عايز اشترى lcd 32

[mudyking]

سلام عليكم
كنت عايز اشترى شاشه الى سى دى 32 بوصه و تكون امكانياتها معقوله
اشترى ايه و منين و سعرها فى حدود كام
شكرا
سلام عليكم

[شريف محمد السيد]

انا بضم صوتى لصوتك ومنتظر رد عمالقة مصراوى سات

[ABo 3AHD]

انا افضل سمسونج اسمرت لكنه غالي

[mudyking]

انا عايز حاجه تكون فى حدود 2000 او 2100 بالكتير

[ايمن ابو غزاله]

فية جهاز اسمة جولدى كويس وبنفس السعر تقريبا حوالى 2000جنية 10/10

[عماد رياض]

اخى الفاضل عليك بذهاب الى سيتى ستارز يوجد محل اسمة سبنس يوجد فى جميع انواع الشاشات من سامسونج وتوشيبا وال جى و جولدى وسونى وغيرهم عن نفسى اشتريت سامسونج 40 بوصة led لجودة الصورة والالوان ويوجد ميزة من الشراء من سبنس وهى عند الشراء بتاخد فاتورة باستبدال الشاشة خلال 14 يوم بشرط ان تكون بنفس التقفيل عند الشراء انا اشتريت الاول ال جى ورجعتها ثم جبت سونى ورجعتها وفى الاخر جبت سامسونج واخوية جاب سامسونج ايضا بس 32 بسعر 2100 سيرس 4 والسلام عليكم

[mudyking]

طيب اشترى نوع ايه احسن ، يعنى سامسونج ولا ال جى ولا سونى ولا هايسنس ولا توشيبا و لا ايه
مش عارف
انا عايز اجيب حاجه 32 بوصه فى حدود 2100 جنيه ، اجيب انى نوع من دول

[عماد رياض]

حضرتك لو تلاحظ كلامى انا قلت جبت ال جى ورجعتها وسونى ورجعتها ثم جبت سامسونج عليك اخى الفاضل بشاشة سامسونج وانسا بعد كدة

[mudyking]

طيب هل فيه انواع من السامسونج
يعنى داخل عالم شاشات السامسونج هل توجد افضليه لانواع على انواع اخرى
فى حاله ال 32 بوصه

[abu kenzy]

بص يا سيدي هنحاول نختار واحدة واحدة
أولا فيه سوني و باناسونيك و هاي سينس بس دول صيانتهم مكلفة جدا و مش موجودة إلا في حدود بسيطة

ثانيا : فيه بينك و جولدي و حاجات شبههم بس الحاجات دي فيها عيوب كتير

ثالثا : شارب المستورد انا معرفش نظام الصيانة بتاعته و هل ممكن يتصلح في مراكز توشيبا العربي ولا لأ

رابعا : توشيبا و ده التليفزيون الشعبي الاول في مصر

خامسا : فيه عندك ال جي و سامسونج الاتنين قريبين من بعض في الجودة و الامكانيات و الاسعار يعني انا عندي ال جي و مريحني جدا جدا جدا و فيه ناس عندها سامسونج مريحها برضه

بالنسبة لأماكن الشراء .. انت مقلتش انت ساكن فين بس في لو في اسكندرية او المنصورة ادلك

بالنسبة للأسعار لازم تحدد الماركة اولا و تحدد الامكانيات بس في حدود السعر

علي العموم الموديلات دي في حدود الاسعار
toshiba 32 inch regza full hd lcd tv: 32hv10e ب 2100 جنيه

lg tv 32" lcd hd ready: 32cs410 ب 2000 جنيه
وده فيه يو اس بي

toshiba tornado 32 inch tv lcd: 32cd12 ب 1950 جنيه

lg tv (32-inch lcd): 32lk311 ب 2150 و ده فيه usb

و ممكن تلاقي موديلات في سامسونج أو غيرها بقرب الاسعار دي

[mudyking]

انا من مدينه نصر - القاهره

[walid tarek]

لو حضرتك فى مدينه نصر يبقى روح لتوكيل lg فى امتداد مكرم عبيد بعد التوحيد و النور و انت رايح على السراج هتلاقى عندهم تلفزيونات منوعه و بالاسعار الانت عوزه و فى بردو (بى تك) فى اول مكرم و فى برضو (مركاتو) فى اول عباس شوف الينسبك و عندهم كل المركات

[mudyking]

طيب ال جى فى ناس كتير قالتلى ان مراكز صيانتها وحشه
و قالولى السامسونج كويسه جدا
هل الكلام ده صحيح ولا لأ

[atallaha]

سامسونج ايضا 32بوصة سيرس 4

[atallaha]

سامسونج ايضا 32 سيرس 4 وادعيلى

[شريف محمد السيد]

سامسونج ايضا 32 سيرس 4 وادعيلى

ممكن يا غالى تقول بعض مميزاتها وسعرها وكمان جودة الصورة وهل تختلف الؤية من زاوية الى اخرى وهل فل اتش دى ام اتش دى فقط؟وهل بها يو اس بى ام لا وايضا سوكت لتعمل كشاشة كمبيوتر ام لا؟ وجزاك الله كل خير

[عماد رياض]

يا جماعة مهما هنفضل نشكر فى جودة الشاشة ونقول شعر فها عليك بذهاب بنفسك والحكم على الشاشة ومتخفش البائع مش هيكلك او يبيع ليك بلعفيا لانها شغلتو انة يفهمك وعلشان لا تنصدم جميع الشاشات فى صالة العرض هتجد مفيش فرق والسبب لانهم بيغشلو افلام على جهاز بلورى او هاى دفنيشن فى صالة العرض ولكن هتجد الفرق عن الذهاب الى البيت والتشيغل على قنوات عادية هتقول لنفسك يا رتنى لم اشترى شاشة ال سى دى ولكن عند مشاهدة مبارة على الجزيرة اتش دى هتجد فرق جبار فى الصورة وعند مشاهدة قنوات اتش دى هتحس بلفرق وكل دة انا وجد الحل فى شاشة سامسونج وابسط شى فى ابشن الشاشة يوجد فلتر داخل الشاشة عن التفعيل بيظبط الصورة السيئة على اى قناة الى افضل صورة تباين الالوان بيكون اصلى يعنى الاسود اسود والازرق والاصفر وعاوز تعرف الفرق خد معاك فلاشة عليها جزء مثلا من مبارة وجزء من برنامج فى استديو مثل هنا العاصمة وجزء اخر فلم اجنبى يكون فى حركة وجرب الفلاشة على شاشة سونى وال جى وسامسونج هتجد اول فرق ان شاشة سامسونج بتشغل اى امتداد لفلم من على الفلاشة هتجد الالوان وضحة اكثر على فكرة دى اخر مرة هشارك فى الموضوع دة لانى قلت ليك على كل حاجة وانت حر اشترى او افضل اسال وفى الاخر هتلقى نفسك اتبست فى شاشة اى كلام غير سامسونج ولك ان تعرف ان معظم الشاشات الاخرى بتاخد البنل او الشاشة من شركة سامسونج وباقى المكونات بتكون انواع اخرى يعنى شاشة توشيبا بيكون البنل سامسونج والاجزاء الاخرى توشيبا وهكذة والسلام عليكم