تسجيل الدخول

مشاهدة النسخة كاملة : برجاء المساعدة ضروري

eslamalex012
2012/11/22, 07:02 PM
انا متزوج و عندي( ولد سنتين - بنت ثلاث سنوات ) و زوجتي كثيرة المشاكل معي و كل مرة اخوها يقوم بالاتصال بي و يطلب مني ان ااتي بالمأزون ليتم الطلاق و عاوزني اخد هدومي و امشي مع ان فى اول الزواج كانت لا توجد مشاكل نهائي و المشاكل بدأت من بعد ولادتها للولد و انا مش عارف اعمل ايه لان كل دة عشان عاوزين الشقة بأسمها و انا رافض و الان قامت تهددني رفع دعوة خلع فأنا مش عارف اعمل ايه
eslamalex012
2012/11/22, 07:14 PM
ارجوكم حد يرد علية
احمد علي علي
2012/11/23, 01:59 PM
ارجوكم حد يرد علية

اخي الفاضل ... زوجتك وكما جاء في مشاركتك واستفسارك انها كثيره المشاكل معك ولاتراعي انك زوجها ووالد ابنائها ومن حقها طاعتك ومن حقها عليك احترامها ومعاملتها بالحسنه وتوفير سبل الحياه الكريمه لها ولابنائك ...
اما في حاله طلبها ان تكتب الشقه باسمها فهذا مرفوض تماما فهي كثيره المشاكل والشقه باسمك فماهو الحال لو كانت الشقه باسمها وحدثت هذه المشاكل ؟ اذا كنت مقتدر ماديا وتجنبا للمشاكل فلا مانع من كتابه الشقه باسمها .... اما اذا لم تكن لديك المقدره وتعويض هذه الشقه فحذاري ان تكتب الشقه باسمها حتي لاتجد نفسك في الشارع وسامحني في ذلك ...
في حاله خروج الزوجه عن طاعتك وتهديدك بالخلع فلا داعي للقلق فهي الخاسره في الخلع لانها سوف تتنازل عن كل حقوقها ولايتبقي سوي نفقه الاولاد واستبعد ان تلجأ الزوجه الي الخلع لانها تعلم انها سوف تخسر كل شيء . اتمني الوصول الي حل وسط يرضي جميع الاطراف واي استفسار تفضل وتقبل التحيه
eslamalex012
2012/11/23, 11:41 PM
بس انا سمعت انى لازم اجيب لها سكن عشان خاطر الاطفال لانها تعتبر حاضنة و انا مش فى استطاعتي
هل هذه المعلومة صحيحة ؟
احمد علي علي
2012/11/24, 12:23 AM
بس انا سمعت انى لازم اجيب لها سكن عشان خاطر الاطفال لانها تعتبر حاضنة و انا مش فى استطاعتي
هل هذه المعلومة صحيحة ؟

ليس شرط اخي الفاضل ان تحضر لها شقه ولكن في هذه الحاله سوف تدفع اجر مسكن .
eslamalex012
2012/11/24, 10:44 AM
طب مش هي اللى طلبة الطلاق انا محلتيش غير الشقة اللى انا قاعد فيها و مرتبي لاني موظف حكومي دة الرسمي و بعقد مفتوح يعني انا فاتح المنزل و عايشين من عمل اخر (( صيانة المحمول و الدش ))فلا يوجد مصدر رزق اخر
بس انا عاوز الاولاد تكون حضانتهم معي لان روحي فى الاولاد
ارجوك محتاج حل يا سيادة المستشار انا حقول لحضرتك دمغها ماشية ازاي
1 عند الطلاق حيوجد فلوس نفقة الاولاد و المسكن المجاني
2 يرجع لها المعاش الذى انقطع بتاع والدها
3 تنزل تشتغل
فهذا كله يعتبر مصلحة لها
انا مشعارف اعمل ايه ؟
احمد علي علي
2012/11/25, 01:49 AM
طب مش هي اللى طلبة الطلاق انا محلتيش غير الشقة اللى انا قاعد فيها و مرتبي لاني موظف حكومي دة الرسمي و بعقد مفتوح يعني انا فاتح المنزل و عايشين من عمل اخر (( صيانة المحمول و الدش ))فلا يوجد مصدر رزق اخر
بس انا عاوز الاولاد تكون حضانتهم معي لان روحي فى الاولاد
ارجوك محتاج حل يا سيادة المستشار انا حقول لحضرتك دمغها ماشية ازاي
1 عند الطلاق حيوجد فلوس نفقة الاولاد و المسكن المجاني
2 يرجع لها المعاش الذى انقطع بتاع والدها
3 تنزل تشتغل
فهذا كله يعتبر مصلحة لها
انا مشعارف اعمل ايه ؟


بعد الطلاق ليس لها نفقه سواء تطليق من المحكمه او خلع ولكن يختلف الوضع لو هي اقامت دعوي تطليق للضرر مثلا فلو تم الحكم بالتطليق فسوف تحصل علي جميع حقوقها من مؤخر او متعه او نفقه عده اما الخلع فسوف تتنازل هي عن كل شيء حتي تقبل دعواها ........ تبقي بعد ذلك نفقه اولادك واجر المسكن واجر الحضانه وسوف تكون الحضانه معها حتي سن 15 سنه ....... هذا هو القانون اخي الفاضل .
eslamalex012
2012/11/26, 06:09 PM
الف شكر يا سيادة المستشار على هذة المعلومات و اسف اني تعبت حضرتك
مشكووووووووووووور
eslamalex012
2013/04/05, 04:20 PM
ممكن اعرف ما معني ان ترفع دعوي طلاق للضرر
و ممثل فى ايه ؟
eslamalex012
2013/04/09, 07:38 PM
محدش رد علية
waleed2010
2013/04/10, 12:49 AM
ممكن اعرف ما معني ان ترفع دعوي طلاق للضرر
و ممثل فى ايه ؟

الطلاق للضرر له اسباب عديدة
فقد يكون ضرر بالقول او الفعل مثل ايذاء الزوجة بالسب او الضرب
وقد يكون على مالها بتبديد منقولاتها
او اى سبب اخر تستند له الزوجة ويسبب لها ضررا وتستطيع اثباته كعدم الانفاق او الهجر او الزواج باخرى وهكذا.
ولقد نصت المادة 6 من القانون رقم 25 لسنه 1929
"إذا ادعت الزوجة إضرار الزوج بها بما لا يستطاع معه دوام العشرة بين أمثالها يجوز لها أن تطلب من القاضي التفريق وحينئذ يطلقها القاضي طلقة بائنة إذا ثبت الضرر وعجز عن الإصلاح بينهما فإذا رفض الطلب ثم تكررت الشكوى ولم يثبت الضرر بعث القاضي حكمين ...."


انظر فى عريضة الدعوى لتعرف سبب الطلاق .
khled208
2013/04/21, 11:10 AM
اشرب بريل واسترجل واديها علقة محترمة ولو اخوها تدخل لا تعطية الفرصة للتدخل حتى تتاكد انة مفيش وراها رجالة غيرك لتحتمى فية وساعتها سوف تستقيم الامور اسمع كلام مجرب وادعيلى
احمد علي علي
2013/04/21, 12:10 PM
اشرب بريل واسترجل واديها علقة محترمة ولو اخوها تدخل لا تعطية الفرصة للتدخل حتى تتاكد انة مفيش وراها رجالة غيرك لتحتمى فية وساعتها سوف تستقيم الامور اسمع كلام مجرب وادعيلى

يا اخ خالد هنا قسم الاستشارات القانونيه وليس قسم المشروبات او افلام الاكشن ............ تحياتي