عندى سؤال بخصوص الدونجل ومش لقية حل لغايت دلوقتى بجد موضوع يحير جدا جدا

[زيكو غانم]

المشكلة ان فى اماكن مبيشتغلش فيها الدونجل بس اية السبب مش عارف يعنى كنت بركب لواحد دونجل وجبت اشارت w3 كويسة جدا وركبت الدونجل مشتغلش مع العلم ان الدونجل متجرب وغيرت القطعة برضو مشتغلش وغيرت الكبل رغم انو متجرب مشتغلش حاجة تحير بجد اخت الدونجل وجربتو عندى اشتغل تمام حتى القطعة جربتها عندى اشتغلت تمام اروح عند الراجل ميشتغلش مع العلم ان المكان مفيش اى حاجة امامة يعنى المكان عالى ومفيش مبانى امامة فا طلبت منة انى اجرب انى اركب طبق فى البلكونة هو فى الدور التانى ركبت الطبق الدوجل اشتغل تمام عاوز افهم الموضوع دة بجد حاجة تحير مع العلم ان الموضوع دة اتكرر اكتر من مرا يمكن اربع مرات واغير مكان الطبق يشتغل بس ببعد الطبق خالص يعنى مش على نفس البيت ياريت لو حد عندة تفسير للموضوع دة يقلى بجد نفسى اعرف انا دلوقتى بطلع اركب الدونجل واناخايف انة ميشتغلش ياريت لو حد حصل معاة الموضوع دة يتكلم عشان نعرف اية المشكلة ونستفيد كلنا

[هشام العزب]

والله يا غالى مشفناش دى قبل ذلك
عن نفسى مركب اكثر من 50 دنجل
محصلش معى دى
والله اعلم ولو فيه حد يقول
تقبل تحياتى اخى الكريم

[احمد سمير]

ونفس الجهاز اللى بتشغله مع الدونجل عندك

هو نفسه اللى بتشغله عند الزبون

[زكريا شوشة]

يا اخى الفاضل
فية اماكن لو الطبق ركبتة فى مكان عالى الجهاز ميشتغلشى
ولو ركبتة على الارض الجهاز يشتغل عادى بدون مشاكل
قابلتنا حاجات كتيرة من دى
متشغلشى دماغك لانك هتتعب

[احمد سمير]

منور ياحاج زكريا والله

ولكن ايه الفرق بين المكان العالى والواطى

مع اسفى طبعا للفظ ولكن وطالما اشارة القمر

ال w3 موجوده طيب ايه الفرق

طيب مهو عندك فى كل أوربا

كنا بنركب الأطباق فى الأرض ( فى البستان )

هذا نظرا لأسطح المنازل المضلعه بشكل المثلث

والهرميه

والعواصف الكتيره

بالتأكيد ليس لها دخل اخى زكريا

[ابوعلي2111]

متابعه جيده

[alybalbaa]

اخى العزيز العمليه بسيطه جدا التردد اللذى يحمل ****** فى بعض الأماكن يتداخل مع تردد معين قريب قد يكون ناتج من محول كهربى على مسافه معينه وزاويه معينه او محطه تقويه لمحمول او اى جهاز كهربى فكل الأجهزه ينتج عنها ترددات مختلفه فى المقدار والسعه والأتجاه وعندما يوجد اكثر من تردد يحدث بينهما او بينهم تداخل تدميرى او تعميرى اى ممكن ان بنتج تردد جديد مختلف عن الأ صلى وممكن تزيد قدره التردد الأصلى فيسمى تداخل تعميرى وممكن ان يلغى التردد التردد الأصلى وشروط كل تداخل قيم الترددات وسعتها واتجاهها وهكذا مثل امكانيه التشويش على قناه معينه مثل ما حدث تشويش على قنةات الجزيره ومثلما يشوش موتور المياه على محطه ازاعه ولا يشوش على غيرها اىجو ان تكون فهمت قصدى وارجوان اكون عرفت اوصل لحضرتك الموضوع ده لانه معقد بعض الشىء

[reead70]

http://img153.imageshack.us/img153/4130/47291341.gif

[اسامه الحكيم]

اخى الكريم رغم انى مش بتاع تركيبات
بس بتبقى اشاره القمر تمام فوق 70 % ولكن بيكون فيه
لمسه اخيره للطبق علشان يشتغل الدونجل تمام
ودى قابلت كتير الناس اللى شغاله معايا
وعن تجاربهم
القمر هو القمر والاشاره تمام ولا فرق بين مكان مرتفع ومنخفض
ولا زبون ولا آخر
بتبقى اللمسه الاخيره
وربك الموفق

