أسترا 9000 القديم مجننى

[samehsalah]

جهاز استرا 9000 القديم كان شغال وفجأة قطع صوت وبقى يدى وشش على الوصلة الملونة وقاطع صوت خالص على الآر إف فتحته نضفته وبرضه مافيش نتيجة قيست الباور لقيت الباور لما يكون مفصول عن البوردة كل فولتاته عالية يعنى 12 فولت يدى 18 وهكذا مع صوت طقطقة فى الباور ولما اوصل الباور فى البوردة الطقطقة تروح والفولتات تبقى عادية بزيادة طفيفة .4 أو.5 وكدة الصورة ممتازة الاشارة ممتازة التلفزيون مية مية الوصلات مية مية غيرت مكثفات الخطين 3 فولت و5فولت فى الباور مش فاضل غير تغيير الجهاز ههههههههههههه طبعاً انا متأكد ان الحل عند المصراوية ومستنيه على احر من الجمر M-DgM-DgM-Dg

[samehsalah]

بالنسبة لآى سى الصوت عليها 12 فولت واصل تمام خارج منها عادى

[samehsalah]

السوفت وير غيرته بأحدث سوفت ....أنا عمال اكتب كل اللى انا عملته عشان اقرب المسافة على المصراوية

[samehsalah]

ايه ياجماعة انتوا بردانين انهاردة ولا ايه ؟ ههههههههه الجهاز مفتوح والمكواة جاهزة مستنى الأوامر

[محمد الطوخى]

الاول ياغالى تأكد من سلامه خارج البور لازم تكون الفولتات سليمه

ثانيا
هتفتح الجهاز وتعمل كوبرى من ايسى الصوت الى مخرج الاوديو بالجهاز او اعمل كوبرى من مخرج الاوديو بالجهاز
الى اسكارتا اوسخن ياغالى على اى سى الصوت او غيرة

http://www2.0zz0.com/2011/08/28/15/747586844.jpg

[samehsalah]

طيب وهل الطقطقة اللى فى الباور فى حالة عدم اتصاله بالبوردة تأثر على الصوت ؟؟؟؟؟

[samehsalah]

الصوت لما اعلى التلفزيون ع الآخر بيظهر ضعييييف والخروشة عالية

[samehsalah]

ليه اعمل كوبرى ع المخرج بتاع الصورة لما الصورة ممتازة ؟؟؟؟

[محمد الطوخى]

ياغالى راجع على دائره البور صح لازم يكون مخرجها تمام كم موضح بالصور
ثم اعمل كوبر على الصوت وليس الصوره وانا كاتب الكلام ده طبعا فوق

ونظف الجهاز بالبلور ثم بالتنر والفرشة ودعه يجف جيداا

[samehsalah]

دلوقتى ياغالى مريت بالكابل بتاع الاوديو على الايسى الصوت اتظبط وبد شوية رجع تانى لمست السلك فى مكثف صغير جنب سوكيت السوفت اتظبط ورجع تانى

[samehsalah]

دلوقتى يا كبير الصوت ثبت بس فردة سماعة واحدة اللى شغالة والصوت حاسس انه مش عالى قوى أوصل فردة تانية للاوديو التانى ولا كفاية كدة ؟؟؟

[محمد الطوخى]

جرب ياغالى وصل الثانية

[samehsalah]

آسف ياباشا ع التأخير لكن الجهاز بعد ما اشتغل رجع تانى يوش لوحده افتحه تانى وافصل الكوبرى وارجعه تانى يشتغل وشوية يرجع تانى يوش ما العمل ؟؟؟

[زياد77]

بص حبيبى وبعد اذن ا \ طوخى
وهنا كده اشك فى اى سى الصوت
لو تنظفه جيدا بفرشاه ناعمه بالثنر وتقوم باعدة لحام عليه جيدا
وبحرص شديد
واذا استمر العيب ربما تحتاج لتغيير اى سى الصوت
جرب الاول التنظيف واعادة اللحام وان شاء الله تزول المشكله

