ارجوا المساعده

[احمد ابوعيسى]

السلام عليكم

انا جالي تليفزيون جاك 14 بوصه موديل ngt1430 ضارب ايسي الفرتكال وكان رقمه دي 1426 والمقاومه المغذيه كهربا للاين ورقمها على الشاسيه r403 ضاربين ومكانهم لحام سابق فعرفت انهم كانوا متغيرين قبل كده
ف جبت مقاومه 2 اوم زي الي قبلها وركبت ايسي دي 1555 المشهور الجهاز اشتغل زي الفل ف اقفلته واديته للزبون وبعد ساعه جابه فاصل نفس العيب ونفس القطعتين ضربين فقولت اكيد في حاجه
فياريت مهندسينا العظام يقولولي الحل انا حاسس ان اي ايسي هركبوا هيضرب

فما الحل
ارجوا سرعة الرد

[احمد سمير]

أولا ياغالى

يجب مراجعة الفولتيات المغذيه لأى سى

الفرتكال لعل وعسى ممكن تكون زياده

وعلى فكره عندك فى بوردة البور للجهاز

مكثف uf 47 / 50 v غيره وبدون ماتفحصه

وللعلم أيضا أيسيهات الفرتكال اللى موجوده بالأسواق

معظمها أى كلام فعليك بشراء أى سى الفرتكال

وعند تركيبه عليك بتأليف قطعه

معدنيه ( ألمونيوم ) وأربطها معاه كمان

على التبريد بتاعه الأساسى علشان التبريد يتغلب على

السخونيه الناتجه من الاى سى وغير المقاومه مره أخرى

بمقاومه 4.7 أوم على 1 واط وإن شاء الله

هيظبط معاك ويبقى تمااااااااام

[احمد ابوعيسى]

اولا الف شكر على الرد
وانا اسف لتأخير الرد بسبب انقطاع النت عندي
ترانزستور الاين انا غيرته بواحد من جهاز تاني شغال كويس ورقمه دي 2599 6 امبير والمقاومه r403 الي واصله للاين رجل 4 عليها 110 فولت وانا غيرت وقست جميع المكونات الي حولين اللاين وبجرب على السريا خايف ليضربوا تاني الجهاز بيشتغل كويس واللمبه واطيه جدا بس بعد 5 ثواني الجهاز بيطفي واللاين بصرخ وده انا حاسس ان في حاجه غلط ومش عايز اوصل الجهاز مباشر لحاجه تضرب
انا عايز بس اعرف قيمة المقاومه 403 كام لانها بتسخن
بس في حاجه مهمة كانت موجوده وانا حلتها الكهربا 110 كانت لما بتعدي على المقاومه الحراريه 402 كانت بترجه لـ 95 ولما غيرت مكونات الدايره بقت 110
والمقاومه 403 انا حططها ( احمر احمر اسود ابيض بني ) يعني مقفوله وتعدي الفولت كامل لـ اللاين رجل 4 والجهاز بيجيب اضائه وصوره زي الفل
اعمل ايه دلوقت
اسف للأطاله انا قولت اوصف العطل كله واللي انا عملته بالتفصيل لتوصيل الفكره صحيحه
والف الف شكر

[احمد ابوعيسى]

ال 110 فولت على السريا بعد خمس ثواني بتنزل لـ 60 فولت
ده طبيعي ؟؟؟؟؟؟؟؟؟؟

[احمد ابوعيسى]

الجهاز بيفصل واللاين بيصرخ بعد التشغيل 10 ثواني
بس الحمد لله الترانزستور مضربش
وانا نزلت مخطط التليفزيون كامل ولقيت المقاومه 403 اوم وارقام القطع مظبوطه كلها بعد المراجعه
اي الحل

[احمد ابوعيسى]

بعد المراجعه والبحث لقيت ان بعد الاراء بتقول ان العيب ده سببه دايرة الكهربا
والسبب 3 ترانزستور وارقامهم
2 ترانزستور a1015
و ترانزستور 2sc 1959
المشكلة ان الترانزستور التاني مش لاقيه عندي وبياناته
npn 30v 0.5w 0.5a 200mhz
ايه البديل للترانزستور ده
انا تعبت من التفكير ارجوا من مهندسي مصراوي سات العظام المشاركه بالاراء
وشكرا

[احمد ابوعيسى]

مفيش اي رد او مساعده
مش مصراوي سات ده

[احمد ابوعيسى]

تنخفض الجهود كليا
يعني الـ 110 بتنزل 55
الـ 180 الي على السوكت بتنزل 80
كل الفولتات بتنزل بعد التشغيل بـ 5 او 10 ثواني سواء على السريا او المباشر 220


ايه الحل

[احمد ابوعيسى]

مفيش مساعده

[احمد ابوعيسى]

40 مشاهده ولا رد واحد
سبحان الله