المساعد الشخصي الرقمي

مشاهدة النسخة كاملة : مشكلة بعد تنزيل سوفت وملف قنوات لسترونج 4620xii تم تغير مداخل الديزك

عاشق البلانكو الأبيض
2013/01/01, 07:14 PM
بعد ما نزلت السوفت اللي في التوبيك ده
http://www.masrawysat.com/vb/showthread.php?t=741019
ونزلت ملف قنوات
لقيت ان كل القنوات سواء على النايل سات أو الأوروبي مش فاتحة

يبقى ايه السبب ؟؟
أرجو المساعدة
ابوحنــين وأسيـــل
2013/01/01, 07:35 PM
تقصد مفيش اشاره
انتا عندك دايزك؟؟؟
عاشق البلانكو الأبيض
2013/01/01, 07:36 PM
أيوة الإشارة ضعيفة جدا لكل القنوات مصري وأوربي
وعندي دايزك أيوة
ابوحنــين وأسيـــل
2013/01/01, 07:47 PM
اضبط اعدادات الديزك يعني ضبط كل قمر علي المدخل بتاعه
ادخل هنااااااااااااااا
وابقي رد عليا (http://www.masrawysat.com/vb/showpost.php?p=3232870&postcount=3)
عاشق البلانكو الأبيض
2013/01/01, 08:02 PM
فيه حاجة أحب ألفت نظر حضرتك بخصوص الطبق
أنا عندي طبقين واحد 130 والتاني 85
الأول كنت مخصصه للنايل والأوروبي والتاني كنت مخصصه للدونجل
لما نزل سوفت للدونجل من حوالي 6 شهور تقريبا وكان محتاج يستقبل على طبق كبير جبت الراجل وقالي انه هيعمله حركة ذكية ويخليني أستقبل قمر الدونجل بدون ما أغير الطبق ال 85 وأجيب بداله طبق كبيروفعلا عمل حاجة بس مشوفتش هو عمل ايه في الطبقين لاني كنت تحت وهو لوحده فوق السطح
كل اللي أعرفه انه طلب مني اني أشتريله مسطرة صلب طولها 30 سم
ابوحنــين وأسيـــل
2013/01/01, 08:09 PM
ياغلي هو ركب القمر علي الطبق والمسطره جاب النايل او خلي النايل والاوبي علي 85 وخلي الدونجل علي الطبق الكبير في كلا الحلتين
انتا لما اديت الجهاز ملف القنوات اتغير مداخل الديزك وبالتالي لاتوجد اشاره علي النايل او الاروبي بتدخل علي التركيب وتجيب النايل سات وتنزل علي الدايزك وتغير المدخل لغايه ماتيجي الاشاره وتطلع وتخزن وهكذا مع الاروبي
الموضوع بسيط جدا
ولو صعبه علي حضرتك ممكن تستعين بأي حد عنده خلفيه عن الرسيفرات وهوا هيعملك المداخل
شوف الشرح واعمل زيه
منتظــــــــــــــــــــرك
عاشق البلانكو الأبيض
2013/01/01, 08:23 PM
عملت بالظبط اللي انت كاتبه في البوست بتاع الدايزك
لقيت الأوروبي بس هو اللي لاقط على مداخل 2.4 و 3.4 و 4.4
وأنا ظبطه على المدخل 4.4 وخزنت وشغال تمام
أما النايل سات فمش لاقط على أي مدخل من الأربعة خالص
ابوحنــين وأسيـــل
2013/01/01, 08:28 PM
طيب هبسطها ليك خش تاني علي ضبط الديزك للنايل سات واتأكد ان القمر فوق نايل سات
وتعالا علي تاني خيار وهوا التردد وغيره خليه علي التردد 1747 v علشان تقدر تعرف المدخل صح
او تتعب نفسك وتطلع علي السطح وتشوف مداخل الديزك انتا عرفت الاروبي علي اربعه يبقي تشوف المدخل التاني وتنزل وتخزن النايل عليه
منتظرك
عاشق البلانكو الأبيض
2013/01/01, 08:48 PM
أنا دلوقتي فضلت واقف على الدايزك عند 3.4 لقيته لقط للنايل سات وخزنت لقيته شغال تمام
بعدها على طول غيرت من قايمة الأقمار وحولت للقمر الأوروبي لقيت كله قنواته رجعت تاني مش شغاله رجعت تاني للنايل سات لقيته شغال تمام يعني القمرين مش شغالين في نفس الوقت واحد شغال والتاني لأ
وعلى فكرة هي دي المشكلة اللي خليتني أغير السوفت من الأساس وهي اني لما كنت ابقى باتفرج على النايل سات وأجي أغير وأنقل على الأوروبي يشتغل عادي لكن أول ما أرجع للنايل سات تاني الاقي كل قنواته واقفة وماتشغلش إلا لما أفصل الكهربا عن الجهاز وأرجع أشغله من جديد
ابوحنــين وأسيـــل
2013/01/01, 09:06 PM
ياراجل قووول كده من الصبح تعبت قلبي ههههههه
بص ياغالي اولا لازم تتأكد العيب الاول من فين يعني تجرب الجهاز علي ديزك تاني وتشوف
لان ممكن يكون العيب عندك في الديزك او المداخل
عاشق البلانكو الأبيض
2013/01/01, 09:25 PM
خلاص انا هجيب الراجل يغيرلي الدايزك وخلاص
انا متشكر جدا لحضرتك