ولا انا نايم علشان تعبان

[حسن محمدين]

يشرفنى بان اكون اول من يرد عليك الف مليون شكرآعلى كل كلمه فى حق اطفال حادث الاهمال وانا لله وانا اليه راجعون

[adoool]

يشرفنى بان اكون اول من يرد عليك الف مليون شكرآعلى كل كلمه فى حق اطفال حادث الاهمال وانا لله وانا اليه راجعون

شرف لي مرورك

و انا لله وانا اليه راجعون

[IEGYPTION]

الا تؤمنون بالله وقدره
استغفروا الله

[سيجما]

الا تؤمنون بالله وقدره
استغفروا الله

لا اله الا الله..
يعن مانحزنش كمان..
ماتكفرونا كمان..
لو ابنك (اسف ان جرحت مشاعرك.) او بنتك او احوك الصغير.,.
مات فى المصيبه دى..
مكنش هيكون ده ردك..

[السيد المداح]

انا لله وانا اليه راجعون