سؤال للاخوه عن قرض الخير اللي يتزاع في القنوات

[ulvpvf]

سؤال للاخوه عن قرض الخير اللي يتزاع في القنوات

[waheed]

يا غالى والله والله هذة عملية نصب ومنهم لله هؤلاء النصابين يعنى تصور ان الدقيقة ثمنهاجينه نصف واقل مكالمة دقيقتين يعنى 3 جنية ومصر بها 80 مليون وحسبة بسيطة لو اتصل منهم مليون واحد فقط فى 3 جنيهة يعنى 3مليون جنية واحسبها فى الشهر بكام واقسم لك ولا واحد من اللى اتصلوا اخذ منهم مليم وحسبى لله ونعم الوكيل فيهم

[حجاج123]

الله ينور عليك يا وهيب

[قللى]

العيب فينا مش فيهم احنا ليه بنتصل المفروض نتكلم ونحاسب القناه الى تزيع اعلان فيه نصب او استغلال للشعب

[mohandes341]

السلام عليكم ورحمة الله وبركاتة
فعلا العيب فينا بنصدق هذه القنوات وهذه الاعلانات الفاشلة مثل قرض الخير وهو قرض شيطانى واعلانات الاختلاف بين الصورتين وتجعلك تحدق النظر فى المتبرجات العاريات الفاجرات و الاخرى للاسئلة التافهة مثلهم
واخيرا العيب كل العيب على وزير الاعلام الفاسق الذى قال انا لم اجئ لاخونة الاعلام
مش عايز يخلى الاعلام اخوانى فتركة للحريات المزعومة وانتشرت قنوات الرقص والغناء الفاجر وقنوات التسوق الخليعة الفاجرة وقنوات النصارى والشيعة وقنوات السب واللعن للصحابة وزجات النبى علية الصلاة والسلام
فى النهاية واسف على الاطالة لان هذه الامور تحرق الدم
يجب مراقبة هذه القنوات وهذه الاعلانات وحذف اى شئ مخالف او خادش للحياء والتاكد من مصادرها وارباحها مصداقيتها وعدد المستفيدين من المشاهدين وايقاف بثها بعد انتهاء الغرض منها
مش يعلنوا عن قرض ب 20.000 ج وينهبوا ملالالالالاين من الشعب الغلبان
والله انا عن نفسى الحمد لله حذفت كل قنوات الافلام والمصارعة والاغانى والاعلانات وبعض قنوات المسلسلات تركت 185 قناة فقط
والسلام عليكم ورحمة الله وبركاتة

[moustafaabdou]

ياحضرات من الأخر كل اعلانات الدش نصب فى نصب ماعدا والله اعلم الشركة السعودية علشان دائما بتوضح عنوانها ولها مكان ثابت ولكن باقى الاعلانات كلها نصب فى نصب ولا منتج ممايذاع عنه سليم فما بالكم من القرض ،، حتى التلفزيون المحلى جعل لك الاتصالبه على الارضى الدقيقة بجنية ونصف المهم تتصل على 0900 فى كل المحطات يقومون بتوليع الدنيا ثم يفتح باب الاتصال ويترك على التليفون اكتر من خمس دقائق او اكتر والدقيقة طبعا بتعد عليك عن طريق 0900 وانت سخن عاوز تتكلم وخلاص ولما تيجى الفاتورة لك تصوت ،،، والنصيبة لما يكون فيه برنامج بيحكى عن النصب على الناس او بيدعوا لعدم النصب على الناس وهو نفسه واضع رقم تليفون الدقيقة فيه جنية ونصف ،، مثل قنوات الكورة علشان تقدر تلم فلوس كانت تكتب على الشريط الاسفل أن واحد زملكاوى قام بكتابة كلمة بايخة على النادى الأهلى طبعا يسخن جمهور الأهلى ويبدئ يرسل sms للرد على الزملكاوى ثم يسخنوا الزملكاوية وهكذا تجد الشريط مليان والفلوس بتقع فى جيوبهم ،، واحنا مش فاهمين غير التعصب فقط ،،، وخلاص كان شعبنا اصبح لايفكر ،،واعطاهم الفكرة انه لايفهم ،،، والله المفروض بدلا من النداء بمقاطعة المنتج المستورد نقوم نحن الأول بتطهير انفسنا ونقاطع كل ماهو فاسد فى البلد ،، حتى يخربون بيوتهم بأيديهم وايدى المؤمنون،،،

[ABo 3AHD]

يا غالى والله والله هذة عملية نصب ومنهم لله هؤلاء النصابين يعنى تصور ان الدقيقة ثمنهاجينه نصف واقل مكالمة دقيقتين يعنى 3 جنية ومصر بها 80 مليون وحسبة بسيطة لو اتصل منهم مليون واحد فقط فى 3 جنيهة يعنى 3مليون جنية واحسبها فى الشهر بكام واقسم لك ولا واحد من اللى اتصلوا اخذ منهم مليم وحسبى لله ونعم الوكيل فيهم

دي اساس اللعبه

[waheed]

يا جماعة خذوها نصيحة من اخوكم واذهبوا للسنترال التابع لكم وقدموا طلب بالغاء 0900 والله انا عملت طلب والحمد لله انقطعت هذة الخدمة نهائيا

[هاني سعيدمبروك]

مفيش حد بيتصل غصب عنه