عطل فى تليفزيون lg شاشه مسطحه

[مراد مراد]

جائنى تليفزيون lg 21 بوصه كنترول LG046N 9R
STR W6754


طافى وبالقياس وجدت ترانزستور الاخراج الافقى تالف

ورقمه c6093 وبتغيره اشتغل الجهاز ولكن اللاين تالف حيث انه يخرج شراره من كل الجهات ومن الكابل وخلافه وفرقع ايسى الفرتكل ورقمه la78040
وركبت ايسى جديد واشتغل الجهاز ولكن يعمل لمده 10 ثوانى ويسقط استندباى
ولو استمريت فى تقليب القنوات يظل يعمل
فقمت بقياس الفولت الخارج من دائرة الباور فوجدته فى وضع استندباى 112 فولت وعند اقلاع الجهاز يصل الفولت الى 150 فولت
فقمت باستبدال بعض مكثفات الباور وايضا الفوتو كابلر وظل الفولت كما هو
فهل خرج الباور فى هذا الجهاز مضبوط على 150 فولت ام ماذا وللعلم مكثف خرج الباور 160/220 ميكرو فمش معقول يكون الفولت 150 برجاء المتابعه

[مراد مراد]

http://www.masrawysat.com/vb/attachment.php?attachmentid=240867&stc=1&d=1355522507

وهذه صورة البورده مع اختلاف فى ايسى الكنترول

[الاستاذ1]

اخى الفاضل اولا مش طبيعى الفولت 150 عليك بتغير المكثفات الصغيرة اللى بجوار ال str وثانيا التاكد من الافو اللى انت شغال بيه وارجو ذكر ارقام مكونات دائرة البور

[الوجيه]

اخى الفاضل اولا مش طبيعى الفولت 150 عليك بتغير المكثفات الصغيرة اللى بجوار ال str وثانيا التاكد من الافو اللى انت شغال بيه وارجو ذكر ارقام مكونات دائرة البور

السلام عليكم
تحياتى لمهندسنا الغالى الاستاذ1
بارك الله فيك للمتابعه
كلام مظبوط 100/100 مع الشكر والتقدير
وفى انتظار رد الاخ مراد مراد

[مراد مراد]

اخى الفاضل اولا مش طبيعى الفولت 150 عليك بتغير المكثفات الصغيرة اللى بجوار ال str وثانيا التاكد من الافو اللى انت شغال بيه وارجو ذكر ارقام مكونات دائرة البور

وكما ذكرت سالفا str w6754

وغيرتها كمان للتأكد ومكثفين صغيرين 50/1 و 50/22 وغيرتهم

فوتو كابلر غيرته tl431 وغيرته زينر 6.8 فولت وسليم وطبعا كل المقاومات سليمه

مش فاضل غير الشوبر وجارى تغييره من شاسيه اخر

والافوميتر جهاز محترم ومتأكد منه مليون بالمائه

[مراد مراد]

غيرت الشوبر ولسه الفولت كما هو 150 فولت فى وضع التشغيل و112 فى وضع ستندباى

[مراد مراد]

هو مفيش حد مر عليه العطل دا ولا ايه وبسم الله ماشاء الله شايف المهندسين كتير

بيشكروا وبيمشوا

[حمدى البندى]

يا هندسة الموضوع بسيط جدا المشكلة مازات موجودة
بدلئرة الباور ياريت تغيرstr مع تغيير جميع المكثفات
الموجودة جنب str وخرج الشوبر وانشاء الله سيعمل
جهازك افضل من الاول بس تابع ما اشار الية

[الاستاذ1]

مهندسنا الغالى مشكلتك قبل الشوبر وغالبا مقاومة من المقومات الصغيرة هتلاقيها شورت تاكد من جميع مكونات الدائرة

[الاستاذ1]

يا هندسة الموضوع بسيط جدا المشكلة مازات موجودة
بدلئرة الباور ياريت تغيرstr مع تغيير جميع المكثفات
الموجودة جنب str وخرج الشوبر وانشاء الله سيعمل
جهازك افضل من الاول بس تابع ما اشار الية