[محمد دره]

ياباشا اكيد مركب الطبق على قمر تانى انا بيشتغل معايا 100% على اشاره 50 على تردد11345 وتردد11617

[علاء عبد الحميد]

انا بقى حصل معايا اكتر من كده اشغل الجهاز فوق السطح يشتغل تمام وانزل فى شقه العميل ما يشتغلش هى نفس الحاجه فوق (اجهزه=عدسات=سلك)هى هى مافيش غير الكهربا هى المختلفه وماشتغل خالص اربع مرات اروح ومايشتغلش فى الاخر اخذت حاجتى كلها بس محصلتش معى غير مره واحده من تركيبات كتيره بس اعتقد ان ده ارفة عميل

[ابوزهرة124]

موضوع شيق اولا لمابيكون فية شوشررة كنابنعمل ايام تركيب الانالوج كنابنركب اسبلتر على بعداتنين مترويكون الاسبليتربثلاث مداخل ندخل على القطعة ثم نخرج بمخرجين المخرج الاول على الريسيفر والمخرج الثانى على الارض بطول ثلاثة امتار

[رامى نبيل]

اخى العزيز العمليه بسيطه جدا التردد اللذى يحمل ****** فى بعض الأماكن يتداخل مع تردد معين قريب قد يكون ناتج من محول كهربى على مسافه معينه وزاويه معينه او محطه تقويه لمحمول او اى جهاز كهربى فكل الأجهزه ينتج عنها ترددات مختلفه فى المقدار والسعه والأتجاه وعندما يوجد اكثر من تردد يحدث بينهما او بينهم تداخل تدميرى او تعميرى اى ممكن ان بنتج تردد جديد مختلف عن الأ صلى وممكن تزيد قدره التردد الأصلى فيسمى تداخل تعميرى وممكن ان يلغى التردد التردد الأصلى وشروط كل تداخل قيم الترددات وسعتها واتجاهها وهكذا مثل امكانيه التشويش على قناه معينه مثل ما حدث تشويش على قنةات الجزيره ومثلما يشوش موتور المياه على محطه ازاعه ولا يشوش على غيرها اىجو ان تكون فهمت قصدى وارجوان اكون عرفت اوصل لحضرتك الموضوع ده لانه معقد بعض الشىء

كلام سليم 100*100 انقل مكان تركيب الطبق على الصتوح

[احمد سمير]

ألف شكر لك أخى

وبارك الله فيك

[smuel]

كل واحد فينا بخبرتة وبتجاربة هيقول كلام
ولكن لا يصح الا الصحيح
وهو
هناك اشارة ميكرو ويف قريبة من الطبق
وحلها بسيط اوى
سيخ حديد لا يتعدى المتر وحطة امام الطبق
هتتحل المشكلة
واقسم بالله عن تجربة شخصية فى الدونجل وفى اطباق متحركة

[حسين الكبير]

اخى حصلت معايه يجب عليك التاكد انك واقف على القمر التركى w3 لانى فى تردادت متشابه بجواربعض لايفرقها الا درجات صغيره جدا تاكد لا تذكر تقبل من اخيك مصراوى وبيحب مصراوىمن الاخر افتح صوره فى القمر للتردادت 11345patch_cuisin--

[م حماده فاروق]

السبب الرئيسى انه يوجد امام اطبق اشارة ميكروويف قريبة جدا
اخلع بلاطه من امام الطبق
وازرع حربه نحاس 60سم مثلا امام الطبق لكى تمتص اشاره الميكروويف
اما بالنسبه للدونجل الذى يعمل فوق السطح
ولايعمل داخل الشقه فهنال مشكله فى كهربه الشقه
بتاعه الزبون غالبا ما تكون كهربه الشقه الارضى بتاعها مسرى
اقلب فرده الارضى مكان الكهربا بمساعده فنى كهرباء
هتتحل المشكله
تقبلوا مرورى و تحياتى لكم جميعا مع احترامى لجميه الاراء

[زيكو غانم]

انا بشكر كل الى رد عليا وهجرب الحلول دى بس بخصوص الترددات المتشابها انا والحمد لله عندى خبرة كويسة بتركيب الاطباق مش مبتداء يعنى يمكن من 15 سنة فى المجال دة انا بشكر الكل والحاجة الكويسة اننا نستفيد من خبرت بعض شكرا للجميع وشكرا لمصراوى منتدى العمالقة