[samehsalah]

ياغالى الجهاز ده جننى يعنى لو كانت الآى سى بايظة ماكانتش خرجت صوت بس هى بتطلع صوت مخروش ولما اوصل كوبرى يشتغل كويس وبعد شوية يرجع يوش تانى وتم تنضيفها واعاده اللحام عليها دلوقتى تانى اشتغل مستقر وادينى بجربه يمكن ربنا ينفخ فى صورته ويكمل شغل عادى قول يارب عشان انهاردة الجهاز احرجنى مع الزبونة طول الليل الجهاز شغال امبارح ولما جيت اسلمه ليها قالت جربهولى جربته طلع بيوش كأنى ماعملتش فيه حاجة هههههههههههههههههه بصراحة كانت كسفة مالهاش حل pat::ch_lf

[زياد77]

ياغالى الجهاز ده جننى يعنى لو كانت الآى سى بايظة ماكانتش خرجت صوت بس هى بتطلع صوت مخروش ولما اوصل كوبرى يشتغل كويس وبعد شوية يرجع يوش تانى وتم تنضيفها واعاده اللحام عليها دلوقتى تانى اشتغل مستقر وادينى بجربه يمكن ربنا ينفخ فى صورته ويكمل شغل عادى قول يارب عشان انهاردة الجهاز احرجنى مع الزبونة طول الليل الجهاز شغال امبارح ولما جيت اسلمه ليها قالت جربهولى جربته طلع بيوش كأنى ماعملتش فيه حاجة هههههههههههههههههه بصراحة كانت كسفة مالهاش حل pat::ch_lf

بص حبيبى
عملية انه يشتغل ويعود يكسر فى الصوت هى بتبقى عمليه تقوم اى سى الصوت
وشويه يعود تانى وهذا هو العيب وهذاا هو الذى دفعنى لكى اقول لك غيره
لانه لو سليم لكان الكوبرى اشتغل تمام التمام ولا يعود يكسر مره اخرى
عموما تابعه وان شاء الله سعمل جيدا ولا يكسفك مع الزبونه ..
وخلى بالك بعض الرسيفرات بتخاف من صاحبها وخصوصا لو زبونه مش زبون ههههههههههه
لك تحياتى

[samehsalah]

الجهاز رجع لى تانى بنفس العيب غيرت فيه المقاومة101 الطبع اللى هى باربع رجول من كل جنب مكانها جنب لحام الكوبرى بناء على نصيحة اخ النتيجة ان الصوت قطع نهائى لا وش ولا غيره ممكن بقى تورونى صورة لآى سى الصوت ومكانها لاحسن اكون بعك وانا مش عارف ؟

[محمد الطوخى]

ياغالى حضرتك ارفقت لك الصوره بالاعلى
مكان الصوت والصوره
اعمل ياغالى كوبر الى اسكارتا

[زياد77]

ياغالى حضرتك ارفقت لك الصوره بالاعلى
مكان الصوت والصوره
اعمل ياغالى كوبر الى اسكارتا

مرحبا استاذنا
والله لك وحشه
نورت القسم حبيبى

[WALID85AYA]

العيب يا غالي بيكون في المقاومة الطبع المجاورة لأيسي الصوت يجب تغييرها بغيرها سليمية وإعادة اللحام عليها جيدا من كل جانب ، او ممكن باستخدام الجفت تعمل قفلة بين كل طرفين من طرفي المقاومة بحرص حتي تحصل علي الصوت جيدا وتقوم بإغلاق هذين الطرفين بسلكة شعر خفيفة جدا تغنيك عن المقاومة ...وهذا عن تجربة شخصية لي قمت بها في أكثر من جهاز من اجهزة الاسترا وكانت النتيجة رائعة جدا ولم يعود لي أي من تلك الاجهزة مرة تانية ولم يشتكي اي زبون قمت له بتلك الفكرة ..في مشكلة خربشة الصوت في اجهزة الاسترا ..تحياتي للجميع وطاب الله مسائكم