عفوا مهندس حمدى شاركت معاك فى نفس الوقت يجب عليك مهندس مراد اتباع مااشار اليه مهندس حمدى

[مراد مراد]

يا هندسة الموضوع بسيط جدا المشكلة مازات موجودة
بدلئرة الباور ياريت تغيرstr مع تغيير جميع المكثفات
الموجودة جنب str وخرج الشوبر وانشاء الله سيعمل
جهازك افضل من الاول بس تابع ما اشار الية

يا هندسه انا ذكرت انى غيرت str وكمان ذكرت انى غيرت المكثفين الموجودين بجوارها وتم تغييرهم مرتين لان انت عارف المكثفات الرديئه والزينر 6.2 فولت

[مراد مراد]

مهندسنا الغالى مشكلتك قبل الشوبر وغالبا مقاومة من المقومات الصغيرة هتلاقيها شورت تاكد من جميع مكونات الدائرة

يا استاذ هم 4 او 5 مقاومات صغيرين وتم قياسهم اكثر من مره بعد فصل طرف المقاومه القرائه مطابقه لما هو مدون على المقاومه وتم قياس 3 مكثفات السراميك بالافوميتر المخصص لهم وايضا مضبوطين

[حمدى البندى]

عفوا مهندس حمدى شاركت معاك فى نفس الوقت يجب عليك مهندس مراد اتباع مااشار اليه مهندس حمدى

يا هندسة ما تقواش كدة انت نور قسم الصيانة
وردودك كلها بتدل على انك فنى متمكن

[مراد مراد]

تم حل مشكلة الفولت الزائد وجدت مقاومه r516 مغيره قيمتها من 90 كيلو الى 170 كيلو

وبتغيرها بأخرى 90 كيلو الفولت انظبط المقاومه موجوده فى جزء الفيد باك خارج دائرة الباور بجوار tl431

ولكن بقيت مشكلة الاستندباى بعد ظهور النمش على الشاشه

[وليد هانى]

مع احترامى لجميع غير الممرى ياغالى بواحد مشحون وارفع ايسى الفرتكال وشوف هيفصل برتكش ولا

[مراد مراد]

مع احترامى لجميع غير الممرى ياغالى بواحد مشحون وارفع ايسى الفرتكال وشوف هيفصل برتكش ولا

شحنت الميمورى من قبل بشحنه اخرى وايضا مسحته خالص وركبته فاضى

والجهاز بيفتح وبيظهر النمش والشاشه طبيعيه وبيظهر القوايم كمان

وايضا فصلت ايسى الفرتكال وفصلت الدفلكشن وفصلت كلكتور ترانزستور الاخراج الافقى

وبعد كل ده بيعمل استندباى

[اسامه الحكيم]

اخى مراد

عليه العوض فى الكنترول

استبدل الكنترول وان شاء الله هتنحل مشكلة الاستندباى او الحمايه

بالتوفيق

[مراد مراد]

الاول احب اشكر كل المهندسين الافاضل ربنا يعزكم ويكرمكم
واشكر مهندسنا اسامه الحكيم اللى جاب من الاخر فعلا غيرت ايسى الكنترول واشتغل الجهاز
ولحسن الحظ كان عندى شاسيه تقطيع دائرة الباور كانت البورده محروقه من تحت مكونات الباور واخدنا منها اللاين وايسى الكنترول
تليفزيون نحس والله
ترانزستور اللاين + اللاين + كام مكثف + مقاومه+ استبدال كام فوتوكابلر وكام tl431 وواستبدال str وكام مره فحص وتمحيص وكمان ايسى كنترول دا ايه الحلاوه دى
وكمان الاسبارك كان منيم اللون الاحمر شحنت الشاشه كمان

اخد كام على كده هههههههههههههههههههه

انا هقوله سيب التليفزيون ويدفع كمان 100 جنيه

[ابو ميار]

العيب ده مر عليا اكثر من مره وماكنتش بغير البروسسر ولكن كنت بفصل ترانسستور الحمايه فقط وبيشتغل