عاجل كم تستغرق عملية التحديث

[حمادة الشورى]

انا بحدث الجهاز دلوقت بالسوفت الجديد ، كتبلى يتم تحديث الفلاشة لا تقم باطفاء الجهاز اثناء تحديث الجهاز ووقف على كده هى عملية التحديث بتاخد وقت اد ايه انا بقالى اكتر من عشر دقايق وبدأت اقلق

[waleedaboyasmen]

انا بحدث الجهاز دلوقت بالسوفت الجديد ، كتبلى يتم تحديث الفلاشة لا تقم باطفاء الجهاز اثناء تحديث الجهاز ووقف على كده هى عملية التحديث بتاخد وقت اد ايه انا بقالى اكتر من عشر دقايق وبدأت اقلق
اخى حمادة عملية التحديث بتاخذ وقت حوالى 35دقيقه

[حمادة الشورى]

طيب الحمد لله ربنا يخليك ياغالى انا كنت قلقت جدا ويارب تعدى على خير انا اصلا مبحبش حكاية التحديثات دى بس قلت يالا بالمرة مادام ححدث البلجن لما لقيت ******* مش حيشتغل الا بعد التحديث

[holly007_007]

طيب الحمد لله ربنا يخليك ياغالى انا كنت قلقت جدا ويارب تعدى على خير انا اصلا مبحبش حكاية التحديثات دى بس قلت يالا بالمرة مادام ححدث البلجن لما لقيت ******* مش حيشتغل الا بعد التحديث

اخونا حمادة الشوري ابقي طمنا عليك علشان انا زيك بالظبط شغال علي سوفت قديم ومش راضي احدث علشان مش لاقي جديد حتي الان لسه مستني الترجمة علي السوفت الاصلي بس شكلي هعمل زيك ..
يا ريت تبقي تقولنا حدثت بالفلاشة ولا باللودر

[حمادة الشورى]

الوقت عدى اكتر من 35 دقيقة ولسه الشاشة كاتبة الكلمتين اياهم ، انا فعلا كده بدأت اقلق

[holly007_007]

الوقت عدى اكتر من 35 دقيقة ولسه الشاشة كاتبة الكلمتين اياهم ، انا فعلا كده بدأت اقلق

ان شاء الله خير

[waleedaboyasmen]

انتظر اخى حمادة

[حمادة الشورى]

انتظر اخى حمادة

العملية دخلت على ساعة يا ابو ياسمين ، تحديث ايه ده اللى بياخد ده كله

[holly007_007]

اخونا حمادة الشوري طمنا عليك ايه الاخبار

[حمادة الشورى]

اخونا حمادة الشوري طمنا عليك ايه الاخبار

نفس الوضع يا غالى ، شكلى كده حشوف المرار بتاع اخونا الكلحى

[holly007_007]

لا يا راجل والنبي اوعي تقول كده ده انت اخر مره قلت له ما بلاش...

[حمادة الشورى]

لا يا راجل والنبي اوعي تقول كده ده انت اخر مره قلت له ما بلاش...

شكلها كده ياغالى ، انا مش مقتنع ابدا انه فيه تحديث ياخد كل الوقت ده ، المشكلة بقى انى مش عارف اعمل ايه بعد كده ، لانه كاتبلى لا تطفئ الجهاز اثناء التحديث وانا مفيش قدامى غير انى استنى

[نبوسة]

اخى الفاضل انامريت بنفس التجربه وقعدت اكتر من 40 دقيقه بنفس الرساله وقالولى بياخد وقت بس لما طول جازفت وطفيت الجهاز واعدت تشغيله وانا ايدى على قلبى بس الحمد لله فتح ومااخدش السوفت الجديد الا لمااعدت التحديث بالفلاشه الموضوع ده ما اخدش 3 دقايق مااقدرش اقوللك تعمل كده لا يبقى ذنبك فى رقبتى

[حمادة الشورى]

اخى الفاضل انامريت بنفس التجربه وقعدت اكتر من 40 دقيقه بنفس الرساله وقالولى بياخد وقت بس لما طول جازفت وطفيت الجهاز واعدت تشغيله وانا ايدى على قلبى بس الحمد لله فتح ومااخدش السوفت الجديد الا لمااعدت التحديث بالفلاشه الموضوع ده ما اخدش 3 دقايق مااقدرش اقوللك تعمل كده لا يبقى ذنبك فى رقبتى

والله ياغالى انا الشيطان بيوزنى اعمل كده لان الموضوع دخل فى ساعة وربع ، بس بينى وبينك خايف لانى عارف ان عواقب المخاطرة دى بتبقى شحن الفلاشة فى التوكيل وهو فى اسكندرية يعنى لازم استنى لما يبعتوه وموال تانى

[ayman algazzar]

قلبى معاك يا أبو أحمد يا غالى
بس أنت مش بتاع مخاطرات ودائما
مرتاح مع سوفت الجهاز
مالك ومال التحديث
عموما ربنا يسهل الحال وتكون بسيطة
وتتحل مع اللودر إن شاء الله

[حمادة الشورى]

ايه ياجماعة دخلت فى ساعة ونص اطفى الجهاز وولعه ولا ايه

[حمادة الشورى]

قلبى معاك يا أبو أحمد يا غالى
بس أنت مش بتاع مخاطرات ودائما
مرتاح مع سوفت الجهاز
مالك ومال التحديث
عموما ربنا يسهل الحال وتكون بسيطة
وتتحل مع اللودر إن شاء الله

والله يا ابو يوسف انا اضطريت لما لقيت انهم نزلوا تحديث للبلجن والسيرفر المجانى مابيشتغلش من غيره فقلت تحديث بتحديث احدث بقى السوفت بالمرة

[waleedaboyasmen]

اخى حمادة اطفى الجهاز وولعه

[حمادة الشورى]

اخى حمادة اطفى الجهاز وولعه

طفيته ياغالى وولعته ، لقيته فتح على السوفت القديم وكتبلى احدث السوفت ، زى اخى نبوسة بالضبط فحملت التحديث تانى وطلعتلى الشاشة اياها وادينى مستنى بس اخى نبوسة قال ان العملية دى حتاخد 3 دقايق اما نشوف بقى حتاخد معايا اد ايه

[نبوسة]

اخى الكريم حماده ان شاء الله مش هياخد وقت كتير وعلى فكره انا اختك ام محمد